نصيحة

[فتاة مغامرة]

السلام عليكم جميعا نتمنى قاع تكونوا بخير وان شاء الله تمر هاد المنحنة بسلام
صح هاد الفترة صعيبة بزاف مي لازم علاقل نستفادوا من الحبس المنزلي المفروض علينا ولو بالقليل
لاحظت انوا البعض قد يلغون مراجعة دروس الفترة الثالة بسبب الكروونا وهذا خطا كبير نصيحة اقروا كلش وراجعوا كلش
منكدبوش على روحنا هاد السنة كل مرة تخرجلينا خرجة جديدة عالاقل لازم نستعدوا باش منندموش مبعدا

البكالوريا حرب واي حرب تدخل ليها لازم تكون فاهم وقاري كلش بسك اي حاجة ممكن يحطوها مديروش خطا الكثير العام اللي فات مثلا الفيزياء النواس البسيط لم يدرسه الكثير ولكن حطوه فالباك
هكذاك علاش ملازمش نضيعوا كلش فقط لا حتمال بلاك يكون بالاك ميكونش
وعلى حساب رايي مستناوش العتبة بسك كلش راه مخربط دركا
الحاجة اللي تمناها انو لازم تستغلوا الفرصة لانهاء الدروس وتعتمدوا على انفسكم خاصة في هذه الظروف اليوتبوب معمر قنوات مكن تستفادو منها
رياضيات
الاستاذ نور الدين
الاستاذ بوسيف
فيزياء
Mohammed El Amine Zeddoun
الاستاذ مولاي عمر
الاستاذ السريفي
الاجتماعيات
الاستاذ العمري منير
الفلسفة
الاستاذ صهيب سعودي
الادب العربي
الاستاذ حيفون اسامة
هاد الفترة حتى واحد فينا ماراهو مليح الكل خايف على عايلتو مي مالازمش تضيع سنين تعب وقراية بسك خفت برك وهك تكون ضيعت اللي فات

وياربي يفرج علينا برك ونجحوا كامل