مشكلتي كلبة اعزكم الله

[مشكلتي]

السلام عليكم

مشكلتي أعاني منها منذ أكثر من 7 أشهر من اليوم الذي أتى فيه ابني بكلبة أعزكم الله منذ ذلك اليوم و المشاكل نازلة فوق رأسي الجيران يشكو في كل وقت و الزبائن اصبحو قلال بسبب الرائحة الكريهة في محل زوجي و يخافوها كلما نهدرلهم خرجوها الناس راهم يشكو ما يحبوش و أنا ما نقدرش نخرجها وحدي عنيفة جدا خممت نقتلها خاصة انها اصبحت مصدر ازعاج لكل الجيران حتى انا الجارة لبارح جاتني قاتلي شدت زوجها كان جاي يداوس مع زوجي انا تعبت لدرجة انني فكرت اني نوضعلها السم في اكلها و نخلص منها هل تفكيري صائب دبروا عليا ارجوكم

[younes29]

شوفي من شباب الحي شخصين او ثالثة يقومون باخدها بعيدا عن حيكم
لا تقتليها فقد تحاسبين عليها يوم القيامة
ادا كانت عنيفة او خطيرة يمكنك استشارة بيطري ليعطيك مخدر تضعينه في الاكل لتخديرها اثناء نقلها لمكان اخر

[فارس وجواد]

السلام عليكم :
و الله يا أختي لو يعلم ما يجلبه الكلب من سلبيات للمنزل , لما فكر يوما في إنتقائه , فيكفي أن الملائكة لا تدخل منزل فيه كلب , و كذا وجود كلب في المنزل ينقص من آجر صاحبه مقدار قيراطين أو جبلين من الحسنات , هذا من الناحية الدينية , أما من الناحية الصحية و النظافة فحدث ولا حرج فالكلب كله نجاسة في نجاسة و لو قام صاحبه بغسله يوميا .
و الغريب و المستغرب هناك اليوم من يتباهى و يتفاخر بإقتناء كلب و ربما يشتريه بالملايين .

[younes29]

المشاركة الأصلية كتبت بواسطة فارس وجواد

السلام عليكم :
و الله يا أختي لو يعلم ما يجلبه الكلب من سلبيات للمنزل , لما فكر يوما في إنتقائه , فيكفي أن الملائكة لا تدخل منزل فيه كلب , و كذا وجود كلب في المنزل ينقص من آجر صاحبه مقدار قيراطين أو جبلين من الحسنات , هذا من الناحية الدينية , أما من الناحية الصحية و النظافة فحدث ولا حرج فالكلب كله نجاسة في نجاسة و لو قام صاحبه بغسله يوميا .
و الغريب و المستغرب هناك اليوم من يتباهى و يتفاخر بإقتناء كلب و ربما يشتريه بالملايين .

يا اخ جواد اين هو الحل في كلامك كله
هي تعرف كل هدا الكلام و تريد التخلص منها فان كان لديك حل اطرحه

[لحن الحياة.]

لا تقتليها حرام عليك روحي مديها لكاش ناس عندهم مزرعة او فالريف

[tayeb@@@@@]

صحيح ما قاله الإخوة عليكي بالإتصال بأفراد خاصين لهذه الأنواع من الحيوانات . بأخذها بعيدا .... والله يجيب الخير

[ماريـام]

لو نعرفو السبب الي خلاهم يجيبو هاذي الكلبة ؟
اذا للحراسة كاين بدائل احسن و غير مكلفة كاميرات او حتى عساس

و اذا ابنك برك جايبها للتفاخر و التهديد هنا لازم تحطي حد ردعي ليه

الاحسن كيما قالولك الاخوة شاوري البيطري عن طريقة للتخدير و جيبي جماعة تعرفيهم ياخذوها من البيت

ولازم حد ردعي للابن تاعك على هاذا التصرف

[اسماء منار]

الاول لازم تحاولي تقنعي ابنك بانزعاج الجيران والمشاكل الي قادرة التصير والي انت في غنى عنها ومن الحسن انك تكلمينه باللين واذا لم يقتنع في هذا الوقت ما عليك غير تتكلمي مع جيرانك يتكلموا معاه ممكن ويخبروه بانهم منزعجون من صوتها ومن الرائحة ممكن يحرج وياخذها بنفسه لانه اذا تصرفتي من راسك مع الكلب اذا قتلتيه او ابعدتيه يمكن ان تحصل مشكلة بينك وبين ابنك
ادعيلوا بالهداية

[الصديق قروف]

اسلام عليكم
متقدريش طمعيها بلماكلة حتى تخرجيها برا
حذاري اذا كانت خطيرة وتاذي اناس بلاك تكونو مسؤلين عليها

[رَكان]

السلام عليكم ..
أيتها السيدة الكريمة ..مشكلتك بالأساس هي ليست مع الكلبه إنما مع من أحضرها ..إنه ابنك ..فلو كان ابن الجيران لكان اصعب إنه ابنك وعليك أنت وأبيه أن تكون لكما معه وقفة صارمة ..

[مناد بوفلجة]

السلام عليكم

إذا لم تكن لك القدرة على إقناع إبنك بالتخلص منها
فكيف يمكنك التخلص منها

إتصلي بمصلحة الحماية المدنية أو مصالح البلدية
ليخرجوها و يقومون بالآزم معها

الله يكون في عون الجيران

[صلاح البسكري]

السلام عليكم

إذا كانت مؤذية يعني أذا رميتيها تضر بالناس ، و واذا لم تكن لديك السلطة و القدرة على اخراجها ، ابحثي لها عن طريقة قتل لا تعذبها فقط .
هذا اهون من ايذاء الجيران ،و ربحح آثام الكلب في المنزل ..
.
بالتوفيق .

[oumhana]

حذاري متقتليهاش بصح أفرضي على الي جابها يديها وين يحب المهم متبقاش فالدرا مبيك بصحتك مبيك بحاجة أخرى أفرضي رايك وموقفك وإذا تلزم الحال قوللهم ياهي يا أنا فالدار هذي آو ولا مكاش ليحكم واحد يجيب كلبة لاخر يجيب قنينه كاش نهار يجيبو أفعى يقلك نربيها .الموقف تاعك لازم يكون حازم مع الأولاد.

[غير هام]

السلام عليكم

كي كنا صغار ختي ربات كلبة ووالفتها وكبرت معاها من بعد الكلبة مرضت وولات تجري مور الناس وتبغي تعضهم خفنا تقتلنا كاش حد ماما حكمت ختي قالتها رايحين نقيسوها ما بغاتش كي صرا مشكل وعضت ولد جوارين قسناها في بلاصة بعيدة مرضت ختي عليها من بعد شوية والفت بلا بيها
احكمي ولدك وقوليله وجود الكلبة ما يساعدنيش بالهداوة اذا ما بغاش كي يكون غايب شوفو كاش حد رايح بلاصة بعيدة يديها ويقيسها فيها

[seridz]

سبحان الله الم يلاحظ زوجك كل هذا الم يلاحظ ابنك كل هذا الحل يا اختي الكريمة في زوجك و ابنك تحدثي مع زوجك و كونا صارمين معه الا اذا كان زوجك موافق و لا يريد ان يخرج الكلبة اعزكم الله هنا موضوع اخر