قـسوة الأولـياء الـى مـتى ؟؟؟

[* الحلم سكر *]

الـسلام عليـكـم جمـيـعا
هــذه الـمرة أرغـمني الـموضوع على الكـتابة .. قـد يبـدو مألـوفا و قد لا يبـدو غريـبا و لكن المنـر لا يفـارقـني من يـوم الاربـعاء الى يـومنا هذا بل الى هاته اللحظة التي اكتب فيها
و ساكتب ما حدث باللهجة و بالحوار كما وقع اليكم ....
تقي تلميذ خجول , اكثر من مـؤدب يجـتهد و يتـعب و يتـعب و لكن للاسف تحصل على مـعدل 9.95 و بشهادة الجميع هو غير مقصر لكن هذا مستواه فعلا
جات امه صباح الاربعاء و سألتني شحال معدل تقي و قاتلي بالحرف ** والدو محلفني قالي روحي شوفي معدلو و اذا اقل من 10 و الله ما يزيد يروح المتوسطة و شوفي وين يــبات ما نسـحـقوش **
الصراحة تخلعت و ذهلت و كاد الكلام يروحلي وليـدها نعمة صح الله غالب مستواه فعلا محدود لكن الطفل فعلا نعمة
قلتلها ** يا مدام وليدك ماهوش مقصر و ما هوش باخل روحه و حتى اذا جاب 9 ان شاء الله راح يتدارك الثلاثي الاخير و ينجح و حاولت نفهمها **
نشوف في دمعة الام مسكيـنة سبـقتـها قاتلي ** و الله يروح للدار يدير واجباتو و الله وليدي مسكين يبـات يحفظ و الله تعب نتاع الصح **
طلبت منها تبعث الوالد و احنا نحكو معاه قاتلي ماراحش يجي

في المـساء جا تقي قلت الحمد الله والدو ما منعوش من الدراسة
تقي كالعادة ساكت و عينو في الارض لكن هاذي المرة ساعة نستنى فرصة نحكي معاه
سالتو ** تقي والدك سمع بمعدلك ؟ ** رد علـيا بالــدموع حسيت روحي حابة نبكي معاه الطفل كانت دموعه حارة تحسها بحرقة
قال جملة واحدة قالي ** سمع و ضربني ** هبط راسو في الارض اضـطريت نقـلو ** هذا تصـرف من والدك راه من خـوفو عليك ماشي كره انما يحبك و حاب تنجح و راه خايف عليك **هو يقلي براسو صح و انا نحكي يفمي و في قلبي نقول ** حرام عليه **

الام جات بالخميس ادات كشف النقاط قاتلي ** باباه غلق عليه في الغرفة انا نصرخ و جداه و جدو و باباه والو دار رايو و ضربو ؟؟؟ **

و الله يا اخـوة هذا الطفل نعمة
مي هذا الوالد صورة لاولياء شكيـتهم انقـرضوا و للاسف مازالوا ؟؟؟

المشكل اذا وليـدكم مسـواه محـدود نقـتلوه ؟ نتـبرو منـو ؟؟ هل كل الناس لازم يـكونو علـماء ؟
و حتى اذا فشل في الدراسة رغما عنه هل نشجـعوه على طموحات اخرى و الا نقولولو خلاص حياتك فضت

و العقاب بهذا العنف الى متى ؟؟؟

جـــهل و قــسوة و ضــمير ميت

انا درك نقـدر نقول خجل تقي المبالغ فيه سسـببه والـد لا يدرك قيمة وليــدو
انا اليوم اكتشفت انو تـقي محـتاج يتـحرر من عقـدة الـخوف حتى يقدر يقـرا صح

كثــــرت الكـــلام لكن هذا اللي حاســـاتو حالــيا
أفــكار مـــشوشــة
احـــساس بالــقــهر
غـــصــة راح تحـرقني قبل تـقي

و الاكثر الى متى ظلم الاطفال

قلت طفل مع انو مراهق لانو فعلا ببــراءة الاطفال

الكل يحكي انهايار الاخلاق لدى اطفالنا و شبابنا
اليوم هاو ليكم نموذج عكسي

اليكم الكلام فقد تحدثت كثيرا و سأختار الصمت

قبلها
ارجو من كل من يقرأ ما كتبت ادعو ل - تقي بالنجاح و التوفيق

ســــلام اخــوتي