مافهمت فهموني

[مشكلتي]

السلام عليكم
مافهمتش واش كان قصدوا بهذا الشيئ,رحت لسيبار باه ندير فوطو كوبي كولار ,موالفة نخدم كاش ما خصني
كي نحتاج برك ,خرجهالي وحسب لي السعر 10 نرمالمو 30
ومن بعد قالي هيا تشوفي كيفاه نبعثو للايميل ,طلب مني ايميلي بالصح كانت المود باص غالطة الحمد لله
ومن بعد قالي معليش راح نفتح واحد جديد وبدا في الخطوات
نظن بللي مكانش عرفهم اصلا حتى بديت نعتلوا
وكل خطوة كانت غالطة نصححهالوومي هو في هذاك الوقت فتح اليوتيوب قدامي وكتب كلمة مانقدرش نذكرها
ومن بعد جات فيديوات لنساء خليعة
راح تقولولش بقيتي تشوفي صح اول مرة لانو عيني تشوف سبحان الله
مي مبعد هبطت راسي وبديت كل مرة نشوف في الار في لكارطابل وكل مرة في حاجة
كان لما يدخل كليون للمحل يكوبي ديركت, وبقا يطلب الرقم تاع البرطابل باه يدخلوا اعطيتو رقم خارج الخدمة
وحتى الاسم ولقب اعطيتو اخرين مي كانت عندو الدوكيمون للي طبعها فيها اسمي ولقبي الحقيقين
باه يفتح الكونت لازم توصل لي رسالة على التليفون تاعي حاول مي معرفش بللي الرقم غالط
خفت لافريفي من عندي ,عيطت لصاحبتي وتظاهرت بللي راح نتلاقو بعد 10 او 15 دقيقة
لانو صح تفاهنا نتلاقو اليوم
مارأيكم نعرف بللي غلطت مي والله ماكنت نيتي في حاجة حبيت نعرف كيفاه يبعثها مي مافهمتش علاش دار هكا

[AMINA.Z]

واحد ماش متربي و انتي من نيتك راكي تخممي و حايرة فيه !!!!!!!!!!
حيرتيني و الله
و تزيدي تحكي في تفاصيل سخيفة لقصة غير مهمة تماما !!!!!!
شحال في عمرك حتى ما قدرتيش تفهمي واش صرا !!!!!
احذفي تماما هاذ القصة من الذاكرة.

[إسلام الفاروق]

هذا ماشي متربي ولكنك اسوء منه اذا كان تلميذ فانت المعلمة

[oumhana]

ديفوا ندوخ من هاذ لحكيات و يطلع لي الدم للدماغ كفاش رحتي تديري فوطو كوبي لحقتي لفديو خليع ومخل بالحياء وجاية تسقسي وعاملتها حاجة الأجدركنتي تاخذي الورقة تاعك وتسمعيه 2كلمات وتخرجي منgروش لي سيبارـ بصح أنت بنتيلي عجباتك لحكايه كما لي شاتي اللبن و مدرg الطاس فيقي يا بنتي راه حرام.

[أمل94]

احمدي ربي لي سلكتي من هذالشخص الحقير استغل سذاجتك ونيتك وكان حاب يدخلك في عالم مجون لولا ربي نجاك منو باش تعرفي علاه ربي سبحانو حرم اختلاء المراة والرجل. اولا فتاة تروح لسيبار راه حاجة خطيرة وشبيك ؟كنتي تبعثي خوك بدل لتروحي انتي .ولا كنتي تروحي برفقة احد من محارمك .اسمعي لي جابوه رجليك الحديد ليه رايحة لسيبار وحدك اتقبلي كلشي يصرالك سلام

[nihal159]

أنا لي مافهمتكش؛فهميني؟ بالحسبة هذي المحل لي تذخليله أديري فيه معرفة و تبقاي تشايخي؛ ربي يهديك؛ و أعرفي بلي الغلطة تاعك أكبر من الغلطة تاعو لأنك أنت لي قاعدة تسايري ؛ كون من الكلمة الأولى قلتيلو مانعرفش و ماتمديلوش الفرصة أنو يتجرأ و يسقسيك.

[سميرة10]

السلام عليكم
اختي نظن بانك مغفلة ام انك لا تفقهين شيءا في هذه الحياة
انت لا تدرين وسامحوني على هذه الجملة =كثرة التخلاط تجبد الزبل = فاحرصي على نفسك من مثل هؤلاء الشياطين الانسية

[غزلانْ]

و عليكم السلام



و حسب لي السعر "10" ونرمالمو"30"; هنااااا من خلال " التقسيط" حتى "20" هو يستدرجك و أظنك فهمتِ
و كثمن لدفع التقسيط "20"
كان طلبه
تشوفي كيفاه نبعثو للايميل ,طلب مني ايميلي .............

'' هذا على حسب مفهومي "

و ماكان ينبغي عليك
أن تجعلي مسافة بينكِ و بينَه
تفضل يا أخي بحاجة " لفوطوكوبي" وأنتِ " بانتظاره "ليلبي لكِ ما طلبتهِ" و بعدها دفع ثمن 30 و شكراا لكَ يا أخي .
اذا تمادى فأنتِ من جعلتِه يتمادى


المهم تبقى تجربة لأن لا تخطئي في المرة القادمة

بالتوفيق لكِ



لا اقتباس

[أم أنفال1]

غلطتي مرة مزيديش تعاوديها فيقي علا روحك الوقت صعيب لي مافاقش في هذالوقت كلاه الحوت

[اياد حياتي]

وانتي واش ذاك لسيبار وعلاه ما تروحيش لمكتبة اكيد انك صغيرة في السن احذري احذري