مجرد رأي ...لكن أكيد فيه الحل ..

[intell22]

بسم الله الرحمان الرحيم
السلام عليكم و رحمة الله و بركاته
في الحقيقة أنا شاب مثلكم أعاني نفس معاناتكم لي أمنياتكم و طموحاتكم و الحلم بغد جديد لي ملاحظة فقط يعني لما نقول إدماج و زيدولنا في كذا و كذا يعني رانا طبقة مثقفة ماهيش طبقة لي طلباتها مادية بالعكس أحنا الطبقة المفكرة و المثقفة الجماعة الفوق راهم يرقعو فقط قال قالك زيدولنا في المنحة أيا زيدولهم دراهم البترول كاينين نخسرو عليهم 10 ملاين دولار و أحنا زدنالهم كلهم لكن هل هذا حل .....بالنسبة جماعة الحكومة حل بالنسبة لينا لا مش حل يعني لو كل ولاية قاموا بإنجاز مصنعين فقط و يكونوا مصنعين مخصصين للمواد الأساسية لي تجعل الدولة تحقق الإكتفاء و نزول الأسعار .....جماعة الإدارة فيه مناصب ....و التقنيين فيه مناصب.... و العمال العادينن فيه مناصب ... أقل شيء الملايير هاذي ماتروحش هاكذاك ...الدراهم موجودين صح و الشباب يا خيراتك يا ربي وعلاش سوء التسيير هذا ....شيء لي ساعات يهبلني هو أنو القرار يجي أو المرسوم يجي من الرئاسة لكن المشكل أحنا مش دولة وحدة رانا 48 دولة ماهم سامعين لا بمراسيم رئاسية لا عمي عمار ههههه سامحوني شر البلية ما يضحك ...نزيد نقطة أخرى لما تشوف الدولة تقول دعم مشاريع الشباب و الله نفرح لكن لما تسمع المعلومات أن 90 بالمئة من المشاريع هي مشروع كراء السيارات الصراحة كل أصحاب هاذي المشاريع يسقطوا من عيني ......يا جماعة هاذي بلادنا و الأموال أموالنا ....أيا نقولكم مثال شفت مجموعة من الطلبات الخاصة بالتشغيل وعلاش من ضمن الطلبات قال لازم الحد الأقصى للسن المحدد لنائب في البرلمان ما يفوقش 40 سنة لازمنا برلمان شباب ....و زيد الأجر في مكان 35 مليون قال هناك شباب مثقف وواعي و له حنكة سياسية يقبل ب 6 ملاين فقط و 29 مليون إجعلوها 5 أجور لخمس عائلات ....و هكذا وعلاش مش قانون أساسي يحمي الشباب المثقف و لي يعمل في إطار هاذي العقود عند الخواص كيفاش ياناش مهندس دولة يبعثوه يخدم في إطار العقود عند شركة خاصة يقولو المالك لهذه الشركة أحمل الخشب منك من الجميع ....esclavage يعني يا جماعة لازم شوي تفكير و نطلعو النيفو شوية ....

[khalil83]

ناديت لو اسمعت حيا ولكن لا حياة لمن تنادي
هولاء المسؤوليين حابين يذلونا وخلاص لكن لازم احنا نكونو في المستوى ولا نترك لهم الفرصة لاذلالنا
بارك الله فيك على الاقتراح

[intell22]

العفو .....مجرد كلمة في قلبي قلتها هذا أضعف الإيمان ....

[**همسة حنين**]

كون غير جاو لي راهم حاكمين الكراسي يخموا بتخمامك

كون ماراهوش الشباب الجزائري يعاني كما هكذا

***

بلاد مليحة و موقع استراتيجي و الدراهم كاينين و الشباب الله يبارك و مثقف

و نحن لا نحقق حتى الاكتفاء الذاتي في أبسط الامور

والله هذا عيب و عيب كبير

لكن ما باليد حيلة

الدعوة ماهيش بيدينا راهم حاكمين بحكامهم

ربي يفرج علينا و يعطولنا شوي من حقوقنا



ربي يسترك خويا

بالتوفيق

[BOULBI]

https://************************/حملة...864576?sk=wall

[intell22]

هناك مشكل أخر يجب الإنتباه له يا اخواني الكرام .....يسمـــــــــــى الأنانية .....لاحظت ان الكل يريد نفسه فقط يجب توحيد المطالب ياناس .....لما نتكلم عن المطالب و قد نسينا فئة هي فئة مهمة هم الذين إستفادو من عقود لانام لكن عند الخواص الهمجيين هادو وين ندمجوهم وين راح يروحو ....في رأيي الخاص أنه يجب الإنتباه جيدا لفئة اخرى تاني هم معدومي المستوى أو مستويات التكوين المهني هاذوا بشر كذلك و شباب حاب يكون عائلة و مستقبل و لا لي ماقراش مايخدمش و ماعندوش حق العيش بكرامة ...أنا في رأيي لازم تركيز و دراسة شاملة ياو كون يخرجو جماعة التقاعد لي بلغ 60 سنة من الشركات الجزائر كلها تخدم تروح البطالة و الله الصراحة أتذكر خطاب رئيس دولة الإمارات رحمه الله و أرضاه الشيخ زايد أل نهيان قالولو وعلاش مهتم بالشعب و معيشة الشعب و مصلحة الشعب فوق كل إعتبار لك و علاش طورت بلادك في 8 سنين و أصبحت بلد الفخامة و الزجاج ...قالهم المقولة الشهيرة شعب الإمارات عائلتي هل هناك من يرضى بأن لا تعيش عائلته بكرامة و في أحسن عيشة ......و الله أصبح الواحد يحشم يقول راني مثقف و لا إطار ....يحكيلي صديق ليا قالي نخدم في cnas قالي 90 بالمئة من العمال فوق 50 سنة قالي أكره فئة عندهم هي فئة الجامعيين قالي يكرهونا و زيد الغيرة و يقولونا أنتم ولاد البارح تحوسوا تخلفونا بسهولة و تلقاوها طايبة ...صاحبي فمو مشرك شوية هههههههه قالي نقولهم ماشي رزق باباكم ....و فئتكم أحنا دواها هههههه .....المهم ربي يوفقنا و يجيب لي فيه الخير

[**همسة حنين**]

شعب الجزائــــــــــــــــر عائلتي هل هناك من يرضى بأن لا تعيش عائلته بكرامة و في أحسن عيشة .....

ربي يجيب الخير

آآآآآآمين

[bebe81]

المشكل ان البلاد يحكمها الشيوخ
لمادذا لا ينزلوا سن التقاعد الي 50 سنة
ام ينتظرون حتى نهرم نحن الشباب

[نورسين.داية]

المشاركة الأصلية كتبت بواسطة intell22

بسم الله الرحمان الرحيم
السلام عليكم و رحمة الله و بركاته
في الحقيقة أنا شاب مثلكم أعاني نفس معاناتكم لي أمنياتكم و طموحاتكم و الحلم بغد جديد لي ملاحظة فقط يعني لما نقول إدماج و زيدولنا في كذا و كذا يعني رانا طبقة مثقفة ماهيش طبقة لي طلباتها مادية بالعكس أحنا الطبقة المفكرة و المثقفة الجماعة الفوق راهم يرقعو فقط قال قالك زيدولنا في المنحة أيا زيدولهم دراهم البترول كاينين نخسرو عليهم 10 ملاين دولار و أحنا زدنالهم كلهم لكن هل هذا حل .....بالنسبة جماعة الحكومة حل بالنسبة لينا لا مش حل يعني لو كل ولاية قاموا بإنجاز مصنعين فقط و يكونوا مصنعين مخصصين للمواد الأساسية لي تجعل الدولة تحقق الإكتفاء و نزول الأسعار .....جماعة الإدارة فيه مناصب ....و التقنيين فيه مناصب.... و العمال العادينن فيه مناصب ... أقل شيء الملايير هاذي ماتروحش هاكذاك ...الدراهم موجودين صح و الشباب يا خيراتك يا ربي وعلاش سوء التسيير هذا ....شيء لي ساعات يهبلني هو أنو القرار يجي أو المرسوم يجي من الرئاسة لكن المشكل أحنا مش دولة وحدة رانا 48 دولة ماهم سامعين لا بمراسيم رئاسية لا عمي عمار ههههه سامحوني شر البلية ما يضحك ...نزيد نقطة أخرى لما تشوف الدولة تقول دعم مشاريع الشباب و الله نفرح لكن لما تسمع المعلومات أن 90 بالمئة من المشاريع هي مشروع كراء السيارات الصراحة كل أصحاب هاذي المشاريع يسقطوا من عيني ......يا جماعة هاذي بلادنا و الأموال أموالنا ....أيا نقولكم مثال شفت مجموعة من الطلبات الخاصة بالتشغيل وعلاش من ضمن الطلبات قال لازم الحد الأقصى للسن المحدد لنائب في البرلمان ما يفوقش 40 سنة لازمنا برلمان شباب ....و زيد الأجر في مكان 35 مليون قال هناك شباب مثقف وواعي و له حنكة سياسية يقبل ب 6 ملاين فقط و 29 مليون إجعلوها 5 أجور لخمس عائلات ....و هكذا وعلاش مش قانون أساسي يحمي الشباب المثقف و لي يعمل في إطار هاذي العقود عند الخواص كيفاش ياناش مهندس دولة يبعثوه يخدم في إطار العقود عند شركة خاصة يقولو المالك لهذه الشركة أحمل الخشب منك من الجميع ....esclavage يعني يا جماعة لازم شوي تفكير و نطلعو النيفو شوية ....

بارك الله فيك أخي
كلام منطقي الى أبعد الحدود لكن ...........

[mohamed888]

للاسف الدولة همشت الاطارات والنخب لذلك لايوجد حسن التسيير
ربي يجيب الخير

[intell22]

أخبار عن مسابقات داخل حدود الولاية و أخبار عن ماجيستير من دون شروط ....لكن أين هي الأخبار عن ذهاب الرشوة و المعريفة ...يقولك إدماج المتعاقدين إذا وجدت الشروط اللازمة في المنصب أي هي أصلا العقود التي تسمح لك بالدخول لإحدى المؤسسات .......ياو أفتحو مؤسسات الدولة كل مؤسسة لازم تستقبل 50 إلى 100 شاب في كل المستويات أفتحو البلديات الولايات .....شوية نشاط الحلول الترقيعية هاذي ليست الحل ......دراسة جديدة لعقود الإدماج ...هيئة خاصة لإحصاء المتقاعدين و عدد المناصب في كل الجزائر ....لازم حلول باركاونا من التمسخير .....

[سنوسي سعيد]

كل كلامك منطقي لكنك نسيت انك في بلاد الدين يحكمون فيها لا يؤمنون بهدا الشيء