جربوه اقتصادي وغني بالخضر

[fatiha07]

السلام عليكم ورحمة الله وبركاته

اليوم حضرت هذا الطبق للغذاء __راني موالفة نديرها ويجي بنين __ وحبيت ان اشاركم بيه عله يعجبكم ويغلق ليكم باب التخمام كي تحصل ههه



https://im77.gulfup.com/EmB9rD.jpg



https://im65.gulfup.com/BLPk0a.jpg


انواع الخضر اللي عندك (( بطاطا && قرعة &&دنجال&& فصين او ثلاثة ثوم جزرة &&)) تقطعيم مكعبات وتبليهم بشوية ملح _ حرور _ سكينجبير _ كمون ( ماشي بزاف)) قرصة قرفة وتفوريهم

في المقلاة ديري شوية زيت و لحم الدجاج مع شوية ملح وحرور وسكينجبير وزعفران ((( ماتكثريش بزاف لخاطرش الخضر راهي متبلة ايضا ))) وبصلة متوسطة مرابية يتشحروا ثم حبة طماطم مرحية ثم حبتين فلفل اخضر حلو مقطعة مكعبات صغار وتطيبهم على نار هادية مع التحراك من حين لاخر حتى يستوي اللحم

تفتي اللحم وتخلطي الخضر مع خليط المقلة وتضيفين اليه خمس حبات بيض ((( كل اخت والمقدار اللي حضراته)) واللي تحب نكهة المعدنوس او القصبر تضيف شويه مفروم تدهني المول انتاعك بشوية زبدة اوزيت وتفرغيه بالاضافة الى الفرماج مرابي فوقه __ انا كان عندي انتاع الطلي درت قطع وزعتها __والى الفرن


اما هذه صورة للطبق في مرة من المرات

وبالصحة على قلبكن حنوناتي
اتمنى يعجبكن

انا انتظر ردودكن