خطيبي و علاقاته ..ماذا افعل؟؟

[مشكلتي]

السلام عليكم اخوتي الاعزاء..
انا فتاة عمري 22 سنة ادرس فالجامعة اتخرج بعد عام ان شااء الله
تمت خطبتي هذا العام وقبلت ولله الحمد شرط ان يتم الزواج بعد تخرجي ان شاء الله
خطيبي شاب يكبرني بخمس سنوات ويعمل مهندس ومتدين لاباس عليه فاقبلت بيه دون اعتراض رغم انه منعني من العمل مستقبلا
الا انو قبلت نقعد فالدار كربة بيت وعادي لانه يكفي حاجياته وحاجيات البيت
المهم عندنا حوالي 7 اشهر خطوبة عملنا عقد شرعي ومدني ومزال الزواج برك العام القادم
جا شافني شحاال من مرة والحمد لله راض تمام الرضا ماعنده حتى مشكل نحوي لانه خطبني اصلا لانه شايفني من قبل ولم اتواصل معه الابعد العقد
مؤخرا اكتشفت ان لديه حساب اخر من غير الحساب لي يتواصل بيه معايا فالفيس وفيه صديقات بنات يهدر معاهم ...
نهار لي يهدر معايا يبينلي انه يحبني انا برك وانا فتاته الوحيييدة حبيته انا ايضا بزااف لكن صدمني بفعله

ماعرفتش اسك نواجهه بفعله مع العلم انو متأكدة من ان الحساب ملكه ام اتجاهل الامر مع انو راني حاسة القصة تخنقني كل يوم؟؟
وهل سيبقى هكذا بعد زواجنا ؟ وهل سيؤثر على علاقتنا ببعضنا الان وفيما بعد؟ ومالذي دفعه لذلك بالرغم من اني دائما بجانبه ولا اضياقه ابداا؟

[*عبدالرحمن*]

السلا عليكم ورحمة الله و بركاته

حين طلب منك عدم العمل بعد الزواج

فهذا اظن انه من باب الالتزام الذي يطلبة منكِ

و الالتزام بشكلة العام

يجب ان يكون من الطرفين

عموما يجب التحدث معاه حول هذا الامر

عن طريقك او عن طريق ولي امرك

قد يكون من يتكلم معهم في اطار عملة

و يصبح الامر قريب الي الصواب

ان كان الكلام لا يخرج عن حدود العمل

و ان غير ذلك

اظهري عدم رضاكِ فان غير طريقتة اكملي طريق الزواج

و ان لم يتغير فالامر راجع لكِ

في استكمال الزواج او عدم استكمالة

[مراد سابقا10]

شوفي نصيحة ليكي اذا تاكدي بلي يهدر مع النساء بطلي حتى ولو عقدت مدنيا خلاط الناس جامي يتوب انا نعرف ناس كانوا مع البنات

وكي تزوجوا بقاو في نفس الطريق راكي مازالت صغيرة والحياة مازالت امامك .

[kazilo]

السلام عليكم اولا صلي صلاة استخارة وثانيا لمحيلو انك متحبيش وما تتسامحيش مع الخيانة وحتى الخيانة الالكترونية ومثلا قلو صديقتي اكتشفت انو زوجها له حساب اخر وانا قتلها عيب كبير وما تتسامحيش معاه والخ وقلو عالعكس انا شكرتك وقلتلها زوجي خاطيه الاشياء هادي هكذا هو يحشم ويتوب

[نينو]

سلام

علاش خويا جامي يتوب ؟؟؟
معظم شبابنا يتكلمو مع نساء، وهوما خاطبين ربي يهديهم.
المهم اعرفي كيفاش تواجهيه، سقسيه قوليله عندك فيس بوك اخر وهككا. وسقسيه تكلم بنات في الفيس وووو..

او واجهيه مباشرة وانتي متقلقة منه، سوف يحس بالذنب ويتوقف باذن الله، اما تخليه في قلبك فلااااا. لازم تفريها معاه.
انتي راكي تقوليله في الحقيقة ماكش تعايبي فيه ولا ظالماته.

[بشرئ عاشقة العلم]

انت لمحيله بلي متحبيش اضافة البنات و التحدثق معهن مع انو المفروض لكان ملتزم ميديرهاش اصلا صراحة
و متبينيلهمش بلي راكي عارفة بحسابو الاخر لكان صبتيه مزالو في نفس الطريق غير خطيك منو و ان شاء الله يعوضك ربي خير منو ميغركش العمل تاعو هكا رح تعيشي حياتك كاملة في دوامة و ندامة :::::: حطي قلبك على جيهة و فكري بعقلك انت تقلقتي مين عقدتو بكري