عليك اليوم

[elmedjadji]

[align=center]
من صابني اليوم مع الزين *** النهار طويل يكون فيه عام
من صابني مع ذاك الحنين *** وان المبلي عليه بالغرام
من صابني قومري ونطير *** نغدى ليها ونوصل السلام
انا المغبون في هاذي الدنيا *** من عندها مالقيت كلام
نحاول باه تكون قريبة ليا *** انا المكوي بزين لريام
كل مرة تتعزز عليا *** زندها مرقوم بالوشام
نطقت ليها وقلتلها يا لبنية *** راكي كل يوم عليا فالمنام
نبات سهران وفيك نخمم *** أش داني نعشق فاليمام
راني قريب نقطع لياس *** خايف يقضي عليا السقام
ردت عليا بكلام ذهبي *** موزون بقافية المقام
قالتلي ليك نهدي قلبي *** ومعاك نكمل ما بقى من ليام
تكون ليا انا وحدي *** نكونوا وحدنا طول الدوام
من غيرك ما لقيت راحة *** انت النور لي طفى الظلام
هاك سري راهوا ليك *** كي السما صافية بلا غيام
قلتلها هذاك ماني متمني *** هذا فعل يديروه الكرام
عليك نتيا نكتب كلامي *** المجاجي المبلي بالهيام
انا هو عماد حاج هني *** هاذاك اسمي بالتمام[/align]

[elmedjadji]

[align=center]هل من تشجيع؟؟؟[/align]

[omar28]

الله الله على الكلام الحلو

[Mohamed845]

السّلام عليكم؛


وفّقك للهُ أخي المجّاجي؛ واصل فهذا يُشرِّفنا.



السّلام عليكم.

[elmedjadji]

[align=center]أخي عمر وأخي محمد شكرا لكم على المرور الطيب
بوركتم[/align]