فرماج للطلي لذييذ اقتصادي و سريع

[sarah rose]

اخواتي اليوم جبت وصفة ساهلة و لذيذة تاع جبنة الطلي ....محضرة منزليا و بدون اي اضافات يعني لا نشاء و لا دهون مشبعة
كما انها سريعة تحضر في ربع ساعة و تؤكل في ساعة و اقتصادية بامتياز

نبدا بالمكونات :
3 اكياس حليب تاع شكارة
كاس تاي خل ابيض
3 قطع جبن مثلثات اختياري
عصير ليمونة يمكن تعويضه بالخل
ملح
الطريقة
جيبي قدرة و حطي فيها 3 اكياس حليب خليهم يغليوا اول ما تشوفيهم غلاو اضيفي فوقهم كاس تاي تاع خل ابيض راح تشوفي بللي رابو ثم ثم صفي الكتل تاع الفرماج في صفاية و قطريهم من الماء و لا تبالغي في التقطير و احتفظي بالماء المصفى ممكن تحتاجيه
بعد التقطير ديري الفرماج تاعك في طاس تاع البرا ميكسور او الروبو ضيفيلو فرماج مثلثات و قليلا من الملح لانو جبنة الطلي مالازمش تكون مالحة بزااااف +عصير الليمونة و ميكسي بالبرا من الفوق للتحت و اذا جاتك ثقيلة زيدي شوية الماء لي صفيتيه من قبل (حوالى 3ملاعق على الاكثر )كي تولي رطبة حبسي ما تميكسيش

حطيها في علبة و الى الثلاجة حوالي ساعة تقدري تاكليها
ملاحظة :
كي تجمد تعاود تشد روحها شوية
المقادير تعطيك حوالى 500 غ جبنة يعني رطل
الان احسبوا معايا 3 حليب 75 دج+60 دج فرماج مثلثات مع الخل يعني 150 دج عطاولك رطل فرماج بنين و نقي و مضمون





اخواتي ان شاء الله تجربوه و ما تبخلوش عليا بالردود و الدعوات