السلام عليكم وعيدكم سعيد
انا حاسة نفسي مخنوقة ونصدومة والسبب في طيبتي الزايدة
كنت في رحلة خارج الوطن وتعرفت على صديق كان يبدو لي مخترم ومتخلق وطيب تعرفنا على بعض ولما رجعت الجزاير بقينا على اتصال دايم على الانترنت علاقة صداقة لا اكثر ،تكلمنا كثيرا لدرجة انه رجعت عادة نتكلمو يوميا نسالوا على بعضنا ،فكرت اني ابعث له هدايا من بلدي ومعاهم حاجات كان محتاجهم متواجدين فقط في بلدنا اشتريتهم وقلت له اني راح نرسلهم،اعمل مجهود كبييييييير باش لقيت شكون يوصلهم له لانه بالبريد قالولي حتى بعد شهر واذا وصلوا،تعبت وتعبت معايا ناس بزاف باش يوصلولو الامانة اللي راح يهزهاله رجل نتاع خير يوم السبت القادم ان شاء الله وانا كنت اعطيتها للهاد الراجل من 20 يوم تقريبا قبل ما هاد الصديق يتصرف معاي تصرفات قهرتني وصدمتني.
هدا الصديق اللي كان هو يكلمني يومياااااا ،ارجع كل مرة نقل له سلام عليكم يقل لي سامحيني راني مشغول نكلمك وقت اخر !!! كررهالي عدة مرات اول ما نقول السلام يكون رده بالصد والاسوء من ذالك يقعد على النت ويكتب تعليقات لصحابه ويمزح معاهم و يكون نشيط على الفيس بوك ،انا عاتبته قلت له هذه مش طريقة تكلمني بيها ولا معاملة لصديقة احترماتك وعاملتك بطيبة واخلاق وانه لو مشغول يكون مشغول على الجميع مش عليا وحدي وعلى صحابك لقيت وقت،قال لي اعذريني عندي ضروف صعبة بزاف منين يخلاصوا نهدر معاك !!!!!! قلت لا ظروف صعبة تخليك تدخل النت وتضحك مع صحابك وتنشط في الفيس وما تخليكش تجاوبني انا فقط؟!!! ولو تجاوب حتى ما تعتذرش مباشرة تقل لي مشغول نكلمك من بعد؟!!! قلت له راني شفت فرق المعاملة وهدا عيب عليك مع السلامة
هاد الكلام من اسبوع ،تصوروا والله ما كلمني لحد اليوم ومازاله يحط نكت ويمزح مع اصحابه وانا نشوف والله ما قيمني ابدا ،والامر اللي وجعني بزااااااااااف هو يوم العيد استنيت انه يفتح معاي حديث يقل لي صح عيدك او يعتذر ،راهو عارف يوم السبت رايح يستقبل هدايا وامور يحتاجها من عندي ومع ذالك لا حشمة ولا مراعاة مشاعر الصداقة الصادقة ولا طيبة اللي عاملته بيها .
الحاجة اللي مخوفتني اكثر واكثر انه لما الراجل يوصل لبلده ويعيطله باش يستلم الهدية،خايفة مايروحش يهزهم او يقل له ما نهزهمش!!!! صدمني بتصرفاته اللي لم القى لها اي تفسير وانه ما يكلمنيش يوم العيدتعني الكثير وانا ما حبيتش نقول للراجل خلاص ما تهزلوش على خاطر وعدته وانا بنت اصل وما نعاملش بالمثل نعامل باصلي لكن خايفة يحشمني والله درت مجهود كبير .
خاوتي على قدر الطيبة يكون الوجع صدقوني حتى الصداقة يكون فيها جرح
( تقرير عن مشاركة سيئة )، و الموجودة أسفل كل مشاركة .
2016-09-13, 07:58
مصدومة وموجوعة من طيبتي
العرض العادي
