انصحوني لا كنت غالطة

[مشكلتي]

السلام عليكم ورحمة الله وبركاته
غادي نحكيلكم قصتي بالتفصيل واسمعوها حتى النهاية وقولولي رايكم
وحد النهار تلاقيت بواحد كان يدرس معايا وقالي خويا راه حاب يتزوج لا تحبي نجو للدار علما انو اخطب شحال من وحدة وربي ما كتبش أنا بالأول كنت مترددة في الرد على خاطرش خدمته ما كنت مقتنعة بيها بصح من بعد قلت ما نبلعش الباب بالاول امالة مين عاوت تلاقيت بيه قلتله قول لهم يجو للدار وكلشي بالمكتوب ،جات امه للدار وكانت نهار الاول في غاية الوداعة وقالتي ولدي قال لي زوجيني من دا شحال بصح جيبيهالي خدامة عما انه خدام عند روحك وخلصته قليلة انا تمة تشوكيت بصح قلت ماعليش قاع راهم يحبو يتزوجو الخدامات باش يتعاونووالمهم يكون خدام ومدين ومتخلق وزادت قالت :وانا مارحتش خطبتله قاع وهاذا هو الباب الاول الي جيتله ؟ وفي الزيارة الثانية جات مع ولدها الي حاب يتزوج وشافني وشفته وتم القبول ***وحد النهار خوه اتصل بيا خاطرش داخلها عليا ونعرفه من زمان ،وقال لي راهم حابين يجو يكملوا ويفتحوا هاذ السمانة وغادي نتفاهمو على الشروط في التلفون قلت له نورمالمو تجو للدار ونتفاهموا وهاذو الصوالح ما ينقضاوش في التلفون تخيلوا ياخاوتي هو اتصل بيا بالسبت وبغاو كملو ويفتحو نهار الثلاثة بغاو كلشي بالخف،امالة مين قلت له هاكا جات امه مع بناتها للدار باه نتفاهموا على الشروط ويشوفوني****وفي هذه الزيارة امه من خلال كلامها بانت عند روحها وشاقالت تاني:شحال من باب رحناله بصح ربي ماكتبش؟؟؟؟وبغات دخل دا في دا باش نتنازلوا على بعض الامور خاصة المادية كيما يقولوا بغات تحشيهالنا والحاجة الزاوجة الي نارفتني مين اخته قالت لي شاديري؟تخدمي ؟كي سموك؟في رايكم انتوما زعما ماعلابالهاش بلي نخدم؟في الشروط قالت نديرولها نص الذهب والباقي مور العرس مين يكون عنده ***ماما قالت لهم لا ديرولها مهرها كيما قاع الناس وديجا الذهب راه طايح****وهذا من حقي***وبعد هذي الزيارة اتصل بيا باه نتعرفوا على بعضنا بعض ونتوالفوا شوية وحد المرة قعد سمانة مااتصلش بيا رسلتله ميساج وقلتله هاذي غيبة غير الخير قالي راكي دايما في بالي بصح ضرووووووووووووووف غدوة نتصل بيك***وغدوة مين تكلم معايا ماقاليش على الضروف الي كان يتحدث عليها الي منعاته يتصل ولا يخسر عليا غي ميساج ومين كنا نتحدثو بابا شافني نتكلم حشمت وقلت له غادي نقطع بابا جا *****ومن داك النهار ما اتصلش بيا ولا عاودوا اماليه ولوا؟؟؟؟؟راهي في شهر رغم انهم بالاول كانوا مقلقين خافوني لا نهرب خاطرش مين جات امه نهار الاول قالت لماما ولدي قال لي نروحو نحطو يدينا قبل ما يدوها خافو لا تضيع الخدامة من بين أيديهم

[madamada]

الباب لجيك منه الريح سد و استريح............................................ .........

[meriem mimi46]

هادا من نهار الاول راها تبان نيته انا نقولك ماتقلقيش على روحك

[○•ميسون•○]

المشاركة الأصلية كتبت بواسطة madamada

الباب لجيك منه الريح سد و استريح............................................ .........

صحيح

كما قال الأخ

أخطيك من هاذ الخطابة يبغو الدراهم ما يبغوكش انتي

و ربي يجيبلك ما فيه خير

[sara 97]

ببساطه صلي الاستخاره 3 مرات وتوكلي على الله

[ايمان نور الجزائر]

الاستخارة يا ختي مرارا وتكرارا
وتاني اذا نفسك غير مرتاحة ليهم وللشاب علاش تفورضي في روحك
ماشي بالسيف
الواحد يتبع عقلو وقلبو في وقت واحد ويدير الحاجة لي تريحو
ماشي يبقى يطمع النفس حتى تتطفر

[~~نهال~~]

كي تشوفيهم بداو باللف و الدوران كيما يقول المصري مالا اخطايك
كيعاد ديما هكا يجيو بالظرافة مبعد يبداو يبانو شيئا فشيئا و انا صراحة نكره غير انسان يقول ظروف و اليوم موالي يتكلم كأنو ماكان والو
على العموم اتشاوري مع اهلك
رغم انو كي يبداو بالغموض هذا ممكن امر سلبي بالنسبة ليك
و اذا كتب ربي و تزوجتيه
مالك ماتمديهولوش كامل حذاري
دائما ادفني احتياطك

[~~نهال~~]

كي تشوفيهم بداو باللف و الدوران كيما يقول المصري مالا اخطايك
كيعاد ديما هكا يجيو بالظرافة مبعد يبداو يبانو شيئا فشيئا و انا صراحة نكره غير انسان يقول ظروف و اليوم موالي يتكلم كأنو ماكان والو
على العموم اتشاوري مع اهلك
رغم انو كي يبداو بالغموض هذا ممكن امر سلبي بالنسبة ليك
و اذا كتب ربي و تزوجتيه
مالك ماتمديهولوش كامل حذاري
دائما ادفني احتياطك

[ZAHO FLOWER]

السلام أنا من جيهتي هذا الراجل لو كان جا يبغيك ما تهميهش تخدمي ولا قاعدة في الدار
و في قضية الذهب و المهر ففي قوله صلى الله عليه و سلم أقلهن مهرا أكثرهن بركة
أما في موضوع الإتصال فالغائب عذره معه مع إحترامي لرأيك

[layansandi]

المشاركة الأصلية كتبت بواسطة sara 97

ببساطه صلي الاستخاره 3 مرات وتوكلي على الله

الاستخارة مرة واحدة

[ام رشدى]

علي حساب هدرتك هدو من الاول جاو باش يخطبوك باش تصرفي عليهم كامل ماشي غير هو وانا في رايي غير اخطيك الراجل مهما يكون ماعندوش جامي يطيح بروحو ويقول الضروف ياخي الدراهم يجيبوهم الرجالا ماشي العكس

[بشرى1991]

بالتوفيق لك اختي

[Assouma 93]

هذا ماهوش حاب يتزوج راه طامع في دراهمك لالا و يزيد يديرلك غير نص الذهب كيفاش هاذي يتمزخر ولا واش الصراحة و كان انا في بلاصتك منقبلش بيه خلاص و انت حرة حبيبة و ربي معاك ان شاء الله

[رجوت عفوك]

في راي هذا الراجل اللي يشرط مرتو تكون خدامة غير اخطيك منو .. اقعدي فدار باباك اكرملك .. خص غير يقولولك شحال تمديلو صداق

...ياخي وقت لحقنا ليه ففف.

.

[رجوت عفوك]

في راي هذا الراجل اللي يشرط مرتو تكون خدامة غير اخطيك منو .. اقعدي فدار باباك اكرملك .. خص غير يقولولك شحال تمديلو صداق

...ياخي وقت لحقنا ليه ففف.

.