نبان كلووون

[مشكلتي]

عيشكم ساعدوني راح نهبل تاع الصح

المشرفين خلو الموضوع هنا بلاك كاين طبا ذكور يعرفو الحل

عندي مشكل سواد حول الفم صدقوني يبان من بعيد اصلا وجهي كل ملون مية لون و صابرة بصح السواد لي حول الفم معقدني هكا من صغري يعني مش حاجة جديدة عليا . حتى كريمات الاساس لي تخفيه متنفعش نبان مدايرة اللحية بصح هو سواد في الجلد . حتى الناس ولاو يقولولي تباني كلوون مهرج يعني .
ربي يحفظكم لي عندها حل و لا عندو حل يمدهول مع العلم رحت لعدة اطباء واحد مدلي دوا منفعش و لاخر قالي هذا وراثي ميروحش . راني وليت منخرجش كرهت حياتي اعطولي علاج من فضلكم .

[جنى الجنتين]

السلام عليكم يا اختي الكريمة ما تقلقي ما والو عندي الحل السحري ليك لكن يجب المداومة يوميا اكرر المداومة يوميا و النتيجة تزهر من شهرين الى 3 اشهر

خطيك من الاطباء الجلد يعرفو يدو غي الدراهم تبا لهم المهم روحي عند العطار شري 50 دج سدرة ورق يابسة اطحنيها اكرر انت طحنيها اذا ما عندكش الالة لي تطحن شريها

تاع موليناكس شابة 450 الف المهم تعرفي بلي السدرة مشي مغشوشة

طحنيها وخدي مقدار 2 مغارف كبار + 2 مغارف ماء ورد خاص بالتجميل ديريه ماسك حتى ينشف عليك خليه 30 د ثم حكي بيدك و اغسلي بالماء البارد روعة انتعاش

نعومة بياض و صفاء ديري في بالك انو السدرة المميزات تاعها تصفي وتبيض الله يشافيك و ادعيلي من قلبك ربي يعطيني ماراني متنية

اذا مفهمتيش راني هنا مرحبا

[yako02]

المكياج يا اختي يخفي كل شي شوفي فيديوهات طريقة وضع كويم اساس و خافي العيوب او ابحثي عن طبيب جلد اخر كاين شي اطباء والله مايحبو يكسرو ريسانهم
الله يوفق اختي

[النجمة القطبية]

اول نصيحة نقدمهالك اختى هي مضاد الشمس او واقي الشمس كما يسمى اشري ماركة غالية واياكي تقعدى امام الشمس دونه والا تفاقم الوضع
ثانيا اي كريم ضد البقع او خلطة طبية ممنوع بتاتا تستخدم في النهار في وجود الشمس لانو ادا درتيها مع الشمس كااااارثة تعمل عمل عكسي
مالا ديريها في الليل وارقدي وفي الصباح تغسلي جيدا وكريم حماية من الشمس قبل الخروج
ثالثا كاين كريمات طبية يخدمهالك طبيب الجلدية ضد البقع جربيها تكون مخدومة تحت اشرافه فيها مواد كورتيزونية مالا تديريها في الليل وتغسل جيدا صباحا مع تجنب الشمس كيما قتلك
كاين تانى كريمات ضد البقع واجدة تباع عند الصيدليات فيها ماركات اجنبية منقدرش نعطيك اسماء لانها كثيرة
ايضا الصابون استخدمى صابون طبي خاص لوجهك اياك تستخدمى الصابون العادي لان منطقة السواد هي منطقة جافة وكل ما زاد الجفاف زادت المشكلة وتفاقمت مالا كريمات الترطيب متنسايهاش
بالنبة للماكياج راح يزيد المشكلة ولا يحلها وحسب ما فهمت بالاك راكي تستخدمي لون افتح من بشرتك بكثير وهدا طبيعي يردك تباني ماشي نورمال
ادا كان ولابد استخدمي كريم اساس طبي تشريه عند الصيدلي يكون فيه درجة حماية كبيرة يكون غالي نعم لكن على الاقل ميضرش بشرتك
والافضل يكون لون غامق شويا باش ما تبانيش كيما قلتي كل جيهة لون
اخر شئ ادا منجح معاك والوا كاين تقنيات باستخدام الليزر والتقشير الكيميائي شوفي بالاك تلقاي كاش طبيب جلدية متمكن يساعدك باستخدام هده السبل
وربي يشافيك ويعافيك

[منى6019]

السلام
احسن حل لمشاكل البشرة هو زيت الارغان

[riheb razane]

انصحك زبدة الشيا تلقايها عند الكحالش وزيدي اقراي عليها فعالة

[أم شروفة]

ديري فوندوتا سينامائي...الوشم وغطاوه ....حتى ما يتغاطاش اسوداد بسيط .ِِِِ.ما تتقلقيش اختي ماكانش انسان كامل ...كامل فينا عيوب ...شوفي اللي فيها وحمه....كاين حالات وحالات اسوء من حالتك ....روحي للطباء.....اكيد كاين حل ....رانا 2016 كل مشكله جماليه لقاولها حل ...انتي برك شوفي الطبيب المليح

[طيور الجنان]

ياختي ماتتقلقيش خلااااص لانو في هاذ الوقت المعاصر ماكانش حاجة مادارولهاش التجميل و اميد كون تلقاي طبيب مليح راح يهنيك من هاذ المشكل بالتوفيق.

[KARIO]

اختي المشكلة راكي تحاولي تعالجيها من الخارج اي الجلد لو كانت المشكلة في الجلد لوكان راهي تعالجت بالعلاجات الموضعية, اعتقد ان مشكلتك هي داخلية اما عندك رواسب في الجهاز الهضمي و بالتالي ينعكس على بشرة الوجه اعملي على تنظيف المصران و كاين ادوية و خلطات لعلاج الامر و الاحتمال الثاني يمكن يكون عندك خلل في وظيفة الكبد و هو مسبب رئيسي في تصبغ الجلد و حتى هو نظن كاين علاجه خاصة في الطب البديلي, زيدي بحثي فالاسباب اللي ذكرتهم و علاقة الجهاز الهضمي و الكبد بمشكلك تحديدا و رجعينا الخبر, الله يشفيك اختي

[thorpe]

خطيك من لحرايمية لي اسمهم اطباء هنا ختي

نصيحة اذا عندك كيفاش تسافري روحي لبنان ولا الاردن لبنان راهي وصلت مراحل متقدمة جدا من الطب التجميلي

واذا ماكانش كيفاه تونس ستفي بالغرض ان شاء الله

الله يجيب الشفا

[الأصيــل]

https://www.dztu.be/watch?v=R4-UWbxVQ14

[سفير الأيام]

السلام عليكم في بادئ الامر

اما في ما يخص مشكلتك نصيحة لوجه الله ما تعمليش حساب للناس ربي خلقك وفي خلقه لك حكمة قد جعل بك عيب لكن لو تنظرين جيدا لداخلك ستجدين عدة مزايا فاستغليها


اللي يضحك يضحك على نفسه لان العيب الدي به يحاول تغطيته ورؤيته في العباد الدين حوله


اقول لك هدا عن تجربة حدثت معي والله شاهد على ما اقول كنت ربما من القلة الدين يعملون بضمير لا تتصوريه وحتى كنت اقوم اقدم ساعات اضافية بدون الامضاء عليها لاتحصل على ثمنها وكنت انفق من مالي الخاص لرؤية تلاميد احسن مني مستقبلا لم اكن يوما اتهاون عن اداء مهمتي كاستاد ولو لدقيقة واحدة


لكن في يوم مشؤوم اتدكره مثل هده اللحظة : احدى التلميدات بعدما فتحت المجال لها دكرت انني مغرور ويا ليتني لم اكن استادها فتلك الكلمة حطمتني معنويا وحطمت مستقبلي كله ..................... راتني مغرورا لصرامتي وربما لانني كنت اقدم في بعض الاحيان معلومات يستفيدون منها في مستوى اعلى وهدا افعله لما ارى تلاميد لهم كفاءة فكنت احب ان استغل الوقت واربحه حتتى لا اهدره لكن اثناء تقديم المعلومات الزائدة اصرح لهم ان هدا لا يدرس في هدا المستوى


تلك الكلمة التي حطمتني لسنوات المشكلة انه تلفظت بها تلميدة نجيبة كانت معزتها عندي كبيرة ولا توصف لكن الخير الدي قدمته قابلتني به شراااااااااااااااااااااااااااااااا


لهدا اختي لا تراعي اقاويل الغير بل حاولي ارضاء نفسك وقبل هدا ارضاء خالقك

نقطة وانتهى الامر

[Rima24k]

شفت الحصة تاع جويل هذا السبت جاتها وحدة تعاني من اسوداد حول الفم وبشرتها كارثية قلبتها مع جلستت علاج كثيرة اميرة عاودي اتفرجي الحلقة لعل وعسى تجيدينا فيها بعض الخلول لمشكلتك