مشكلتي مع الكأس

[ناديـة]

أجد في المنتدى وصفات رائعة لأخوات جزاهن الله خيرا وعندما أريد تطبيقها أجد الكيلة كأس وأنا عندي في البيت أنواع كثيرة من الكؤوس وأتمنى لو تتكرم الأخوات وتعطينا حجم الكأس لأنه برأيي إذا غيرنا قليلا في المقادير ستتغير الوصفة.

[ام رويدة]

من رأيي شوفي كأس متوسط استعمليه وخلاص يعني كاين كؤوس دات حجم كبير وكان كؤوس صغيرة
والمتوسطة هي اللي نكيل بها دايما وما نلقى حتى مشكل
أتمنى نكون افدتك

[ناديـة]

شكرا لك أم رويدة على الأقل أنت لم يجعلك الفضول تطلين وتهربين

[نوال عيسى]

السلام عليكم ورحمة الله وبركاته



بصراحة كانت عندي نفس المشكلة لكن صادفت وصفات يكون فيهم تنويه الى ان الكاس يهز 250ملل يعني الكاس تع القازوز والصراحة اتبعت هذا المقياس لكن لما نخاف من وصفة معينة نستعمل نفس الكاس لكن غالبا انقص منو شوية
نتمنى نكون افدت لكن يبقى راي الخبيرات هو الصائب

بالتوفيق


اللهم صل وسلم وبارك على سيدنا وحبيبنا محمد

[ibtihal18]

في اغلب الاحيان يكون كاس اللي نشربو فيه الماء او الغازوز يعني بالتقريب تع 250 ملل و لكن عندك الحق ممكن هوما يستعملو كاس متوسط من لاحسن يصورو الكاس المستعمل
شوفي ننبهك لحاجة كي تلقاي فالوصفة تقلك كيلة من كذا و 2 كيلات من كذا و نص كيلة من كذا هنا ما تاثرش عليك سوا انتي تستعملي كاس صغير ولا كاس كبير هنا تختلف الكمية برك يعني كي تديري كاس صغير تجيك الكمية اقل من كي تستعملي كاس كبير نتمنى تكوني فهمتيني
نعطيك مثال ................. مثلا فالكيلة تع المقروط تع القلاية مش تع الكوشة ......... تقلك 4 كيلات سميد بكيلة دهان هنا ترجع ليك الحاجة اللي تستعمليها فالكيل و والو ما يتاثر فانتي تقدري تستعملي اي كاس ديري 4 كيسان سميد مع كاس دهان ولا تكيلي بعلبة مرغرين فارغة
نتمنى تكون وصلتك الفكرة

[ناديـة]

شكرا لكما أختي نوال عيسى وابتهال على الرد المفيد جزاكما الله خيرا

[اسمهان79]

حبيبتي انا الكأس اللي نستعمل دائماً يكون كاس متوسط لاهو كبير لاهو صغير كيما الكيسان اللي يشربو بيهم الحليب في المقاهي راني صورتو في وصفاتي شحال من مرة
نتمنى نكون أفدتك حبيبتي
وبالتوفيق في كل حاجة

[أم محمد تاج]

حنووونة كيلي بكاس اينوكس احسن راه متوسط الحجم
بالتوفيق