مشكلة ......لم أجد لها حلا

[sabi.k]

السلام عليكم إخواني أخواتي لقد ترددت كثيرا في عرض مشكلتي وهي ليست مشكلة بالمعنى الصحيح، أنا متزوجة منذ 3سنوات وليس لي أطفال، وهو ليس بما يقلقني بقدر فتور علاقتي بزوجي، فنحن بالكاد لا نحدث بعضنا، إذا هو يقابل التلفاز أنا نكون مع الأنترنيت والعكس حتى يغلبنا النعاس، وفي الصباح نتفارقو كل واحد يروح يخدم ومانتلاقاوش حتى للعشية ونفس المنوال، قولولي واش ندير؟

[sarahmmmm]

salam okhti

ana manich moutazawija mais ngoulek louken jit menek nouktel le routine elli bini we bin zawji

ya3ni hawli tehasesih bell enti aham mina la tele

bedli fi cheklek fi tabekhek fi decor edar
jdidi

khelih yetewalah m3ak we bik

choufi wash yerayhou

fajeih ki youdekhel ledar be kelma meliha be tebsima

harki el hala chewiya

mais comme meme anti adra

el mohim rabi yekhalikoum el ba3dakoum we inchaallah touferaj

[عُضو مُحترم]

اختي

اخرجي الآن

من المنتدى

اقطعي الاتصال بالشبكة

و اذهبي الى زوجك

الآن حالا


حالا

[sarahmmmm]

meme esbah matekhalihech youkherej men edar esbah bella matebaynilou belli tehabih we rah testanayeh

daymen aba3tilou les sms fel portable

fihoum kelmat melah yenahiw ala khatrou

kiyedkhoul khalih yerayeh we men ba3d hawli tsaksih ala ahwalou

[sarahmmmm]

ih sah oukherji

wash raki ediri hna

[sabi.k]

يا خاوتي أفهموني لوكان نحاول ندير واش قلتولي عليه ونحاول نتقرب منو يبدا هو يقولي: قداه بغيتي؟ يعني يقولي راكي ما تتقربيش مني غير كي تبغي الدراهم ونولي أنا نبعد، مع أول أيام زواجنا كانو يامات ملاح مي ضرك ماكان حتى حاجة، المهم راني نحاول ندير واش نصحتوني بيه وشكرا جزيلا

[sarahmmmm]

okhti
khalih yefeham belli howa essah machi edrahem

wenti we chetartek

[عُضو مُحترم]

مازلتي هنا

ربي يهديك

روحي تعطّري بالعطر مليح

و البسي لبسة زينة

وروحي عندو


بركاي ما تلعبي

[sabi.k]

المشاركة الأصلية كتبت بواسطة *الفتى الصغير*

مازلتي هنا

ربي يهديك

روحي تعطّري بالعطر مليح

و البسي لبسة زينة

وروحي عندو


بركاي ما تلعبي

يا أخي الفتى الصغير راك ما تعرفش زوجي كيفاش مداير راهو من النوع الثقيل خلاص واللي يسكت ما يهدرش خلاص وكي نعدل روحي ما يقول والو يسكت وميعلقش حتى بالنسبة للطبخ حتى وإذا نوعت في الأطباق ما يقول والو وكي يكون مقابل التلفاز نقعد مسامياتو ونهدر معاه ما يجاوبنيش على هذا نرجع للمنتدى اللي نحس فيه راني مع أهلي

[عُضو مُحترم]

المشاركة الأصلية كتبت بواسطة sabi.k

يا أخي الفتى الصغير راك ما تعرفش زوجي كيفاش مداير راهو من النوع الثقيل خلاص واللي يسكت ما يهدرش خلاص وكي نعدل روحي ما يقول والو يسكت وميعلقش حتى بالنسبة للطبخ حتى وإذا نوعت في الأطباق ما يقول والو وكي يكون مقابل التلفاز نقعد مسامياتو ونهدر معاه ما يجاوبنيش على هذا نرجع للمنتدى اللي نحس فيه راني مع أهلي

السلام عليكم


يا اختي

ربي يهنيك و يسشترك

و لكن

=====================

قلتي عندما تقتربين منه يقول لك كم تريدين المال؟؟؟؟

اصبحت عادة

لانكي السبب

اذا انتي لا تقتربين منه إلا من اجل المال

ماذا تتوقعين
؟؟؟؟


انتي جعلتي زوجك ينظر اليك هكذا؟؟؟؟


شوفي اختي

امهاتنا و جداتنا

لم يدخلو مدارس و لا جامعات

و لم يلقو اي ثقافة او تعليم

و لكن كانت عندهم بيوت متماسكة

بشيء واحد فقط هو التضحية


قوليلي هو زوجك يضربك او يؤذيك مثلما كان يحدث مع الجدات و الامهات؟؟؟

هل عجوزك تتكلم معاك او تزعجك


انتي افضل من الكثير من النساء

و لكن


علاقتك بزوجك يجب ان تغيريها

لستم شركاء في تجارة؟.؟؟
حتى تخرجي صباح و تدخلي مساء من دون ان تتكلمو

انتي امرأة

و اذا كان زوجك حجر يستطيعين اذابته

انا متأكد ان دهاء المراة ليس له حدود

فقط

انصحك بالتخلي عن القليل من الانانية

تنازلي شوية

روحي ليه

اذا رجّعك

عاودي ارجعي

مرة و زوج و ثلاثة....و ألف مرة

حتى يفتح لك قلبو



=================================

اذا كان زوجك مؤمن و ايمانه قوي لن يغضب من قضية الاولاد لانها مشيئة الله

فالقضية اعمق

قضية تواصل

ربي يهدينا و اعذريني اذا كان ردي قاسيا

و لكن و الله تاثرت لحالتك



ربي يهنيكم اختي

[sarahmmmm]

salam

choufi okgti wakila rajlek hada lazem tcoupilou triciti bash mayzidech yetefaraj

we nti matahebsich yeji nhar win yentak
balak maya3refch ye3abar 3la che3ourou

nti insisti

insisti

koul youm bedelilou look

yeji nhar win yetartag
insisti

betawfik
inchallah rabi yekoun m3ak we yesakharlek zawjek
we yerzekekoum bederiya esalha
gouli amine

[sabi.k]

المشاركة الأصلية كتبت بواسطة sarahmmmm

salam

choufi okgti wakila rajlek hada lazem tcoupilou triciti bash mayzidech yetefaraj

we nti matahebsich yeji nhar win yentak
balak maya3refch ye3abar 3la che3ourou

nti insisti

insisti

koul youm bedelilou look

yeji nhar win yetartag
insisti

betawfik
inchallah rabi yekoun m3ak we yesakharlek zawjek
we yerzekekoum bederiya esalha
gouli amine

بارك الله فيك يا أختي على كلش وفكرة هايلة نتاع قطع الكهرباء يجي نهار ونديرها مليون ألف شكر، شكرا شكرا شككككككككككككككرا

[شهد حنان]

صحيح يوجد نوع من الرجال هكذا لكن عندنا مثل يقول الرجل على ما علمتيه

يعني هو تعود على هذه الطريقة حتى اصبح بالنسبة اليه شيء عادي

لذلك عليك بالتغير ستشعرين باه لا يهتم لذلك لكن في حقيقة الامر انه يجعل نفسه غير مهتم

حاولي وحاولي

اساس العلاقة الزوجية هو الحوار اساله عن كيف قضى يومه وكيف كان الشغل وانك افتقدتبه عند غيابه
ستجدين صعوبة في البداية لكن سرعان ما تلتمسين نتيجة لذلك

اذا كان يهتم بالتلفاز حاولي ان تتفرجي معه وتناقشيه فيما يشاهد حتى يشعر بنوع من التقارب الفكري

الا تلاحظين ان اغلبية الرجال عندما يشاهد شيئا في التلفاز يحاول ان يناقش ذلك مع صديقه فكوني انتي صديقته ليناقش معك ذلك

لكل رجل مفتاح عليك ان تجديه وفي التعامل فن فجدي الفن المناسب وتعاملي به

[sabi.k]

المشاركة الأصلية كتبت بواسطة شهد حنان

صحيح يوجد نوع من الرجال هكذا لكن عندنا مثل يقول الرجل على ما علمتيه

يعني هو تعود على هذه الطريقة حتى اصبح بالنسبة اليه شيء عادي

لذلك عليك بالتغير ستشعرين باه لا يهتم لذلك لكن في حقيقة الامر انه يجعل نفسه غير مهتم

حاولي وحاولي

اساس العلاقة الزوجية هو الحوار اساله عن كيف قضى يومه وكيف كان الشغل وانك افتقدتبه عند غيابه
ستجدين صعوبة في البداية لكن سرعان ما تلتمسين نتيجة لذلك

اذا كان يهتم بالتلفاز حاولي ان تتفرجي معه وتناقشيه فيما يشاهد حتى يشعر بنوع من التقارب الفكري

الا تلاحظين ان اغلبية الرجال عندما يشاهد شيئا في التلفاز يحاول ان يناقش ذلك مع صديقه فكوني انتي صديقته ليناقش معك ذلك

لكل رجل مفتاح عليك ان تجديه وفي التعامل فن فجدي الفن المناسب وتعاملي به

شكرا أختي بارك الله فيك وفي كل من حاول مساعدتي أنا راني راح نجرب كل شيء وما نخلي حتى فكرة والباقي على ربي

[الريم البري]

السلام عليكم
لا تسأمي المحاولة يجي نهار ويتحرك