السلام عليكم
ضاقت بي الدنيا ولم اجد الحل الا ان اشكو لكم ما يحدث ببيتنا على اجد عندكم الحل الشافي والمرضي للجميع
انا يا ناس عندي اختي الصغيرة وهي اخر العنقود كيما يقولو في عمرها 18 سنة لكن الاغمال التي قامت بها مؤخرا يجعلنا نضن انا اكبر من سنها بكثير
حيث انها ومنذ كانت في الرابعة متوسط بدات تنحرف واول عمل قامت به هي سرقة النقود من البيت فابي ربي يحفضو يعمل سائق طاكسي اي اننا عاءلة على قد حالنا وكل ما يجنيه من عمله اليومي يصرفه علينا وجامي ما قصر علينا ولو باي شيء فكل احلامنا اوامر بالنسبة له فقد كان لا يستخسر فينا اي شيىء يا اخوتي ويخبرنا حتى باماكان وضعه لنقوده الزائدة عن حاجة العائلة الا ان اختي بدات بالسرقة حيث تاخذ كل مرة 20 الف او 50 الف او 100 الف حسب الحاجة وهي تضن اننا لا نعرف بامرها لكن الله يعلم وشاء ان يكشفها وعاقبها والدي وامي بالجلد بالتيو تاع النيلو ولا ازال اذكر صرخاتها واثار الضرب على يديها وفخضيها لكن لا حياة لمن تنادي فقد بقيت كما هي وفي عاداتها السيئة!!!!!!
وبعد مدة من الزمن اكتشفنا انها تكذب عليا وتخبا شيئا ما فقد ذهبت مع امي لعند البيجوتري وتركتها هناك وقالت لها انها راجعة للبيت بحجة ان لديها مسلسلا سوف يبدا وهي متبعاتو لازم تتفرجو ولما رجعت امي للبيت لم تجدها فغضبت منها ولما اتت للبيت سالتها اين كانت فقالت لها ان سيارة ضربتها ةالساقة امرة واخذتها للسنتر وجابت شويا من قطعة الشاش في يدها لتاكد صحة كلامها لن امي لم تطمئن لكلامها حيث يضهر انه كذبة لفقتها فاخذتها للسونتر وقالت لها اين الطبيبة اللي داواتك فقابلت طبيبة تعمل هناك واصرت على انها هي والطبيبة تنكر ذالك وجاء الشاف سارفيس واخبر امي ان النساء لا تعملن في النهار ولدينا طبيبة واحدة امراة ولم تاتي بعد فاصابت امي صدمت عضيمة لظرا للكذبة الفضيعة التي كذبتها وجاءت للبيت وسالتها اين كانت وهي تحلف لها انها على علاقة مع شاب ولو حلفت هي بغير ذالك الف مرة وبالفعل فقد امرتنا بتفتيش اعراضها فوجدنا انها تخبء مفكرة مسكرتها بمفتاحها والمفتاح معها فطلبت منها امي فتحا ولم تشأ لكن امي اصرت واستمرت في ضربها ففتحتها واخرجت منها ورقة مكتوبة وابتلعتها تخيلو نعم ابتلعت الورقة حتى لا نقرا ما فيها ومن قوة الصدمة اخذت تضربها بكل قوتها وتبكي ولم تحس الا والدم يسيل من راس اختي فقد ضربتها بشيء من الحديد على راسها فتوقفت واخذت تبكي وتبكي ثم اغمي عليها وتعوج فمها خاطر هبطتلها لاتونسيو تاعها وهزيناها للسبيطار!!!! اما اختي فقد مسحنا لها الدم الذي يسيل من راسها وغسلنا لها شعرها ودرنالها الزيت حتى يتوقف الدم في الغد داتها اختي للسبيطار خيطولها راسها بربع مساسك.
اما امي فقد حمدنا الله انه لم يحدث لها شيء وعادت للبيت واخذت قرار بعدم تكلمها مع اختي الصغيرة مرة اخرى وعدم تركها تغادر البيت وتبطالها على الدراسة لكن بمجهوداتنا نحن رجعت للدراسة مرة اخرى ولكنها لم تتعض بما حدث لامي فواصلة مخالطة البنات الخامجات اللي يديرو المكياج واللي ميقراوش واللي يخرجو مع الذراري واللي واللي واللي
فبقيت على حالها فقد استمرت بسرقة النقود وهاد المرة مش لبابا ولا لماما لكن لي انا مع ان راتبي ليس بالكثير لكن كل ما تلقى صرف في بوت موني تاعي تسرقو وكل يوم كانت دير في الغلطات حيث خرجت من حصة السبور ولم تبقى في القسم فضربها ابي ربا مبرحا لكن هيهات لا حياة لمن تنادي كذلك خرجت من الاختبار واللي كان رياضيات مدة ساعة ونصف ولم تعد للبيت حتى اذن المغرب مع المفروض ترجع على ال3.30 وابي يبحث عنها وامي يبست في بلاصتها من القلقة تاعها واحنا غير الافكار اللي مش مليحة بلاك راهي مع صاحبها اللي تقول معنديش بلاك خطفوها بالاك بلاك وهي لاخبر المهم لما رجعت وسالناها قالت رحت نقرا عند صاحبتي فضربها ابي ضربا مبرحا لانها لم تخبرنا بمكانها وذهبت مع البنات مع انني انا اللي نقريها جميع المواد خير من الاستاذ يعني مش محتاجة تروح معاهم وحنا طبعا مصدقناهاش فذهب ابي لبيت تلك الفتاة وسالها ووجدها محقة فقد كانت معها طوال المساء
موراها بيوم واحد لقيت انا شارجور سامسونج في لابريز مخبيا في المكان اللي نرقد فيه انا فقلت لامي وابي وسالناها منين جاء فانكرت انه لها ثم كي حطيناها امام الامر الواقع قالت تاع طفلة تقرا معايا عطاتولي نسيهلها المهم حنا اكل متاكدين بلي تكذب لانها عودتنا على كذبها فضربها ابي لانها جابتو ولانها خباتو علينا وماما مسكينة ملقاتش راسها قالت اكيد دايرة صاحب واريلها تلفون دايراتو بالتخبية علينا وعاودت هبطتلها لاتونسيو وتعوجت خلاص لمزية كان بابا معانا هزها للسبيطار وكي بقيت نضرب فيها انا ونقولها كون تصير حاجة لماما نقتلك انت قاتلي صح راني نمشي مع واحد واسمو "ف" معلاباليش قداش عمرو عرفتو في سبتمبر في دخلت لقرايا وقالي راني رايح نخطبك العام الجاي كي تجيبي الباك وكي قلتلها على الشارجور كانت مصرة باللي تاع صحبتها وبعد مرور ساعتين جاب ماما بابا من السبيطار والحمد لله سلامات رقدتها والصباح كي ناضت قلتلها واش قاتلي ختي وجيت نخدم بعد ما جبت نيميرو التلفون تاع صحبها باش نهدر معاه ونفهم مو البورتابل وين راه ونشوف واش يحتاج منها ولاه راه يعمرلها في راسها
جيت نخدم وكانتش عندي فرصة باش نعيطلو حشمت من الخدامين اللي معايا كي روحت للدار في الغدا لقيت ماما مسكرة البابا تاع الدخلة على اختي وخليتها في السكاليات دخلت انا ودخلت هي كي قلت لماما روحي سقسي على دار الطفلة اللي قالتك عليها واديلها شارجورها قالت ماهوش تاعها لقيتو برا وجبتو وقلتلكم تاع الطفلة باش متقولوليش راكي تكذبي كيفاش تلقاي شارجور جديد مربوط بالخيط تاعو يبان هادا وين تشرا
اسمحولي طولت عليكم بزاف لكن الاريد منكم طريقة للتعامل مع اختي كيفا نديرو معاها؟؟
( تقرير عن مشاركة سيئة )، و الموجودة أسفل كل مشاركة .
2013-12-14, 14:49
مشكلتي مع اختي
العرض العادي
