افضل التخصصات في الجامعة

[رياض المبارك]

السلام عليكم ورحمة الله وبركاته انا مقبل على شهادة البكالوريا شعبة تقني رياضي
اريد ان استفسر في حالة حصولي على معدل 15.5 او اكثر ماهي افضل التخصصات في الجامعة وذات وظائف جيدة وافضل الجامعات
ارجو الاجابة فقط لتشجيعي على الامتحان

[مُـ‘ـُنُـ‘ـُـعُـ‘ـُمُـ‘ـُ]

ماهو ميولك، أنت واش حاب تقرى
و نحي من راسك كي نقراها نلقا خدمة و لا منلقاش

[مراد سابقا10]

ننصحك ماشي قضية ميول واش تحب تقرا

اقرا الفرع لي تلقى فيه خدمة بعد تخرجك هذا هو ألأساس

[ing.Youcef]

المشاركة الأصلية كتبت بواسطة مُـ‘ـُنُـ‘ـُـعُـ‘ـُمُـ‘ـُ

ماهو ميولك، أنت واش حاب تقرى
و نحي من راسك كي نقراها نلقا خدمة و لا منلقاش

أول معيار في اختيار التخصص هو الحظ من التوظيف بعد التخرج إذ لا معنى من إضاعة السنوات والمال من أجل شهادة لا تفيد منها شيئا، لأن الشهادة إن لم تحصل بها وظيفة فلن تحصل بها شيئا آخر وإن كنت لا تحتاجها للعمل فالأفضل أن لا تضيع وقتك وجهدك عليها.

[مُـ‘ـُنُـ‘ـُـعُـ‘ـُمُـ‘ـُ]

المشاركة الأصلية كتبت بواسطة ing.youcef

أول معيار في اختيار التخصص هو الحظ من التوظيف بعد التخرج إذ لا معنى من إضاعة السنوات والمال من أجل شهادة لا تفيد منها شيئا، لأن الشهادة إن لم تحصل بها وظيفة فلن تحصل بها شيئا آخر وإن كنت لا تحتاجها للعمل فالأفضل أن لا تضيع وقتك وجهدك عليها.

اذا كنت تدرس حاجة تحبها رح تبدع فيها، انزعوا عنا هذا التفكير المحدود تاع نقرا من اجل الخدمة، العلم أرقى من هذا - الخدمة رايحة تجي تجي فأنا أنا شخصيا أضعها في اخر اهتماماتي
ستقول لي لا وجود لهذه الأمور مادمنا نعيش في الجزائر .... (سأتركك تعبر عن رأيك أولا)

[ing.Youcef]

المشاركة الأصلية كتبت بواسطة مُـ‘ـُنُـ‘ـُـعُـ‘ـُمُـ‘ـُ

اذا كنت تدرس حاجة تحبها رح تبدع فيها، انزعوا عنا هذا التفكير المحدود تاع نقرا من اجل الخدمة، العلم أرقى من هذا - الخدمة رايحة تجي تجي فأنا أنا شخصيا أضعها في اخر اهتماماتي
ستقول لي لا وجود لهذه الأمور مادمنا نعيش في الجزائر .... (سأتركك تعبر عن رأيك أولا)

أنت يا صديقي حسب ما كتب تحت معرفك "Bac 2018" يعني أنك كنت طفلا حين تخرجت أنا من الجامعة! وكما تعلم اللي فايتك بليلة فايتك بحيلة.
أول ما تفكر فيه بعد تخرجك هو ماذا بعد؟ وأول ما سيفكر فيه والداك هو ماذا بعد؟ فالأفضل أن تفكر فيه من الآن حتى لا تندم مستقبلا على الأقل.
بالتوفيق

[مُـ‘ـُنُـ‘ـُـعُـ‘ـُمُـ‘ـُ]

المشاركة الأصلية كتبت بواسطة ing.youcef

أنت يا صديقي حسب ما كتب تحت معرفك "bac 2018" يعني أنك كنت طفلا حين تخرجت أنا من الجامعة! وكما تعلم اللي فايتك بليلة فايتك بحيلة.
أول ما تفكر فيه بعد تخرجك هو ماذا بعد؟ وأول ما سيفكر فيه والداك هو ماذا بعد؟ فالأفضل أن تفكر فيه من الآن حتى لا تندم مستقبلا على الأقل.
بالتوفيق

أنا اختياري لن أغيره و لن يغيره أحد حتى لو كان أبي لأني أعرف جيدا المجال الذي اخترته - وسأقول لك أمر، أصلا أنا منيش حاب نخدم عند الدولة، هذيك 3 أو 4 ملاين تحكمها ليها

[visa uk]

اخي مادامك تخمم من الان علي التخصصات والعمل مستقبلا تخمامك جيد جدا بخصوص التخصصات كاين تخصصات تلقي بهم عمل مباشرة بعد التخرج مثلا لي يقرا في المدارس العليا مثلا اساتدة او للبيطرة او للبنوك الخ اكيد تلقي هادو نقلك بنسبة مؤكدة تلقي بوسط لانو متعاقدين ون يقراو مع المؤسسات ااو مؤسسات لانو هاته مؤسسات تستثمر اموال طائلة باش كي يتخرجو يتعاقدو مع طلبة مثل مثلا مدرسة بنوك نعرف واحد قرا مؤخرا تخرج دخل يخدم دراكت مباشرة مند فترة قصيرة وبعقد مضمون فهمت وتكون مهني تماما في راسك اهمالا هادو مضمونة اوك قلنا نتا واش راك داير في تفكيرك متخصص نقدرو نعاونوك ونقلك الا بيه تلقي خدمة مضمونة او كاين لي طول شويا او كاين لي اصلا مافيه حتي فايدة اصلا وتضيع وقتك وجهدك وسنواتك وزد ماتخدمش بيه ادن حاجة باينة اخي كل تخصص وكفاش
انا خويا قرا في معهد ميدان الكترونك وحمد لله تعالي فتح محل عند روحو خويا لعزيز وعندو شهادة وطنية معتمدة اقريي وراه يخدم بها عند روحو لانو كي قلب خدمة في شركة صعابتلو شوية ضرب 06 اشهر يقلب والو لدا فتح وانا نصحتو يصبر لانو شركات تنتدب تقنيين ومهندسين في الكترونيك ويوجد شركات كثيرة معروفة تستقدم
المهم قلنا واش راك ناوي بالضبط واعطنا احتمالات تخصصك لي دايرهم في راسك

[فطيمة 03]

بالنسبة للتوظيف افضل التخصصات هي الطب والمدارس العليا للاساتذة

[visa uk]

اخي اعطلنا انت واش راك حاب تعمل تخصص لي حابو مثلا باش نشوفو بالنسبة لي يتضوفو كما قالولك التعليم فيه خدمة مضمونة الطب حتي الصيدلة فيعا عمل مباشرة بعد التخر طب كما قتلك باوواعه الشبه طبي والعاد فيهم عمل مهم هادو فيهم عمل اعطنا واش حايب تخير

[رياض المبارك]

المشاركة الأصلية كتبت بواسطة visa uk

اخي مادامك تخمم من الان علي التخصصات والعمل مستقبلا تخمامك جيد جدا بخصوص التخصصات كاين تخصصات تلقي بهم عمل مباشرة بعد التخرج مثلا لي يقرا في المدارس العليا مثلا اساتدة او للبيطرة او للبنوك الخ اكيد تلقي هادو نقلك بنسبة مؤكدة تلقي بوسط لانو متعاقدين ون يقراو مع المؤسسات ااو مؤسسات لانو هاته مؤسسات تستثمر اموال طائلة باش كي يتخرجو يتعاقدو مع طلبة مثل مثلا مدرسة بنوك نعرف واحد قرا مؤخرا تخرج دخل يخدم دراكت مباشرة مند فترة قصيرة وبعقد مضمون فهمت وتكون مهني تماما في راسك اهمالا هادو مضمونة اوك قلنا نتا واش راك داير في تفكيرك متخصص نقدرو نعاونوك ونقلك الا بيه تلقي خدمة مضمونة او كاين لي طول شويا او كاين لي اصلا مافيه حتي فايدة اصلا وتضيع وقتك وجهدك وسنواتك وزد ماتخدمش بيه ادن حاجة باينة اخي كل تخصص وكفاش
انا خويا قرا في معهد ميدان الكترونك وحمد لله تعالي فتح محل عند روحو خويا لعزيز وعندو شهادة وطنية معتمدة اقريي وراه يخدم بها عند روحو لانو كي قلب خدمة في شركة صعابتلو شوية ضرب 06 اشهر يقلب والو لدا فتح وانا نصحتو يصبر لانو شركات تنتدب تقنيين ومهندسين في الكترونيك ويوجد شركات كثيرة معروفة تستقدم
المهم قلنا واش راك ناوي بالضبط واعطنا احتمالات تخصصك لي دايرهم في راسك

انا اريد اما الانضمام للجيش الوطني اي مدرسة شرشال او الدخول للمدرسة العليا للاعلام الالي esi لاني عندي اطلاع على لغات البرمجة لكني لا اعرف فرص العمل بشهادة مهندس دولة ما هو الاختيار الافضل
مع العلم اني نقدر نجري على روحي في الجيش انشاء الله

[رشيد عبد الرحمان]

إختر تخصص مناسب لقدرتك الإستيعابية

أنا مثلا تحصلت على شهادة الباكالوريا تخصص علمي

أما في الجامعة إخترت تخصص إداري

لأني وجدت صعوبة في إختصاص تقني وخاصة أن الدراسة باللغات الأجنبية

ولقد إرتحت في هذا التخصص الجديد