راني جييييييت شكون توحش تلبازي؟!

[ملاك ملاكي]

سلام حنوناتي حبيباتي كشروداتي
هده مدة ما شراكتكمش تلبازي
اليوم حبيت نشاركم قراتان كنت شاركت بيه في الكوزينة اللمة الزوييييينة
يالا قلت نحطه لعلاه تستفادوا
الطريقة مباشرة
حبة بصلةكبيرة قصيتها مكعبات صغيرة ورابيت. سنينات توم وقليتهم في شوي زيت ومن بعد اضفت لافيونداشي كمية معتبرة وقليت شوي تم اضفت البهارات كل واحدة وبهغراتها الخاصة انا عن نفسي نستعمل فلفل اسود كسبر ومكون البطاطا.....وشوي ملح وعصرة قارص تم اضفت كمية من الزيتون الاخضر بعد ماغليته مع روندال قارص قليتهم مع بعض واضفت كمية من المعدنوس والدبشة.....ثم اضفت حبات بطاطا صغيرة الحجم بلا مانقصها.....مرقت بقليييييل من الماء دافئ تم اضفت الزاليقو مقطع قطع صغيرة ومغسول....خليتهم تقلاو ملييييييح تم كملت مرقت بكمية من الماء الدافئ خليتها غلات ملييييح وقفت الكوكوط مدة 20د
بعدها حليت عليها..... نحيت حبات البطاطا وقصيتهم مكعبات.....اضفتلها كمية من الفرماج مكعبات وكمية فرماج رابي وزدت رابيت زوج سنينات توم
في بيراكس مدهون. بالزبدة ومرشوش بلاشابلير حطيت خليط الزاليقو او لوبيا. ماشطو بعدها صبيت عليه خليط البيض وخميرةالقاطو وشوي حليب او كرا فراش وشوي ملح وفرماج رابي ودبشة مقطعة رقيييييقة.......والى الفرن مبااااشرة
التزيييين حسب الرغبة انا زينته بخطوط من الفرماج الطري وقطعته مكعبات
ملاحظة: لازم تخليه ينشف من الصوص نتاعه تمتمااااااما















[IMG]ttp://b./p_316xo3qs4.jpg[/IMG]