واش رايكم في زوجي

[مشكلتي]

السلام عليكم
مالقيت لمن نهدر قلت نفرغ قلبي ليكم واحكمو ا بالعدل قصتي مع زوجي حنا كنا نعانيو من تاخر الانجاب كل الاطباء قالونا استحالة الانجاب طبيعي لان السبب من زوجي وفي اخر المطاف قررنا نديرو الحقن المجهري خارج الجزائر مع انو نسبة النجاح 40 بالمئة المهم عمري ولا فكرت نتخلى على راجلي نحبو وعمري ماحبيت انسان قدو اقسم بالله كنت رايحة نبيع حوايج من دهبي نكمل بيهم الدراهم تاع الحقن وفي يوم وبقدرة ربي وبمعجزة لقيت روحي حامل وبدون اي مساعدة طبية انا قلت راجلي رايح يدللني ويجبلي واش نسحق هو اسبوع برك ومن بعدها تبدل خلاص ولى يسهر وكان من قبل مايسهرش وانا في وحمي نجوع بزاف يجبلي الماكلة بالحساب كثر خير عجوزتي وماما ينحولي جوعي وكون نقول جيب يتعشش ومايجي يقضيلي حتى نشبع بكا ء هدا كامل على جال كرشي ولانو لوحم هو الي دار فيا هكدا وزيد والله الي نحوس عليها غير متوفرة قدامو وما توحمت على حاجة مايقدرش يجبها ولا غالية انا حسبتو رايح يفرح بهدا البيبي بصح مانيش حساتو فرحان خلاص اقسم بالله وربي يشهد واش نحكي صحيح وراني نكتب ونبكي قولولي كيفاش نتصرف معاه حتى نطلبو في مصروف يخليلي والله فرنك مايخليه في الدار وخدم وجاب دراهم بزاف و هداك وين عرفت بلي حامل وكان عيد ميلادي والله هدية ماشفتها يالوكان قرعة عطر راهو قلبي معمر من جيهتو انا الي كون يطلب روحي ما نبخلوش بيها على العموم كون نبات نكتب ماتطفاش ناري وانا رايحة نوريلو واش كتبت هنا ويشوف ردكم لانو بكاني بزاف على كرشي وانا نتوحم واسمحولي طولت عليكم بصح من الغمة الي في قلبي.

[- بصمة خير -]

احكي معاه بصراحة
قوليلو واش كاين؟
لاه راك متغير؟؟
قوليلو احكيلي كل شيء
خليتي نفهمك


ربي يسخرلك زوجك
و يسخرك لزوجك
و يسهلك حملك
و الولادة
ييييييييييييييييارب

[قمر الماس]

حاولي تحاوريه يا اختي و شوفي
فترة الحمل فترة صعيبة ولازم الزوج يدعم الزوجة و يكون معاها
ربي يسهلك و ربي يهديه و يسخرهولك

[ماري نت]

السلام عليكم

[ع.عيسى]

ربما بك الوحم راك متحسسة فوق اللازم ، وزوجك ما علابالوش باحتياجاتك خلال هذه الفترة ...اصبري حتى تضعي المولود ومن بعدها يبان ما يبان وقتها تعرفي واش ديري ....لانك في فترة ما تسمحلكش انك تقلقي وتزعفي روحك صحتك وصحة جنينك اولى من الزعاف وتعمار الراس بالهموم انت على غنى عنها ...........الصبر فقط.

[*أم كوثر*]

اختي الكريمة احدثك عن تجربة
اولا هذا اول حمل لك بعد طول انتظار
ييعني لاانت ولازوجك متعودين على الوضع
اشياء كثيرة ستتغير فيك وفيه
لاتنتظري ان يكون اب مثالي من الان
فهو لم يتعود بعد
مع الوقت سيتغير ويراعيك ويراعي ابنك
شيئ اخر
هناك عوارض كثيرة للوحم منها حتى مايجعلك ترين زوجك بابشع صورة ولاتطيقين حتى رائحته
ستشعرين بالوحدة وعدم الاهتمام وستذرفين من الدموع الكثير وهذا طبيعي جدا خلال هاته الفترة لان تركيبة جسمك تتغير ومخلوق اخر ينمو بداخلك وهرمونات و.....اشياء كثيرة يطول شرحها
استهدي بالله واكثري الاستغفار
زوجك طبيعي انت فقط اختلطت عليك الامور
ستزول فترة الوحم والحمل على خير ان شاء الله وتعودين الى طبيعتك وسوف تتذكرين مواقف كثيرة وتضحكين
لاتضخمي الامور واستمتعي ...ولو بمفردك.. بهاته الافترة لانها من اجمل المراحل التي سوف تمرين بها في حياتك

[طيور الجنان]

اختي الكريمة مادام كان تأخر في الانجاب هذا يعني راجلك لازم يكون اسعد انسان بهاذ الحمل مافهمتش علاش تبدل هكذا بالاك مازال ماش حاس بهاذ النعمة اللي الناس راهي تبكي عليها .المهم انت تهلاي في صحتك و صحة جنينك و زوجك ربي يسخرهولك و تكونو احلى عائلة ان شاء الله.

[ام رضوان]

السلام عليكم
مبارك عليك وربي يتمملك بالخير امين
طولي بالك برك راكي في فترة وحم ونفسيتك مش مليحة
كي يزيد المزيود ويزهي عليكم الدار كل شيء يفوت
باذن الله

[intel-i7]

هناك رجال خسارة فيهم كلمة رجل فهم ذكور فقط
انا اقلك اذا كان عمرك صغير او حتى كبير فإخرجي عليه
لان بعض الرجال لايقدرون نساءهم ابدااا بالاخص الذين يملكون المال
حدثني صديق عن خالته انها كبرت في فرنسا وجاءت الى الجزائر لتتزوج وانجبت الاولاد وزوها طول عمرها لاقدر ولااحترام
وعندما بلغت من العمر عتيا وربت ابناءها احسن تربية قال لها ان هذا منزلي واذهبي الى منزل اهلك في فرنسا لاني اريد ان اتزوج
خلاصة القول ان الرجل اذا لم يكن في المستوى اكثر من 3 سنوات فلا امل فيه حتى بعد 30 سنة

[ساجده 82]

سلام اختي انت ادرى منا بوضعك ولكن أعتقد ان فتره الوحام صعيبه وتخليك حساسه زياده عن اللزوم .بحيث اي شئ راح يؤثر فيك هدره تصرف طبيعي الهرمونات كامل مرينا بالفتره هده ان اول حمل ليا .لحقنا ... ولكن من بعد انا عرفت وزوجي عرف يعني الوحام .يبدلك .امالا ماتضخميش الامر كامل شبعنا بكاء .هههخخ من بعد تولي ذكرى .ههه يبدو انك كرهتي زوجك راح يجي وليدك صوره طبق الاصل .ههههخخ نطلبو يكملك على خير ختي.ويهدي سركم

[دنيا الامل 18]

الحل هو الحوار تكلمي معه واعرفي الاسباب

[blanche rose]

السلام عليكم
غاليتي أظنني عرفتك

شوفي حبيبتي .. اولا ما تخليش زوجك يقرأ الردود لأنو رايح يزعف منك

بخصوص التغير..بزاف اللي يصرالهم هكذاك
بسبب قلة الوعي..وبسبب أنانية الرجل
الرجل بطبعو أناني..يحب زوجتو شابة ورومنسية وما تمرضش

هذا توضيح قالهولي زوجي ..
وكل مازاد وعي الرجل قلت الانانية تاعو وأصبح اكثر طيبة وتفهما

في فترة الحمل تتبدل المرأة
تولي شخص آخر
متعبة دائما.. طلباتها تزيد..قلة ورومنسية..قلة.....الخ
اغلبية الرجال وليس كلهم يتبدلو..في فترة الحمل و النفاس


انا عانيت من هذا الفترتين في حملي الاول وكدنا ننفصل لولا ستر الله..

الرجل في هذه الفترة بفكر في نقطتين فقط..سارسلهما لك على الخاص..

قالهما لي زوجي..وقال..فقط من ضغط على نفسه وروضها يستطيع التعامل بشكل أفضل مع المرأة
وزوجي تحسن في فترة حملي الثاني ونفاسي ..لكن مرة على مرة يهردها ههههههه

لازم تحاولي تسايسيه وتكسبيه وتفهميه انك ما تبدلتيش
هي فترة وتفوت كرمشة عين

فهميه انك تحبينه وما تبدلتيش..لكنك كالمصنع الذي خلقه الله لتتكون فيه بذرة. حبكما

قوليلو البيبي رآه يحس بوالديه اذا يحبوه او لا
قوليلو مانيش انا اللي نجوع..البيبي هو اللي رآه يتغذى من الاكل اللي راني ناكلو
وفعلا هي الحقيقه والدليل انك ما كنتيش تجوعي هكذا من قبل

قوليلو لازم ناكل باش البيبي يكون صحيح
النساء رآهم يتمناااااو تكون عندهم الشهية باش البيبي يتغذى ملييييح ويكون صحيح وبدون اي اعاقة او عاهة بعيد الشر

زوجك محتاج لتوعية
وحاولي تكوني حنوووونة معاه بكلام حنون وعذب


وطلباتك قوليهالو برقة..و قوليلو البيبي قالك راني جعت وحاب كذا وكذااا سينو نززززعف 😜😜😜😜😜

على فكره... عادي عجوزتك ووالديك يعطوك تاكلي

انا الحق والديا ما قصروش تاني
وبابا ويما يقولولي كولي على جال البيبي ماشي على جااالك 😑

يهمهم البيبي برك..يسايسو فيا على جال البيبي..
والمراة الحامل تحتاج مصروف كبيييييييير

فهي مصصصصصنع
والمصنع يحتاج حوايج بزااااف باش يخرج سلعة مليحة
نفس الشيء المرأة..مصاريف بزاف وعناية لاجل طفل سلييييم.


وتقربي لله عز وجل بزااااف

عاودي اقراي مقدمة موضوع الحوامل

ربي يهدي زوجك ويسعدكم ويرزقكم الذرية الصااالحة

[الماسة النادرة]

الله يصلح الاحوال لكن شوفي قبل الحمل واش كان من الاحداث بلاك راها تولي باثر رجعي

[النجمة القطبية]

المشاركة الأصلية كتبت بواسطة مشكلتي

السلام عليكم
مالقيت لمن نهدر قلت نفرغ قلبي ليكم واحكمو ا بالعدل قصتي مع زوجي حنا كنا نعانيو من تاخر الانجاب كل الاطباء قالونا استحالة الانجاب طبيعي لان السبب من زوجي وفي اخر المطاف قررنا نديرو الحقن المجهري خارج الجزائر مع انو نسبة النجاح 40 بالمئة المهم عمري ولا فكرت نتخلى على راجلي نحبو وعمري ماحبيت انسان قدو اقسم بالله كنت رايحة نبيع حوايج من دهبي نكمل بيهم الدراهم تاع الحقن وفي يوم وبقدرة ربي وبمعجزة لقيت روحي حامل وبدون اي مساعدة طبية انا قلت راجلي رايح يدللني ويجبلي واش نسحق هو اسبوع برك ومن بعدها تبدل خلاص ولى يسهر وكان من قبل مايسهرش وانا في وحمي نجوع بزاف يجبلي الماكلة بالحساب كثر خير عجوزتي وماما ينحولي جوعي وكون نقول جيب يتعشش ومايجي يقضيلي حتى نشبع بكا ء هدا كامل على جال كرشي ولانو لوحم هو الي دار فيا هكدا وزيد والله الي نحوس عليها غير متوفرة قدامو وما توحمت على حاجة مايقدرش يجبها ولا غالية انا حسبتو رايح يفرح بهدا البيبي بصح مانيش حساتو فرحان خلاص اقسم بالله وربي يشهد واش نحكي صحيح وراني نكتب ونبكي قولولي كيفاش نتصرف معاه حتى نطلبو في مصروف يخليلي والله فرنك مايخليه في الدار وخدم وجاب دراهم بزاف و هداك وين عرفت بلي حامل وكان عيد ميلادي والله هدية ماشفتها يالوكان قرعة عطر راهو قلبي معمر من جيهتو انا الي كون يطلب روحي ما نبخلوش بيها على العموم كون نبات نكتب ماتطفاش ناري وانا رايحة نوريلو واش كتبت هنا ويشوف ردكم لانو بكاني بزاف على كرشي وانا نتوحم واسمحولي طولت عليكم بصح من الغمة الي في قلبي.

حبيبتى اسمعي مني صدقيني مريت بتجربة شخصية تخليني نحكم عن الحمل والوحم خاصة
المراة تولى حسااااااااسة بزاف في فترة الوحم لدرجة الاختناق وتولى تتحسس من الطرف الاخر
حبيبتى الرجال ماشي كيما حنا ميحبوش كثرة اللوم ومرات متحملوش دلال النساء وخاصة فترة الوحم اسالي كل النساء غالبا الوحم يسبب مشكلة بين الزوجين
متقوليش مراهوش فرحان استناي لما يشرف البيبي تشوفي حتى هدا القلق يولي كي المنام
اصبري حبيبة واياك والقلق اضحكي وافرحي حتى لو ارغمتي نفسك لان فترة الوحم تخلى المراة تعيش حالة من القلق والتقلب المزاجي
وندعي ربي يهديلك زوجك ويسخرو ليك

[أم سلوى]

ربما انصدم هو أيضا من الحمل المفاجاء

اغتني به اكثر..هو خائف ويهرب فقط من المسؤلية الجديدة..
اذن انت الي تعتنين به وليس هو من يعتني بك..هو الخائف الآن.. انت فرحانة احمدي ربي وعيشي اللحظة...لا تفكري من يحبك ومن لا يحبك بل احبي نفسك.وقولي انا احب نفسي مرارا تشعربن انك اهملتي نفسك وتعتقدين ان الزوج هو الذي سيحبك..