مشكلتي في عملي

sarahsalma · 2014-10-13, 13:51

السلام عليكم اخواني واخواتي
انا قعدت مدة طويلة من دون عمل حتى تعبت نفسانيا وبعد وقت وجدت عمل وكنت بزاف فرحانة بصح يافرحة ماتمت انانخدم في مصنع مع البنات والله الزمان تغير والناس تبدلت وانا والله لوكان ماجيتش محتاجة دراهم والله مانخدم في وسطهم المهم البنات هذوك الطفلة لي تكون متربية وتحشم وتخدم من قلبها يضحكو عليها وايلا ماكانش عندها صاحبها وتحكيلهم عليه مارايحينش يحكو معاها و حنا نخدمو كامل في طابلة وحدة تسما لازم نحكو مع بعضانا والنميمة والغتبة والكلام الزائد الحرب الباردة معاهم لازم نكون كيفهم باش نتفاهم معاهم ولا كيفاش وبلا مانحكيلكم على المسؤولة ياودي وشمن سبان ومعايرات وخلي وخلي والله غير نخدم من كل قلبي واحسن منهم والله لا ضلم كبير انا راني اختصرت لكم بزاف حوايج نحاول نخدم خدمتي وربي يفوتلي الستة اشهر تع العقد والله غير ربي يهديهم يا رب فرج علينا يارب حكيتلكم باش تصبروني وربي يرزقكم ماتتمناو ان شاء الله

حميد.ص · 2014-10-13, 14:02

ربي يهديهم

وكلي امرك لله

sarahsalma · 2014-10-13, 16:14

اقتباس:

المشاركة الأصلية كتبت بواسطة حميد.ص

ربي يهديهم

وكلي امرك لله

وكلت ربي ليهم والله انا ماقديتلهم وانت خويا ربي يعيشك ويحفضك ويرزقك ان شاء الله

مراد وهراني · 2014-10-13, 14:03

تزوجي وأريحي نفسك

لمادا تتعبين نفسك الحل موجود بيدك

توكلي على الله وتزوجي

الحلم الجميل · 2014-10-13, 15:01

ربي معاك
كملي خدمتك و ما دخليش روحك فيهم ما تهدري ما والوا
اعلم انك او لم تكوني محتاجة لما عملت في مكان مثل هذا ربي يصبرك
و يرزقك

sarahsalma · 2014-10-13, 15:52

اقتباس:

المشاركة الأصلية كتبت بواسطة الحلم الجميل

ربي معاك
كملي خدمتك و ما دخليش روحك فيهم ما تهدري ما والوا
اعلم انك او لم تكوني محتاجة لما عملت في مكان مثل هذا ربي يصبرك
و يرزقك

شكرا لك اختي وربي يحفضك ويهنيك ان شاء الله

eBusiness · 2014-10-13, 15:22

أختي الفاضلة حسب توقيعك أنت إختصاص إعلام الي، إن كنتي مهندسة أو تقنية وتتقنين الكمبيوتر، تصميم المواقع أو تصميم الشعارات والخدمات المعلوماتية لماذا لا تعملي عبر الأنترنت وتجنين أضعاف ما تجنيه من عملك في مصنع السوء هذا !!! بالتوفيق يا بنت الأكابر

sarahsalma · 2014-10-13, 15:55

اقتباس:

المشاركة الأصلية كتبت بواسطة ebusiness

أختي الفاضلة حسب توقيعك أنت إختصاص إعلام الي، إن كنتي مهندسة أو تقنية وتتقنين الكمبيوتر، تصميم المواقع أو تصميم الشعارات والخدمات المعلوماتية لماذا لا تعملي عبر الأنترنت وتجنين أضعاف ما تجنيه من عملك في مصنع السوء هذا !!! بالتوفيق يا بنت الأكابر

والله يااخي انا اختصاصي اعلام الي مكتبي وعييت نبحث على خدمة والله مكاين هذي وبسيف باش لقيتها وراك تشوف ان شاء الله ربي يفتح علينا كامل ونشكرك جزيل الشكر على مرورك العطر

نارينا · 2014-10-13, 20:31

وين تخدمي انت في حي العصابات ؟؟ أيعقل أنه ولا وحدة مليحة في مصنع كامل ؟؟ احيانا عندما نبدأ العمل نعتقد أن الغير يتربص بنا ونحاول الابتعاد والنجاة بأنفسنا لكن بعد مدة ستتعرفين عليهم جيدا ولربما تغيرين وجهة نظرك تماما ...

optimism · 2014-10-13, 21:00

السلام عليكم
في الاول ,,,,,,تكون خيبات الظن ,,,,,,,, توقع غير الواقع,,,,,,,,لكن مع مرور الوقت هناك مواقف تكشف لنا جوانب شتى ,,,,,,,,ومعادن الناس ,,,,,,حقيقة ,,,ليسوا بذلك ؟؟؟
,,,,تقدري تفرضي احترامك وتتعاملي معهم بشكل محدود ,,,,,,,وتجنبي بوليتيك,,,,,,,,,خاصة بوليتيك تاع لبنات
في الاخير ,,,,,,,,لايمكن نضع الكل في خانة واحدة ,,,,,,,ولايمكن الحكم من الوهلة الاولى ,,,,,,,,مع الوقت ستكتشفين جوانب الخير
وشكرا

sarahsalma · 2014-10-13, 21:17

والله يا خاوتي مراني نزيد عليكم والمشكل الطفلة لي تدخل تخدم تقعد مدة وتخرج والله ياخاوتي لوكان ماتشوفوش بعينيكم والله ماتامنوني انا والله مازدت عليكم انا لوكان ماخدمتش معاهم والله مانصدق انا مانحبش الضلم سورتو كاين معانا بنات عاقلين ويقعدو يتمسخرو بيهم حتى والله غير يقعدو يبكو ويكرهو يخرجو من الخدمة يا خاوتي انا قريت وشفت عباد وخالطت بصح كيما هذو والله ماشفت المشكل انهم كامل يرفدو عقلية بعضاهم ويولو يتعاملو كيف الاخرين ربي يهدينا ويهديهم والله مازدت عليكم حرف ولا كذبت عليكم

*تسنيم* · 2014-10-14, 14:30

اقتباس:

المشاركة الأصلية كتبت بواسطة sarahsalma

والله يا خاوتي مراني نزيد عليكم والمشكل الطفلة لي تدخل تخدم تقعد مدة وتخرج والله ياخاوتي لوكان ماتشوفوش بعينيكم والله ماتامنوني انا والله مازدت عليكم انا لوكان ماخدمتش معاهم والله مانصدق انا مانحبش الضلم سورتو كاين معانا بنات عاقلين ويقعدو يتمسخرو بيهم حتى والله غير يقعدو يبكو ويكرهو يخرجو من الخدمة يا خاوتي انا قريت وشفت عباد وخالطت بصح كيما هذو والله ماشفت المشكل انهم كامل يرفدو عقلية بعضاهم ويولو يتعاملو كيف الاخرين ربي يهدينا ويهديهم والله مازدت عليكم حرف ولا كذبت عليكم

راني فهمتك مليح يااختي انا ايضا عديت على هدا المرحلة المشكل البلاصة لي كنت نخدم فيها ماتليق ني طفلة ني طفل وحد الوقاحة راهم فيها ماعندي مانقولك يضحكو على الناس ويخرجو الدعايات والاكاديب حشى القليل درت صديقة وحدة برك .وحد النهار تجرا هدر معيا زميل بطريقة اخجلتني جدا قدام الخدامة لكن تغششت وحكمتو وحدو و اعطيتو درس لن ينساه لدرجة انو قالي جامي هدرت معيا وحد هك وخجل بزاف وطلب مني السماح واصبح يحترمني وزميل اخر اعجب باخلاقي وتربيتي واراد خطبتي لكني رفضت رغم اصراره لانو قاعد كيفهم.
انا كنت محتاجة خبرة في العمل تحملت شويا وبدلت المنصب وليت نخدم وحدي واش نقولك رحمة ربي والان الحمد لله انا خرجت خلاص من هديك البلاصة.
نصيحتي اقعدي باخلاقك وتربيتك وماتمشيلهومش في الخط هوما يربحو الدنوب وانتي اقعدي اربحي الحسنات بالاستغفار والدكر عسى ربي يرزقك عمل احسن من هدا وبقيا في نفس الوقت تحوسي على خدمة احسن وبالتوفيق.

ام مهدي 03 · 2014-10-13, 21:35

ربى يفرج عليك بعمل احسن من هذا
اصبرى حتى تخلص الكونترا وتتهناى

sarahsalma · 2014-10-13, 21:58

اقتباس:

المشاركة الأصلية كتبت بواسطة ام مهدي 03

ربى يفرج عليك بعمل احسن من هذا
اصبرى حتى تخلص الكونترا وتتهناى

ان شاء الله ام مهدي ان شاء الله ربي يفرج عليا وعليك ويحفضك ويسترك والله غير راكم صبرتوني بكلامكم هذا وكل مانكون نخدم ونتقلق منهم نتفكركم ربي يحفضكم ان شاء الله

optimism · 2014-10-13, 22:05

لسلام عليكم
نعتذر منك ,,,,,,,,الله غالب ,,,,,,جاوبناك بمنظور تجاربنا ,,,,,,مهم انت ادرى
في الاخير ,,,,,,,ربي يفرج عليك ويهنيك ويبعد عليك كل سوء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري