محتاجة مساعدتكن يالفحلات

[rachida]

عندي مشكلة انه دائما كي نجي نعسل الحلويات مثل المشكلة والدزيريات يبقو يابسين مي كي نذوقهم في اماكن اخرى نصيبهم حاكمين العسل ماشي كيما الي نخدمهم انا معرفتش وراه المشكل انا نستعمل عسل المرجان ونزيدلو ماء الزهر ونسخنو شوية بلاك راني غالطة اعطوني الطريقة الصحيحة للتعسيل

[soussou_saida]

salam saha aidek okti
ana tani nesta3mal morjan w nzidlou maa zehah w nessaknou bessah halawiyati teji me3assela ki nekarejeha m forne ne3asseleh sof makroud jani machi me3assel bezaf

[BACHIRA2]

ا هلا اختي نصيحتي لك اذا كان العسل ساخن خلي الحلوي تبرد شوية و لكن كيما المشكلة و الدزيريات يفضل تعسليهم و هم دافيين يعني ما يبردوش بزاف باه يشربو العسل انا هذه طريقتي و المقروط نعسله 2 مرات

[remadna]

طريقة ماما:
العقدة اخدميها طرية بالزبدة
تعسل القاطو فور خروجه من الفرن في عسل سخون و تخليهم مرنخين شوية حتى يطراو
و دائما قاطونا المعسل يذوب في الفم

[soussou_saida]

merciiiiiiiiiii

[امراة لاتقهرها الاحزان]

مرة جربنا باقلاوة بعسل تاع نحلة الحر جا روعة ولا نخدمو لعسل فدار وان تبالي لعسل ليتخدم فدار يكون افضل لانو انتي لتحبي يجيك خفيف ولا تقيل

[moh57]

اختي العقدة تاع الحلوة لميها ببياض البيض ماشي ترونيها بماء الزهر المشكلة ماهيش في العسل

[liliane24]

المشاركة الأصلية كتبت بواسطة remadna

طريقة ماما:
العقدة اخدميها طرية بالزبدة
تعسل القاطو فور خروجه من الفرن في عسل سخون و تخليهم مرنخين شوية حتى يطراو
و دائما قاطونا المعسل يذوب في الفم

أختي رماضنة العسل يكون دافي أو سخون بزاف و الله اختلطت علي، أنا في الحقيقة نحط الحلوى ساخنة مباشرة في العسل العادي بمعنى بدرجة حرارة الغرفة و ما ننحيهمش حتى يبرد العسل مليح " هذاك الوقت اللى يطيب فيه البلاطو الثاني"، وأحيانا إذا كان عندك كمية كافية من العسل خليه الحلوى انتاعك تبات في العسل، باه يطرى "هذي الطريقة شفتها عند صانعة الحلويات" .
بالنسبة للعسل سخون و الحلوى سخونة ، والله جديدة ، نجربها انشاء الله.