تفضلو شوفو أطباقي التقليدية واعطوني رايكم : هذي البداية ومازال مازال ;)

[*صفية أم براء*]

السلام عليكم ورحمة الله وبركاته
أخواتي الكريمات
قلت في نفسي ديما راني غير مشاهدة في هاذ المنتدى الرائع
وعلاش ما نتشجعش ونشار بأفكاري
ممكن نفيد ناس كيما راني نستفيد
أو على الاقل ممكن نفكر وحدة حايرة وش تطيب غداها ولا عشاها
تتفكر الاكلة حتى من عنوان الموضوع
امالا قررت انا ثاني نولي مفيدة ونكشف الستار على أطباقي المصورة
اللي ما صورتهمش الله غالب نعاودهم ان شاء الله ونصورهم


نخليكم مع الصور المتواضعة
وكاشما احتجتو راني هنا
نلعبها فاهمة عليكم زعما : cool:


هذا الطعام باللحم أو البربوشة كيما نسموها عندنا



وهذي تشيشة فريك بنتها هااااااااااااااايلة
تجي بالكسرة كيما تاع الشخشوخة بصح مرقتها تختلف
ما فيهاش الخضرة مرقة حمرة بالدجاج أو اللحم بالفول اليابس والحمص ونزيدو الفريك مرحي خشين على نتاع شربة الفريك
وتجي حااااااااااااارة



هذي شخشوخة الظفر تاع الشرق حنا في الحقيقة ما نطيبوهاش بصح نحبها نموووووووت عليها





وهذو محاجب الرخساس على طريقة امي العزيزة جربتهم جاوني هايلين
ما تضحكوش عليهم محروقيييييييين

وفي انتظار وصفات جديدة حتان نفرغ الصور نتاعي في الميكرو تقبلو مني فائق الشكر
ومازال الخير القداااااااااااااااام