بخصوص باك احرار 2014

[hamssa99]

خاوتي انا هاد العام رح نعاود باك احرار مع اني اديتو العام الفات بتقدير جيد و لكني محتارة انا راني نقرى ف الجامعة و حابة تفيدوني ادا نبلوكي احسن مع اني هاد الفكرة مقلقتني و الا نقرا للباك و الجامعة و ف هاد الحالة ادا جاتني الكنترول ف الجامعه و الباك ف نفس الوقت نقدر ناخد مبرر و الا لالا
و كاين لي قلي بلي تصحيح باك احرار مزير ياسر و يهلكو فيه يعني ميصلحوش مليح على هديك الناس اللي تعاود ميدوش يا ترى صحيح

[khalfaoui]

أنا نقرى رياضيات و اعلام آلي عندنا لي كونترول بعد العطلة ......و راني حاير بين نبلوكي و لا نكمل .....................الباك راني مزلت ما بديتش ...........كشما نصائح و كيفاه راكي تقراي ؟ ..برنامج

[الجميلة انا]

صحيح مشكل وقعنا فيه كامل بين نبلوكي او نكمل و انا نقلك على حسب امكانياتك لكن رايي المتواضع انك تكمل خاصة انك على مقربة من الكنترول اخدم مليح ف الكنترول باش تضمن معدل مليح باش الفصل2 حتى كان متديش المعدل مليح تنجح هاد في حالة ما ادا psk واحد معلبلهوش واش رح يصرا
اما بالنسبة للباك و لانك مبديتش لدرك رح يكون مليح كان تقرا دروس خصوصية و تحضر دروس الدعم ف الثانوية و من الان
و متنساش تاني المواد الادبية يلي لازم على الاقل كل مرة تحفظ حاجة
بالمختصر مين تكمل الكنترول ابدا مباشرة بالتحضير للباك دون استهزاء باي مادة

[hamssa99]

برنامجي هو انو بديت من الدخول المدرسي نقرا غير ف المواد العلمية لكن هاد العطلة انشاء الله رح نخصصها غير للمواد الادبية و دروسي الجامعية حتى نوجد روحي للكنترول

[إسْتَدِلْ ثمّ اعْتَقِدْ]

السلام عليكم ورحمة الله وبركاته
انا ارى انو تبلوكي العام وتتفرغي للتحضير الجيد للباكالوريا احسن لانو انا ايضا قريت فالجامعة لفترة لكن مقدرتش نوفق للاسف كل اسبوع كنترول ويلزم تريفيزي كل يوم واش درتو لن يكون هناك وقت للتحضير للباكالوريا ابدا خصوصا ان الامتحانات نتاع الباك والجامعة مع بعض والله اعلم على كل حال بالتوفيق