كرهت بزاف

[مشكلتي]

السلام عليكم
اتمنى طرح مشكلتي لانني فعلا اعاني
السنة عام الباك قاع راهم جايبينها ورايا حتى الوالدين
علاش انا وش درت واحد و ما شجعني من الاصل
صعيبة بزاف تعيش في وسط الجميع يسخر منك ، كرهت بزاف
ماما تقلي نتي حاسبة روحك فاهمة كلش و نتي التالية نتع الغاشي
و بابا يقلي باينة بلي فلانة تضلي تتفرج فالقنوات التعليمية باسكو هوما ناس علم
مشي توصل الاهانة لذي الدرجة ممبعد كي نهدر معاهم كلمة و زوج ينوض يقلك نتي متكبرة
علما انني صيف كامل بنيت الثقة بالنفس و الحمد لله و عند محاولة نسيان كلامهم تنقلب نفسي ضدي !
تخيلوا نفسي تحوس بسيف نتفكر هدرتهم يعني راهي حرب داخلية و خارجية و زايد الحرب نتع الباك
خاصة نفسي اكبر عدو لي في هذه الايام اشعر كأنني اريد الرسوب و العياذ بالله .. هل من حل؟

[بسمـة أمل]

حبيبتي تيقني ان لا احد يحبك في الدنيا من البشر أكثر من الوالدين
عادي واش يقولولك تقبليه بصدر رحب ...حتى معاتبتهما = نصيحة
اقراي قرايتك و مزال الحال على الباك ... حضري مليح و متخميش فهاد الموضوع تع فقدان الثقة بالنفس و غيرها
حضري جيدا لتنجحي و لتسعدي والديك
و ان شاء الله ترجعي بعد الباك و تحطي موضوع و تقولي تفوقت بامتياز

[نبض قلبي]

السلام عليكم
لولا توبيخات الوالدين الكريمين لما درسنا
بالعكس اجعليها كدافع للتميز في امتحانك المصيري
و كما قالت الاخت بسمة أمل لن تجدي محبة كمحبة والديك لك فحبهم دائم لا يزول
كوني واثقة نفس ، لتصلي هدفك المنشود
بالتوفيق

[محارب الحمق]

,لاشك ان والديك يفعلان ذلك بدافع المحبة رغم انهما مخطئان في الطريقة. من المؤسف أن أغلب اهتمامات الاولياء اليوم هي اهتمامات دنيوية فهمهم الشاغل النجاح في الدراسة ونيل الباكالوريا بمعدل جيد حتى اصبح هذا الامتحان يعبد حقيقة وتقدم له القرابين من وقت ومال اما امتحان الاخرة فهو في طي النسيان. ربي يهدي ماخلق

[amoulette]

للاسف اكبر خطأ يرتكبه الوالدان هو اتهام الاولاد بالتكبر و الغرور فهما بذلك يحطمان ثقتك في نفسك
حاولي تجنب النقاشات في موضوع الدراسة
و اثبتي لهما تفوقك بنتائجك الممتازة بالتوفيق

[chadistil]

انا الشيئ الدي ابهرني هو طريقة كتابة القصة بشكل هرمي متناسق من هذا استنتجت انك ذكية جدا ، عاودت لباك مجبتهش مرتين بصح دنا محولتش حتى ندرس مع الاسف