مش عاجبها الحال

[كاميلا]

السلام عليكم بعدء موضوعي بخصوص تاجيل عرسي الى اواخر الربيع القادم بعد انتظاري له ل 3 سنوات والسبب لاهو وفاة ولا شي هو سفر خالة زوجس وتمسك ام زوجي بضرورة حضورها وهادي لحكاية تساهلنا فيها من قبل بدءا من الشوفة الى الخطبة الرسمية وقات يا ربي ومتتكررش ودرت الظن الحسن لكن لا حياة لمن تنادي
كنت متاملة ينتهي المشكل وديا بدون معرفة ابي واخي اخي لما قالت له امي ثارت ثائرته وتكلم معاهم وشيخي حسم الامر مع عجوزتي التي لم يعجبها الامر وعند تكلمها مع امي تكلمت بطريقة غير لائقة وهدرت هدرة مش مليحة على زوجي وقالت نا راني كي الخضرة فوق العشا مع العلم انه اختها المصون تقدر في اي وقت تقطع تذكرة للجزاير وتاجي ظروفها المادية جيدة اللهم لا حسد

المهم اخي والحمد لله فرالي المشكل لكن معجبتنيش الهدرة تعها على ولدها اللي هو زوجي امي وصاتني قاتلي ردي بالك تقوليلوا واش هي هدرت لانه شر كبير رح يوقع وفتنة

الان بعد كل هذه الاحداث بديت نخاف من حماتي وفي نفس الوقت ضميري يأنبني لانه مداروش رايها بصح راه تفاهم مع والديا العرس قريب وحددنا الشهر ومن بعد تجي امه لوخالته تبدل الموعدمس الزفاف
يعني هل انا مخطئة يا ناس في تمسكي بالموعد راني دخلت في العام الرابع مزلت مقفلتوش كي نولي في الربيع هكداك تولي الخامس


وابي كي سمع ثارت ثائرته قال يا عرس يا مكانش بزاف
ا