انايا طفلة زايدة في عايلة ملي كنت صغيرة نشوف في بابا يفرض في رايو على يما عايش بعقلية تاع بكري تاع الراجل هو لي يحكم ميخليهاش تخرج غاع من الدار مايخليهاش تروح عند جداتي مالغري كبيرة و عجوزة و فيها الامراض تاع الدنيا غاع هو لي يديسيدي واش نطيبو و شكون ندخلو للدار و كيفاه نلبسو و وقتاش المودام تاع الانترنت يشعل و وقتاه يطفا و شكون يفليكسي فالدار شكون ميسحقش كريدي
قرايتي سوفريت باش لحقت للجاميعة بالتحلال و تدخلات عمامي و خوالي باش خلاني قالك الدنيا واعرة و الطفلة بلاصتها في دارها بصح انا شفت يما كيفاه حالتها مع راجل واعر و زيد امية متعرفش تقرا دونك ديسيديت غير قرايتي و خدمتي لي تنفع مع اللخر
دوكا بابا كبر و عيا و الحمد لله رخف علينا التزيار شوية لحقت نجيب لاليسونس تاعي و بديت نقرا للماستار مالغري التمرميد و كنت نقرا فالدوش و نقرا ف الكوزينة باش غير مايشوفنيش و يبدا يعيط و يهدر كيفاه ربي ابتلاه ببنات تاع الشوارع مالغري ربي شاهد عليا من الدار للجامعة و من الجامعة للدار
و دركا كي حسبت بلي خلاص مكاش فوق هكا جاوه حواله و راو يقلي تحبسي بسيف باش تتزوجي بوليد صاحبو قالك دين و اخلاق بصح حابني نريح فالدار
و انا مانيش حابة
كلش كلش ماشي مور التمرميد تاع 16 سنة قراية يجي واحد يحبسني كيما يما
واش ندير دوكا ؟ تعيشو شكون جازت بها هادي ؟ كيفاه نفهمو انا دركا و راني متاكدة بلي ميفهمش حتى يما مسكينة تموت منو كلمة لا لا متعرفش تنطقها راني حاسة روحي وحدي و راني خايفة نزيد نطلب من عمامي يدخلو نوضها بيناتهم في الدار
( تقرير عن مشاركة سيئة )، و الموجودة أسفل كل مشاركة .
2019-06-25, 17:57
فرض الراي
العرض الشجري