رايكم في الخطبة

[مشكلتي]

السلام عليكم ورحمة الله و بركاته
في كل مرة تضيق بي الحياةتراودني فكرة اللجوء اليكم و استشاراتكم ...
مشكلتي انه تقدم لي شاب من بعيد عن منطقتي حولي 30 كلم وفي منطقة تقريبا محيطة بالاشجار ....تشبه البادية
و انا اسكن في في المدينة و عائلتي من النوع الذين يهتمون بالحضر و الاسماوات ولا يرضون بتزويج فتيتهم الا من فلان ابن فلان ...ربما استوعبتم مشكلتي
الشاب ذو دين وخلق و يعمل ولديه سيارة...
اهلي لا يرضونه لانهم يرون انني لن استطيع العيش في تلك البيئة ليس استهانة بهم لا فقط لانهم يرون ان نمط حياتي جد مختلف عنهم
والشاب يرفض فكرة العمل ..امي تطالب بالسكن على الاقل ااسس حياتي ولا اضطر لتحمل تلك المعيشة التي يرونها صعبة...
لا اريد تعليقات اريد ان تعطوني اراءكم عل و عسى ان اجد فيها ما يرشدني الو السبيل الصائب....
وكل فتاة تسكن في المدينة و تزوجت في البادية كيف تاقلمت مع الوضع... دعواتكم بظهر الغيب

[سوستال]

انا نقولك عادي مافيها والو.. نعرف ناس من العاصمة سكنوا في الصحراء والله وعلى بعد اكثر من 700 كم عن العاصمة
يعني منطقة معزولة وسكنوا سنوات عدة فمابالك انتي 30 كم فقط ؟ انا نشوف فيه مش مشكل أصلا من القبائل رهم في
صحاري وادي سوف وورقلة وعادي رهم مبسوطين....... المهم في صفات الراجل يعني أخلاقه ودينه وعائلته
ربي يوفقك لما فيه الخير

[zouzou2013]

انا نقولك عادي جدا انا تاني نسكن في المدينة و ممن واحد يسكن في بلدية و زيد هو من الوسط و انا من الغرب بيناتنا 400 كم المهم الدين و الاخلاق و التربية و تكون مهنية هادوك قاع شكليات السيارة و البيت ...الخ متحصيش ربي قاع شراه مخبينى المهم الصحة و الهناء. و ربي يهنيك انشاء الله و الدنيا مكاتيب تنجمي تتزوجي واحد في المدينة و متتهنياش و تتزجي مع واحد من البدية و تعيشى اسعد انسانة

[إكليل]

اختي قد يكون مع عائلتك جانب من الحق و ليس كل الحق .

قد تجدين من سكان البادية أناسا متخلقين و يعيشوا المراة أحسن عيشة و لكن يوجد البعض لا أقول عنهم أنهم سيئين لكن نمط معيشتهم يختلف عما تعودت عليه فأدابهم غير أداب المدينة و أعمالهم غير أعمالنا و بعض الظروف قد تكون صعبة و قد لا تستطيعين التأقلم معها .

[كلنا راحلون]

منطقة

رفض عمل

سكن مستقل

ييدو مشكلتك عند والدة

لا عمل...........................توفير سكن ......................بادية

عمل.............................لا سكن .............................مدينة


مجرد راي

[ibtihal18]

اختي شوفي نفسك انت اذا تقدري تعيشي فالبيئة هذيك او لا ولا احد يقرر بدلا عنك و اذا رضيتي دينه و خلقه توكلي على ربي و ما تخافيش انا راني كنت نسكن فالمدينة و تزوجت للريف والله حياة روعة و نلقى راحتي فيها احسن و الان راني نعيش في تمنراست و اهلي كامل راهم فالشرق و تاقلمت عادي جدا مع جميع الظروف و الحمد لله و الراي يرجع ليك فالاخير ما تقيسيش تجربتك على تجارب الناس قرري مليح و راجعي نفسك مليح و ما تتسرعيش
ربي يوفقك و يجيبلك الخير و يهنيك و يسعدك....اميــــــــــــــــــــــــــــــــــــن

[jakeneo]

يأختي إليك تحليل للموقف و أنتي إختاري :

على أساس قولك أنه ذو خلق و دين المسكن الخاص ليس شرط إذا كنت إنسانة إجتماعية وتتقبلين أراء الأخرين لأنك ستتقبلين عائلته كيفما تكون و تستطيعين مواجهة كل العقبات
أما بانسبة للمسافة 30 كم فإجابياتها أكثر من سلبياتها على سبيل المثال ستبتعدين عن ضغوطات العائلة و ترين ناس جدد و ثقافة مختلفة (يعني سترين الحياة من منظور مختلف )
أما بانسبة للعمل إذا كان زوجك مقتدر ماديا فليس له داع إعملي في منزلك تعلمي أشياء جديدة كالخياطة و العناية بالمنزل و فنون المعاملة الزوجية و صلة الرحم (لأن معظم النساء العاملات يضنون أن ربة المنزل إنسانة بدائية لهم لها سوى خدمة زوجها فقط ) الحياة الزوجية أكثر من ذلك
و الأمر الهم في هذا الموضوع كله هو رايك وليس رأي أهلك لأنه أنت من سيتزوج و يعيش هذه الحياة لاتدعي أحدا يقرر مكانك فهي حياتك و أنت من سيتحملك عواقب الإختيار

وأخيرا أدعي الله و إستخيره فهو أحسن معين ......


و في الإخير هذا الرأي يعكس نظرة صاحبه فقط .................................بالتوفيق.

[wassila21]

يا أختي أنا من العاصمة و راني متزوجة في ولاية عين الدفلى تقريبا 200 كم و في منطقة تقريبا ريفية ناسها بسطاء و متدينين و تاع حشمةو كرماء لواحد الدرجة ما تتصوريهاش، ماكاش الحس تاع المدينة و المشاكل تاع الدراري(المخدرات السرقة) ، و في هذا الوقت من السنة (الربيع) تكون في أجمل حلة، كلش أخضر و الجبال دايرين بينا الهواء نقي . أنتي قولي لوالدتك على إيجابيات الريف و أنك حبيتي تبعدي شوية على حس المدينة و أيضا ماراكيش بعيدة عليهم، خليهم يروحوا و يشوفوا، والدتي أيضا كانت رافضة الفكرة و لكن كي جات و شافت و حكيتلها على المنطقة رجعت هي تشجعني باش نبقى هنا و نربي ولادي هنا ،على فكرة حتى أنا عندي شهادة جامعية و راني قاعدة في الدار و ماكاش كيما الدار تربي ولادك على يديك و دارك تكون نقية و وزوجك يرجع من العمل يصيب راحته.

أهم حاجة الشخص يكون متدين و رزين و متفهم لحاجيات المرأة ، ماشي يحطك في الدار و يغلق عليك، لازم تتفاهمي مع هذا الخاطب قبل ما يكون الرسمي

[houda_jijel]

سلام. اختي اهلك اكيد يتمناولك الراحة في الزواج تاعك .لكن مش كل من عايش في المدينة متحضر و مش كل من عايش في البادية عكس دلك .انت اسالي على دين و اخلاق الرجل و مستواه و ماديتو اللي راغبة تعيشي في ظلها .و نقولك حاجة اسمعي للداخل تاعك متقعديش تسمعي لكلام الناس لانو الماديات و السارات و الاموال و المستوى الدراسي مش هوما كلش هادو قادرين يتوفرو في اي وقت ان شاء الله.
و اكيد متنسايش صل صلاة الاستخار لله مراحش يخيبك

[نور الرحمة]

اختي على حساب رأي مدام هو شخص متخلق ومتدين فلا بأس والان الاهل يشرو الهنا لبناتهم و30كلم ماشي بعيد يعني من المنطقة تاعكم وانا نعرف بنات يسكنوا في العاصمة وراحوا لبلاد وراهم عايشين لاباس بيهم وصلي صلاة الاستخارة وربي يفرجها ماتخسري لا ولديك ولاهو ان شاء الله ربي يكون معاك

[مسك القعدة]

30 كلم مش حاجة المهم الدين والأخلاق وقناعتك الشخصية بالإنسان هذا
إستخيري ولي فيها الخير ربي يقدمهالك

[abdellah36]

مشكلتك انك متخوفة من الريف ............فعليك ان تركزي على هذه النقطة لتتخذي قرارا صحيحا ...........

اولا اذا كنت تقصدين الامور المادية فيجب ان تاخذي فكرة على نمط الحياة في هذه المنطقة الريفية ............فالامور الان تطورت .و كثير من الناس يظنون ان اهل الريف مازالوا يعيشون حياة بدائية و هذا غير صحيح، ..........كل ما تجدينه في الريف تجدونه في المدينة في اغلب الاحيان .........و لذلك قلت انه يجب ان تتاكدي اكثر..............

ثانيا من الناحية المعنوية اهل الريف معروفون عموما بالطيبة و البساطة و عيبهم هو الخشونة ، فعليك ان تنظري مدى وجود هذه الظاهرة في عائلة خطيبك خاصة امه و ابوه .........و مدى قدرتك على التحمل ...........ثم تقرري ............

[minaj23]

يا اختي صاي صلاة الاستخارة افضل

[milissa21]

شوفي انا نعرف بزاف بنات من العاصمة تزوجو لبعيد وراهم عايشين احلى عيشة المهم يعود وليد فاميلية و خدام وذو خلق و حاولي تفهمي والديك الدين الاسلامي واش يقول في هذا الموضوع و ربي ييسرلك امرك انا بنت العاصمة و تزوجت لبرى و الحمد لله سمحت في منصب عمل مهم و الحمد لله

[sarabih]

انا نقولك عادي مافيها والو.. نعرف ناس من العاصمة سكنوا في الصحراء والله وعلى بعد اكثر من 700 كم عن العاصمة
يعني منطقة معزولة وسكنوا سنوات عدة فمابالك انتي 30 كم فقط ؟ انا نشوف فيه مش مشكل أصلا من القبائل رهم في
صحاري وادي سوف وورقلة وعادي رهم مبسوطين....... المهم في صفات الراجل يعني أخلاقه ودينه وعائلته
ربي يوفقك لما فيه الخير