اولاد نايل

[فتاة الورود]

باسمك ربي خالقي نبدأ انظم ** كلمة سهلى نكمل مبداها

فالجلفة وأولاد نايل نتكلم ** سلسلة الأشراف يسعد من جاها

أهل الهمة و النيف ولمعاد الكرم ** وأهل الدين أصلاتهم في وقتاها

فرسان البارود مافيهمش الذم ** بيت الضيف أمفرشة يا مبهاها

بزرابي و مخاد عندك لازمهم ** و فرشات موزقة فرشناها

والبدوية بيدها تقلع وتخدم ** زربية و فراش ووساد معاها

والقهوة بالشيح ريحة تتنسم ** في برادة ضاوية قد مناها

و الفناجل من فرفوري يامسلم ** و لاتاي اللي حب ورقة جبناها

واللي نافح في اللبن عندك يحشم** في قدحية من شكوتو فرقناها

دقلة نور وزيد قرس أمعرم ** البيت الحمراء ما تعاير من جاها

البوصلوع النايلي للي عازم ** والرفسة بادهان زينة محلاها

بوكعوالة بيه صحرتنا تهتم ** أكلة شعبية جدك خلاها

والمشوي واجناب ملفوف أمدرقم ** بتوابل للضيف وحدناها

و القصرة ميادنا زين أمسقم ** بالحكمة نطقوا رجال أوشفناها

لينا يقصد ضيف ربي يافهم ** يتعشى ويبات قصرة محلاها

المحتاج انكفوه واللي جاء عازم ** و الحقرة محال نرضى لبلاها

وحتى الخيل النايلي يكسب وغنم ** وكحيلة بكري السامع لرغاها

في القنطاس النايلي مكحلتوا ثم ** عادات جدوليه بكري خلاها

البيت الحمراء جات في الصحراء مرسم ** وعنها يسأل ضيف ربي وين راها

منظرها في الصحراء يفاجي كل الهم ** ايريح قلب اللي تعب كي يراها

رنات الخلخال تنطق تتكلم ** ذا البدوية قال سعد اللي خضاها

أغزالة شراد نظرتها تعدم ** والماهر صياد فرق وخطاها

بنت الصيل ابزينها ديما تحشم ** وردة في الصحراء وربي سجاها

الورد مفتح به عينك تتنعم ** و ظل البطمة فيه رقدة محلاها

و طيورة للصيد الفارس دربهم ** كي صبوا صابوا الكبدة و حذاها

ولايتنا ضاقت من الحرب الهم ** ياسر من رجال ضحوا باسماها

جبل بوكحيل اعدونا فيه اتحطم ** والشاهد مازال يروي وحكاها

أمراكز تعذيب للقاسي يتلم ** مزالت لليوم تشهد شفناها

::::::::::::::::::
منقول بتصرف

[ابو عامر77]

على الجلفة ماذا قصايد نضمنا ...من الشعر الملحون راهم مكتوبين
نحكيلك عن حالنا مذا كنا.... ونعطيك من بعدها الخبر اليقين
تلقى راحتك يا قصدنا... ومن مسعد حتى توصل للبرين
في سخانا فخر يرفع هامتنا ...و سال عن التاريخ رانا معروفين
أصل الجود إذا ذكر ينسب لينا ...وحاتم الطائي نذكروه في كل حين


إنتقاء في قمة الروعة
بارك الله فيك.

[فتاة الورود]

مرورك هو الاروع اخي ،بارك الله فيك على الرد الجميل.

[ميدو12]

شكرااااااااااااااااااا رائع

[فتاة الورود]

ومرورك الاروع اخي

بارك الله فيك

[رحيل محي الدين]

هذه القصيدة تفتقد الى الكثير من الوزن ارجو من شاعرنا اعادة التنقيح مثل ما كان يفعل صاحب الحوليات زهير بن ابي سلمى ولكم منا فائق الاحترام

[فتاة الورود]

شكرا اخي

الف شكر لك

[nouhati]

بارك الله فيك يااختي و الله نقرا فيها و نغني اياي و نتخيل في لقزبة معايا يا محلاه كلامنا ينزل على القلب بورك فيك

[فتاة الورود]

وبورك فيك اختي الغالية

[bdlhmd61]

رنات الخلخال تنطق تتكلم ** ذا البدوية قال سعد اللي خضاها

[المعتزة]

الكلمات جميلة منحوتة نحتا والوزن ضعيف لا يقوي علي الفحص ولاولاد نايل في قلبي محبة وتكريم الخيمة الحمراء تذكرني بقبيلة طيئ التي منها حاتم الطائي ما أكرم اولاد نايل وما اروع تلك السهرات الحلوة تحت أنغام الناي والموسيقي الاصيلة التي تبعث السعادة في القلوب وتحيي رميم الاشباح بارك الله فيك علي هذا الانتقاء ونريد من الاخوة الكرام احياء تاريخ اولاد نايل واظهار تلك الصفحات المشرقة التي خلدوها أولائك بائي فجئني بهم=== اذا جمعتنا يا جرير المجامع
بارك الله فيك وبك أختي ورود ومازال منهلا بجرعائك القطر افيضي علينا مما عندك فنحن بشوق لجديدك يا مبدعة ومازالت روضتك مليئة بالورود

[Tawba_19]

بارك الله فيك.

[تائبة منيبة07]

أسرتني الكلمات حتى حملاتني بصدق الى عالم الخيال كأني نعيش في الجو الموصوف والله يا أختي ولاد نايل أهل جود كرم ,

[فتاة الورود]

بارك الله فيكم