حالة الميزيرية تزداد في جامعة مستغانم-خروبة-

[sara-89]

السلام عليكم........
أتمنى ان يكون الجميع في صحة وحالة جيدة .........وميكونش كيفي كاره من هذي الميزيرية فانا طالبة سنة ثالثة جامعي -علوم تسيير-محاسبة-بخروبة وبعد بدء الإمتحانات منذ 15 يوم تعرضنا الى اضرابات من طلاب السنة الرابعة الذين لم يأخذو بحالتنا وقامو بإغلاق الادارة يعني بقاو 3 موديل مكملناهومش ومزاال نستناو يأفيشلنا وينتا............ياربي كرهت خلونا نكملو ونولو لديارنا......................

[zaki307]

الله يحسن عونك ان شاء الله
والله يهديهم

[Diblino]

هادي هي الجامعة وهادو حوالها أتمنى لك النجاح

[الفارسة الشجاعة]

ربي يكون معاك و متقلقيش روحك هذي هي الجامعة

[ريح المطر]

سلام اختي
انا تاني ندرس في مستغانم احنى مزال حتى الامتحانات حتى 19 جوان والله غير كرهت الميزيرية نحوس نكمل
ربي يكون معاك ومعانا

[حمامة السلام48]

حتى انا ندرس في مستغانم في جامعة ليناس

والله العظيم غير كرهت
الامتحانات يبداو تاوعنا في 19 جوان

راني مقلقة وينتا نكمل

الله يهديهم ناس خروبه

جامعة خروبه دخلتلها مرة واحدة فقط وذلك يوم المهرجان الدولي

كيدخلتلها تحسبي راكي في تندوف

واشنو هذا ؟

الشيئ الوحيد اللي عجبني هو اللومفي الكبير

والله العظيم انه رائع........

[soltana]

السلام عليكم يا اختي صارة انا طالبة في السنة الرابعة علوم التسيير و الاقتصاد تخصص محاسبة وانا منهم الي ما خالاوكمش تفوتوا وما بغيتوش تعاونونا والعام لجاي انشاء الله غادي تفهمي علاش درنا اضراب وحتى انا لعام الي فات كي جاو عندنا طلبة السنة الرابعة مابغيتش نساندهم نفس المشكل يتكرر كل عام