نصيحة للنجاح

[قاسمي نورالدين]

تكون تقرى ثانية ثانوي تطلع Bac و أنت تعرف تحدد القوى برك خايف من مادة إسمها Phisic تتحسر على لعوام لي فاتت وتقول يا ريت قريتها قبل و منبعد تقبل التحدي تقول ماني خاسر والو تبدا تقرى تلقى صعوبه تروح les cours تتلقا مع ناس عندها base مليحة و أنت ما تعرف لا معادلات لا استرة لا فضاء لا إشعاع ... تخاف شويه و من بعد تقول يا أنا يا الفيزياء و تبدا تسهر تتعب تنوض عند الفجر, تتحدى صحابك............ ويفوت لعام تلقا روحك تعشق مادة يقولولها phisic ويلحق يوم الخميس من شهر جوان دخلت 3 ساعات و انا قافل mobili و مع sujet تاع phisic , نحل ف الأسترة و نضحك بصوت و حليت الفضاء و المعادلات و الحركة و انا نتفكر ف كل واحد قالي متقدريش فكل واحد قالي phisic صعيبه فكل واحد قالي معندكش base متعولش لحقت 30 11 . خرجت فتحت لموبيل لقيت ماما تعيت هزيت قتلها زغرتي بنك راه في الجامعة ديت خير من لكانو عندهم لباس 16 ( فيزياء ) ; تقول فات الحال احلم و اتعب وراح توصل و الحكايه مش حكايه phisic والا mat برك مهما كانت شعبتك مهما كانت الماده لي مخوفاتك مهما كان عدد ناس لي قالولك مستحيل اقبل التحدي راح توصل بإذن الله راح توصل . أخوكم: نورالدين - ق

ربي يوفق الجميع لما فيه الخير ان شاء الله