السلام عليكم مزالني مع ليغوسات انتاع خبز الدار هذي الوصفة الثانية جتني ثاني تهبل تهبل وخفيف وبلا عجن بالصح هاذي فيها الدقيق والفرينة ماهيش كيما اللي حطيتها البارح بالفرينة برك
3 كيسان فرينة +3 كيسان دقيق +2ملاعق اكل خميرة خبز +2 ملاعق صغيرة خميرة قاطو +4 ملاعق اكل حليب غبرة +ملعقة اكل ونصف سكر +ثلاثة ارباع كوب زيت حطي كلش وضيفي الماء الدافئ لغاية ماتكون عجينة طرية وتكون مايلة اكثر للهشاشة (ماتعجني ماتكسري راسك دخلي في بعضاها برك خمس دقايق تكفي ) وخليها تتخمر وبعدها ضيفيلها ملعقة صغيرة ونصف ملح وديريها في بلاطو مدون ومرشوش فرينة وادهنيها بأصفر البيض فيه شوي لافاني باش تنحيلو الريحة وحطي فوقها كمون اسود والا جلجلان ودخليها للفرن ايكون حليتيه وسكرتي اعليه باش تعاود تتخمر مرة اخرى وكيتتضاعف حلي اعليها وكيتطيب غميها بحاجة باش تبقالك طرية وبصحتكم
( تقرير عن مشاركة سيئة )، و الموجودة أسفل كل مشاركة .
2016-11-26, 11:44
خبز الدار بالدقيق والفرينة اهشوش ايهبل ومن غير عجن
العرض المتطور
