السلام عليكم
عانيت كثيرا من الحساسية ومخليت حتى طبيب مرحتلوش في عدة ولايات الكل كيفكيف دواء يمرض ويرقد وينفخ وكي نحبسو نولي نعيا
العام هذا نصحوني بالاعشاب والحمد لله راني بخير الطبيب مرحتش ليه خلاص
ورغم اني تمنيت نزور طبيب مختص في الاعشاب لكن للاسف بدل من سطيف ومقعدتش باش نديبلاسي
لكني اخذت الوصفة من صديقة زارتو والحمد لله راني باحسن الاحوال والله يالطبيب تاع الحساسية هذا العام مدخلتو كنت نروح في العام لاكثر من ثلاثة او اربع اطباء
شوف اخي داوم على شرب تيزانة تاع البابونج والزعتر واذا لقيت الزعيترة الحارة احسن
اشربها يوميا في الليل وارقد ومتشربش موراها الماء واذا كنت مضرور اشربها مرتين الى ثلاث مرات في اليوم
ايضا اشرب معاها مغرفة تاع زيت اللبان راهو مر شوية او زيت الزعتر هو زيت حار واذا قدرت زيت الضرو
مفيد جدا هذا الاخير خالتي كانت بالرشاشة تاع الربو ونحاهالها الطبيب
واذا توفرلك عسل حر حلي بيه باش ميجيكش مر
شخصيا مكنتش نحلي بيه
الايام الاولى مش رايح تحس بتحسن لكن بعدها رايح تلاحظ الفرق
ايضا اخي كون الحساسية معندهاش علاج نهائي حاول تبعد على مسببات الحساسية وايضا ديما البس تريكو طالع على الصدر باش متتعرضش للبرد خاصة في الشتاء
وربي يشافليك احي
بخصوص عناوين الاطباء
في سطيف كاين الدكتور كركار في الشيمينو
كاين الدكتور بهلولي قريب من البارك مول
الدكتور شرشور في بيلار
وكاين الذكتور بوداب والدكتورة فتيحة زيدان بالعلمة
( تقرير عن مشاركة سيئة )، و الموجودة أسفل كل مشاركة .
2016-08-03, 17:08
العرض العادي
