حرام عليه و الا لا

[مشكلتي]

السلام عليكم
باختصار حابة منكم 1- الدعاء 2- للرجال خاصة اتقوا الله في بنات الناس
كاي فتاة تقدملي شخص ظاهريا مليح خطب و درنا عقد شرعي -فاتحة - اتفقنا على كلشي حتى طلبت انا اني نحبس خدمتي بعد العرس و تفاهمنا قبل عرسي بشهر و بقمة فرحي و انا نحضر لعرسي و كنا متفاهمين نشريو خاتم العقد - لا ليونس - نلقاه ارسل مع اهلي انو انسحب و بطل حسبتها مزحة مي ...........
طلقني بعد اسبوعين - بحكم عقد شرعي -

تلغى العرس و احتار الناس الكل و سؤال الناس وقتها علاه بطل منها خلالي الف جرح
بكيت دم حتى قريب عميت و وقفت على رجل بفضل الله
رجع الطلب السماح و اكتشفت انو السبب - امرأة أخرى -....

انا اليوم بعد مرور 3 سنوات على القصة الناس الكل نسات لي اعتذر و طلب السماح و ما نساتش انو هو لي بطل مني و مازال يبحثو

اللي يتقدم يتساءل ؟؟؟

بالله عليكم انا واش ذنبي ؟؟؟
في العام الاول لي انفصلت عليه تقدملي غيرو مي كنت غير ربي سبحانه لي يعلم بجرحي و كرهت حتى سيرة الزواج

مي اليوم فتاة 34 سنة مع كل هذاك العذاب و الحمد الله تجاوزتو مازال نتساءل كيفاه نجاوب لي يسال اذا كنت مخطوبة و علاه بطلت .؟؟؟؟

و زعما عندي ذنب في الحكاية ؟؟
صح تعبت و رفضت بعدو مي رجعت حابة نعيش حابة نرتاح
اشتقت اني نبتسم و الله و الله و الله توحشت نفرح من قلبي

يا رب يا مغير الاحوال غير حالي الى افضل حال

[أناييس الربيع]

أختاه ارضاء الناس غاية لاتتدرك وارضاء الله غاية لاتترك

انتي عارفة روحك لست السبب وش همك في الناس ,المهم هو اقتناعك بالقدر لي كتبو لك ربي سبحانو

علاه راكي تمرضي في روحك عيشي حياتك ,يبقى الزواج قسمة ونصيب

الاولى أنك تتفرغي لعبادة ربي والذكر وليس تذكر الماضي الذي لايسمن ولا يغني

وان شاء الله ربي يعوضك ويرزق الزوج الصالح

[*تسنيم*]

وكيلو ربي وربي يعوضك احسن منو

[naamane3]

كان اولي بك عندما انسحب
ان تقولي قدر الله وما شاء فعل
واذا سالوك عن السبب قولي الله اعلم ولنترك الخلق للخالق
ثم تلتفتي الى حياتك و تحمدي الله
لانه انقذك قبل وقوع الفأس في الرأس
اكثري من الاستغفار لانه حل لكل معضلة

[la perle noir]

السلام عليكم
المهم لي يسقسيك على سبب الطلاق جاوبي بصراحة وكوني واثقة من نفسك أثناء الاجابة _هو لي خانك_ موش أنت ماتخافي ماوالو
ربي يرزقك الزوج الصالح عاجلا غير أجل.

[wafwaf8471]

rabi wkilo wnti id3i rabi fi salatik yorezkzk zawj salih

[knives66]

مالقيت واش نقول

رجال يكذبوا على نساء و نساء يكذبوا على رجال وهيا رايحة

ومول نية تطفر فيه

لكن ربي كبير و مدام هذا راجل مكانش فيه خير بعدوا عليك خير من تزوجتي وخانك معها

وبعدها شقاء وهم

مدام تقدملك غيروا وسأل قولي صراحة كانت في حياتوا مراة اخري وراح معها و خلاني

زمان عاد صعيب و كذب عاد داير ظلوا

ربي يسترنا أنسايه هذا هو حل لانوا لوكان تبقي هكذا تزيدي تكملي على روحك باطل

[راية الاسلام1]

السلاام عليكم
ولم الحزن ياا اخية؟؟ فهذه ليست نهااية الدنيا
هو ظلمك اليوم، وأكيد سياتي من يظلمه ( الدنيا دوارة )
احمدي الله لانه اخرجه من حياتك، تخيلي عزيزتي لو انك تزوجته وخاانك وحدث ماحدث,,,
لم يفت الاوان بعد، وانت طبعاا لا تتركي الفرصة لشخص تاافه ان يحطم حيااتك وقصوور سعاادتك
اريدك من اليوم ان تبتسمي، وان تزيلي عنك غباار الحزن والاوهاام
اعرف ان جرحك عميــق، لهذا لا تتركي دينك، وخااصة الاستغفاار والدعااء
وكوني على يقين بان الله جعل في ابتعااده عنك حكمة كبيرة ربما انت لا ترينها وسيعوضك احين منها بكثيــــر
واذا تقدم اليك اي خااطب من اليوم فصااعدا فاحكي الصدق ولا تخاافي لان ربك من فوق يسمع ويري
أتعرفين ما مشكلتك يا اختي هي انك انت لا تريدين لنفسك السعااادة، ثقي بربك ولو قليلا ثقي في حكمته وفي قدره، سترين كيف يجعل من حيااتك نعيمااا
موفقة حبيبتي وكما قلت لك لا اريدك ان تحزني مجددا، ابحثي عن عمل، مارسي الريااضة، اطبخي ولا تدعي لعقلك فرصة ليفكر فيما مضى
ولا تنسي: "ولسوف يعطيك ربك فترضى" تامليها جيدا ولو لاول مرة
بوووركت

[~~ نَــدَى الــرَّيــحَ ـــــآن ~~]

اختي انا مريت بنفس تجربتك تقريبا و بطلو عليا ظلما و عدوانا و حسبنا الله و نعم الوكيل
و تقدملي بزاف ناس و ما كنتش نقبل بيهم لسبب واحد و هو انهم كامل كانو يسقسو على سبب التبطال
حتان ربي كتب و جاني خطيبي الحالي و اللي لغاية اليوم ما حبش يسقسي

و حتى لما اهلي جاو يحكيولو من باب انو لازم يعرف قاللهم انا مش مهتم نعرف و كي نحب نعرف نسمع منها مش منكم

خلاصة القول ربي مزال مكتبش برك و نهار لي يكتب المكتوب راه يجي وحدو و مغمض عينيه هادي وحدة
و الزاوجة انا في نظري الراجل لي حابك مايسقسيش على الماضي لانو المفروض ما يهموش

فكك من هدرة الناس لانو ما ينفعوكش شدي في ربي ابكيلو و اشكيلو وحدو لانو سبحانو وحدو لي قادر على كل شئ

ربي يسهللك امورك اختي

[khawla MI]

اختي ما تعقديش الأمور و ادوريها في راسك كثر مما تستحق ، قوليلي وينها خير كيما قالت الأخت لي قبلي ؟ انو طلقك قبل العرس و لا بعدو؟ ، الحمدلله الزواج مكتوب من عند ربي ، و الحمدلله لي بعدو عليك قبل ما تطفر فيك حنونتي و الناس في كل الحالات ما يرحموش ربي يصلحهم و يهديهم ،و تفكري لي هادي الحياة اهم من قصة مأساوية عشناها و اهم من هدرة الناس الفارغة و لي لازم نحمدو ربي و نرضاو بالمكتوب خيرو و شرو.... ،

كاين بنات نعرفهم ردوهم بعد اسبوعين زواج و بلا ما يحدث حتى مشكل بيناتهم غير ب ضحكة حتى عشاو مطالقين ، و تعداو الأزمة و رضاو بمكتوب ربي و والله غير ربي رزقهم بمن هو احسن و الحمدلله ، و متأكدة لي راح يجيك الانسان لي ترضاي بيه و تتفكري كلامي

ربي يزين سعدك ان شاء الله اختي و يلاقيك بمن هو خيييييييييييير منو.

[أم شروفة]

كاين مثل عندنا وهو اللي طلقني صغيرة جمل عليا أي وأنا صغيرة طلاقي لن يدمرني بل بالعكس خاوتو في السوق والعالم مليئ بالرجال.وخصوصا هذا أنتي لم تتزوجي أي لازلت بنت .المشكل اللي تجيب 4 أو5 اطفال ويطلقها هذاك حرام عليه . عموما .ألف واحد يتمناك فقط قولي نعم للسعادة .نعم لأتغير.وربي يجيبلك ولد الحلال اللي معاه تنساي كل ما فات

[7anine 87]

بالتاكيد حراااام عليه ووكيلو ربي سبحانو اما انتى يااختى ياسر لبطلو وكملو حياتهم عادى ليجي يخطب قال ماكتبش المكتوب وخلاص وعلاه لازم سي في ماعندهم مادخلهم واش صرا وليحاب يسقسي ويتحرى يتحرى قبل لا يدقدق الباب ويقلق الناس حبيبتى انا كانت عندى وحدة صاحبتى صرالها كيما انتى مى هى لبطلت عليه المهم كى جاو خطابة جدد وحابو يسفسرو صحبتى تالمون واثقة من روحا قالتهم هاو وين يسكنو مالولين راجلى السابق روحو وسقسيوهم وبالفعل راحولهم ومواليه ظهرو ناس ملاح قالولهم اديو مغمضين ولدنا هو ليمايسواش اختى ربي يفرج عليك ويعوضك من خيرو شدى فيه وعمرك ولا تندمى

[مـــاهـــر]

ربي يجيبلك الخييييير
منعرف بلاك ربي شاف فيها خييييييير
ويجيييييك احسن منوووووو..

[نورسين.داية]

السلام عليكم

و لما لا تنظرين للموضوع أن هذا الإنسان ليس خيرا لكي و الله عز وجل قدر لكي أفضل منه ؟

لا تقنطي من رحمة الله عز وجل أختي فنحن لا نعلم الغيب و دائما الخيرة فيما أختاره الله عز وجل لنا
وفقكي الله أختي

[الجنة الجنة]

باش تطلعلك المعنويات شوفي قصة الاخت صفاء في هذا المنتدى تنساي همك ربي يرزقك ويرقنا بالازواج الصالحة
اليوم الجمعة الدعاء فيه مستجاب والايام هاذي مباركة فاكثري فيها من الدعاء