مشكلة و استفسار

[مشكلتي]

بسم الله الرحمان الرحيم
اولا و قبل كل شيء نشكركم كاملين لي عطيتوني فرصة باش نحكي على مشاكلي و تساعدوني فوق هدا الشيء كامل
في الحقيقة انا عندي استفسار و في نفس الوقت مشكل
انا فتاة من تيارت عمري 24 عام اكملت دراستي الجامعية
و تعرفت بشاب و تقدم لخطبتي كل شيء فيه مليح
الا انه قبايلي من بجاية و انا عربية في البداية عائلتي رفضو و لكن مع الحاحي قبلو و لكن انا خفت من بعد باسكو شفت العائلة ديالهم يهدرو كلشي بالقبايلية مفهمت فيها والو تقاليد و عادات مختلفة و العقلية ديالهم مختلفة 1000 بالمئة على تقاليدنا
ان غادي يكون عرسيفي شهر افريل على الاكثر
حبيت نستفسركم على قضية الزواج المختلط كيمن هاكا
و شرايكم
اسكو غادي تواجهني مشاكل و لا لالا
شكرا مسبقا

[حميد.ص]

ربي يسهلك أمورك

[mrmilano1984]

نصيحة في زمن فيه الفتن والمغريات رجال ونساء الزواج دواء للجنسين وسترة وينحي امور بزاف اهمالا مادامو مليح وعجبك اتكلي علي ربي واش دخلك في عائلتو الصح راجلك ياك اعيشي معاه وحدكم هكدا م راح تعيشي مع عائلتو يوميا هنا اشكال مادامك ماتقبليش تعيشي مع ناس يهدرو لغتهم ونتي تتفرجي اوك خمي منطقي الراجل حاب يتزوجك ويدير دراري ومرا ونتي جاتك فرصة وراجل عجبتك واكيد تولي تحبيه مع العشرة خليك كما راكي وماتسمعيش للناس لي تغير وتحسد

[yasmine700]

يكدب عليك اللي يقولك الزواج مافيهش مشاكل راهو مليان مشاكل حتي ولو كان زوجك اطيب الرجال حقيقۃ مرۃ للبنات بعد الزواج انا نقولك اياك والسكن مع اهله خصوصا راكي تقولي ماشي من نفس المنطقۃ اذا هدروا قدامك رايحۃ تحسبي عليك انت وزوجك في بيت مستقل عادي

[ميما اللئيمة]

عادي الاصل مش مشكل المهم مصلي و محترم يحكي حتى بالعبرية اصلا كون تجي للصح واحد فينا ماهو عربي صافي ربي يهنيك الزينة

[مصطفى_س]

استخيري و ان كان لك سيسهل الله و ان كان ليس لك سيبتعد باذن الله

و قضية العادات و التقاليد تأرق نوعا ما في الاول و لكن ان كنتما متحابين فعلا فلا قوة تستطيع ان تفرق بينكما

توكلي على الله و وكلي امرك لربي بصلاة الاستخارة و ان شاء الله ربي يرزقك الزوج الصالح

[نور لاتراه]

السلام عليكم
ايتها العربية
مهما كان عرقك لاحبذ التفرقة العرقية ابدا
لتنظري هناك خطوتان مهما كان مسماكِ لنفسكِ او غيرك
استخارة واستشارة
ولافرق بين الناس إلا من كان تقيا وعمله صالحا ,فانظري ان كنتِ ترضين دينه وخلقه فتلك الغاية
أصلح الله احوالكم

[faty05]

العرس راه قرب و الحيتي على عائلتك و قبلو دركا وش نقولك ما تعمريش راسك بالحكايات مع الوقت تتعلمي قبايلية ان شاء الله
كل شي مبروك

[محمد جديدي التبسي]

المهم ركزي على الصلاة وبقائك بالحجاب امام الرجال في عائلته سواء اخوته او ابناء عمومته ..ضعي هذه الامور في ذهنك ربي يتمم على خير