خاصة بالاحتياطيين في المسابقات الخارجية.

[yacine.b32]

يا معشر الاحتياطين اليوم بعد ما طالعت جريدة الشروق قمت باتصال هاتفي الى مقر مديرية الوظيف العمومي بالجزائر لاستفسر عن التعليمة الخاصة بالاحتياطين في المسابقات الخارجية كما أقول وليس المهنية وما مدى حقيقتها فأخبروني انها موجودة فعلا وان اي ناجح احتياطي للمسابقات في الموسم الماضي سوف يستدعى ويكون ناجح في هذا الموسم تلقائيا شرط حصوله على معدل10/20 ودون العلامة الاقصائية وأن يكون في القائمة الاحياطية أصلا فلا داعي للقلق اضافة الى اني اريد ان اقول لكم ان الصح راه في مديرية الوظيف العمومي وليس في مديريات التربية او المؤسسات الاخرى التي كنتم فيها احتياط ........وهذا رقم مديرية الوظيف العمومي في الجزائر لمن يريد التأكد وافادتنا بالجديد ان شاء الله 021.69.11.91او 021.69.11.92.او021.69.11.93 ارجوا التوفيق من الله لنا جميعا .

[nooriman]

هذا Suspense تاع الصح

شكرا أخي نسأل الله التوفيق لك و لنا

[yacine.b32]

ان شاء الله

[طالب رضا الله]

نعم كلامك صحيح ولكن لا شئء يظهر قبل المصادقة على المخطط السنوي للمناصب بمعنى يا احتياطيين كي يجو المناصب ويتسنيا مخطط التسيير للمناصب تم لازم قادرين نهدرو على حقنا لانو احنا الاحتياطيين كل شئء راه واجد ناقص برك يفتحو المناصب احنا رانا خارجيين مشي كيما الامسابقات المهنية لانو في المسابقات المهنية المنصب موجود عكس الخارجية لي لازم يجي منصب باش تندار لدلك لازم ما نسبقوش الاحداث وكل يوم والثاني كل واحد يتصل بالوظيف العمومي اكرر الوظيف العمومي للاتيان بمعلومة جديدة حول مادا حول مخطط التسيير للمناصب وكيفاش رايح يطبقوه .
وادكر اخواني الدين يراودهم شك في تطبيق هده التعليمة ان التعليمةهده صدرت في جانفي وجاءت عامة لم تخصص لا مهني ولا خارجي كل المسابقات على اساس الاختبار وجميع الادارات لدلك ارجو من الاخوة عدم الاخلاط بين هده التعليمة والتعليمات التي صدرت بعدها .وما طيحولناش المورال يرحم والديكم .قولو خيرا او اصمتوا .وجزاكم الله خيرا

[yacine.b32]

خويا قانون 20 عندك الحق يعني ماش لازم نتقلقو وميلزمش نضربو النح ......ربي يوفقنا أجمعين

[nooriman]

يعني في رأيكم اخواني درك شالازم نديرو


نصبروا...................ولا نعتصموا.................ولا...

احنا الاحتياطيين اللي راه مخوفنا هو السلطة التقديرية تاع الادارة يعني قادرة تتلاعب بالتعليمة كما انه كلما سأل واحد فينا يقولوله ماكان والو

[طالب رضا الله]

يا خويا ياسين كي مازال ما جاوش المناصب ماعندنا ما نهدرو بصح لازم نتبعوهم حتى نهار يبانو المناصب وماراهم البعاد الماصب هدا وقتهم مع الربيع ماي جوان اقصى تقدير وكاين حاجة لازم نفكلركم بيها هي المصادقة من طرف الوظيف العمومي على المحضر الخاص بالاعتماد القائمة الاحتياطية المرسل من طرف مديريات التربية .كما ادكركم ان وزارة التربية في قرارها الصادر الشهر الماضي قررت اعتماد القوائم الاحتياطية حسب جريدة النهار .بمعنى ما تتقلقوش وكل شيء بادن الله راه في صالحنا وحقنا ندوه اشاء الله

[yacine.b32]

صح خويا راك تهدر في الحكمة وزيد مابقاش بزاف ويبداو المسابقات تاع هذا العام وتم يبان الجديد مع أول مسابقة تعلن

[تقوى الايمان]

السلام عليكم
عندكم الحق واش راكم تهدروا انو حتى يحدوا المناصب باش يقدروا يدمجونا لكن احنا لازم نحتجوا باش يسرعوا وباش نضمنوا لانهم
قدرين يبدلوا رايهم بعد مايحدوا عدد المناصب خصوصا اذا لقاونا ساكتين
وشكرا على هذه المعلومة اخي راك طلعتنا المورال بعد مافقدناه لما دمجوا المتعاقدين جزاك الله خيرا

[RAMIA]

كيف تعرف ان معدل10/20 هل يمكن ان يكون احتياطي ومعدله اقل من 10

[تقوى الايمان]

مستحيل يكون ناجح احتياطي ماعندوش معدل 10/20 لانو لما ديرنا الامتحانات الكتابية لم ينجحوا الا لي عندهم 10 فما فوق و كاين في اختصاصات عدد الناجحين اقل من عدد المناصب لانو البقية ماجابوش معدل 10 اما بالنسبة للعلامة الاقصائية الله اعلم

[Ibtissem24]

إخوتي وأخواتي الكرام، السلام عليكم
التعليمة التي تفضلتم بذكرها صحيحة، وسأزيد عليها أنها استثنائية، أي أن القائمة الاحتياطية لسنة 2010 تعتبر سارية المفعول إلى غاية: 31/12/2011 وهي فعلا خاصة بالتوظيف الخارجي، أي أن الإدارة إن فتحت المنصب الذي تعتبر فيه احتياطيا، يمكنها تنصيب الاحتياطي مباشرة دون فتح المسابقة، فما عليكم إلا التاكد من أنكم احتياطيين، ومن ثم البحث عن المناصب المالية المفتوحة بعنوان 2011 من قبل هذه الإدارات
وفقكم الله

[moh_dz85]

يا اخي لا توجد مناصب حتى يكون هناك مسابقة الا اذا خفض عدد ساعات التدريس
لانه بادماج المتعاقدين ربما اول مسابقة سوف تكون بعد 8 سنوات او اكثر

[joulia2005]

اسمحولي انا راني في الاحتياط في مسابقة رئيس محقق رئيسي للمديرية تجاررية للابيار و معدلي 11.50 اتمنى ان اعرف اذا صحيح راح يوظفوني و في المنصب نفسه اي رئيس محقق رئيسي و شكرا

[RAMIA]

هل الاحتياطيين في مسابقات معلم ابتدائي تشملهم تعليمة الوضيف العمومي وهي كما تعلمون مسابقة على اساس الشهادة ارجوكم من عنده افادة فلا يبخل علينا وارجوا انتكون معلومة ثقة