السلام عليكن اخواتي
راني ماطولتش جيت وجبتلكم طبق رااااائع ولذيييييذ
نبداوا بسم الله
المقادير
رطل روز
صدر دجاج
بصلة.وثوم.توابل
ااخضر عندنا جزر قرعة وبذنجان اختياري
زيتون اخضر حلقات
الان مقادير كريمة الجبن
نصف لتر حليب
جبن مكعبات وقروريار
مغرف كبيرة فرينة
مغرف كبيرة نشا
بيضة.ملح فلفل اسود ثوم بودرة
الطريقة
نغلي الروز فالماء ونزيدلو ملح كركم.ثوم.رند ولما يطيب نقطرو
نقطع البصل ونحطو يتقلى في شوي زيت
نقطع صدر الدجاج مكعبات او شرائح رقيقة ونحطو مع البصل يتقلاوا حتى يولي لون الدجاج ابيض نضيف ملح .كسبر .فلفل اسود.2سنات ثوم مرحية ونقلب فالاخير نضيفوا كمشة مليحة زيتون اخضر حلقات ونخلوه على نار ذليلة يتجمروا.هنا اللي تخاف تنساه تمرق بنص كاس ماء.انا مانزيدلو والو
نجيو للخضر نقطعوها مكعبات صغار ونقليوها
الان كريمة الجبن
نحط لحليب فوق النار ونزيد البيض والنشا والفرينة وانا نخلط بفوي حتى تعقد لكريمة نظيفولها جبن شاف وسنة ثوم مرحية اوبودرة ونطفي عليها ونزيد قرويار كمية مليحة ونشوف قداش خصها لملح وشوي فلفل اسود
هنا كلش راه واجد
المونتاج
فى مول مدهون بشوي زبدة نحط طبقة روز وفوقها زوج ملاعق من كريمة الجبن ونزيد الخضر والدجاج بالزيتون وطبقة اخيرة تاع روز ونغطيه بكريمة الجبن اللي بقات ونرش فوقو فرماج رابي والى الفرن
راهو مايدش وقت كي تشوفيه تحمر طفي علية ويقدم
ملاحظة:
الروز كي غليتو مانزيدلوش الزيت على هذا اللي دهنت لبلا بالزبدة
واسمحولي طولت فالشرح
وهذ الطبق قادرة توجديه ليلة من قبل وتغطيه وتحتفظي بيه فالثلاجة وغدوة الى الفرن مباشرة مش راح يتبدل ذوقو خلاص
مرات نديرو بلي كويس نطيبهم مع الزيتون عادي ونحمرهم فالمقلاة وحطهم في طبق منفصل
ان شاء الله تجربوه ويعجبكم
اسمحولي الصور كاينين بصح مانعرفش نحطهم
( تقرير عن مشاركة سيئة )، و الموجودة أسفل كل مشاركة .
2017-05-02, 03:09
ارز فالفرن بكريمة الجبن
العرض المتطور
