مشكلة تؤرقني

[مشكلتي]

السلام عليكم أخوتي
مشكلتي التي تؤرقني هي السياقة نعم لربما بالنسبة لكم هي مشكله تافهة لكن بالنسبة لي عويصة وتتعبني
املك رخصة سياقة ومن بعدها ما سقتش خلاص لانو ما كانش عندي سيارة وبقات رخصة السياقة مثلها مثل اي وثيقة تعريف
انا الان أملك سيارة ولكن أملك خوف رهيييييييييييييييييييييب من سياقتها خصوصا مع الازدحام وعدم احترام الكود والاولوية وكل شي ...سيارتي من 04 أشهر ساكنة في القاراج ونخلص عليها لاني نسكن عمارة
دخلت مدرسة سياقة من أجل ساعات الاحتراف لكن دون جدوى بما انه المعلم يسوق معاك وردة الفعل عند الخطر هو اللي يقوم بها يعني كانني ما نيش نتعلم
درت 06 ساعات بثمن غالي ومازال خلاص ماراحليش الخوف ولم أملك ثقة بالنفس لحد الساعة
ما عنديش شكون يعلمني من غير اوتو ايكول وهو ما مدليش فايدة كبيرة وراني نصرف عليه بزااف
كيفاش ندير باش نكسب الثقة في نفسي؟ كيفاش نرجع نسوق وحدي
كيفاش نتخلص من الخوف ارجوكم يا لبنات المبتدئات انصحوني لانه لظروف خاصة جدا ضرووووري نسوق ولوحدي يعني مش زواخة لكن ضرورة حتمية وهده المشكلة تسببلس اكتئاب في عدة مرات
افيدوني بتجاربكم ونصاءحكم والطرق الصحيحة لنتيجة مليحة

[hayet04]

lazmak tsougi bech tatnahalk lkhal3a tkhafi mara w tkhafi zawja w tatnahalk bchwi

[الفاتحة]

أختي أنصحك بالسياقة في وقت مبكر من الصباح حيث لا يكون هناك الكثير من السيارات لكن طبعا ليس وحدك ثم تدريجيا بعد التعود ابدئي بالسياقة في الازدحام لكن بسرعة منخفضة

[yousra14]

السلام عليكم
كلّنا مررنا بما مررت به هذا الخوف عادي جدا .
المهم عليك بعد التّعلم الجيّد أن تبدئي بذكر الله عند السّياقة حتى يحفظك الله ثمّ بعدم التسرّع فقط في 20 خاصة في الازدحام حتى تتعوّدي ولا تنسي الغمّازات هذا مهم جد لك وللآخرين ورب يحفظك

[أم احمد3]

لا الناس كامل تتعلم في منطقة ليس فيها سيارات خاصة وانها مملكك الموضوع بدون شخص اخر لن يفيدك خاصة اما الخوف

لازم منطقة تكوني مرا=تاحة فيها اي خالية وان لم تكن معبدة

وواحد يعلمك تحريكها وبعدها سيكون سهل جدا الدخول للطريق ابني را في ستة عشر تعلم واليوم يسوق عادي

الخوف هذاك يسبب لك مشاكل لذا تريثي قبل الوقوع فيها الهدوء ثم الهدوء وبعدها ياتي الاطمئنان لوحده


وشكراا

[aissam .3820]

المشاركة الأصلية كتبت بواسطة الفاتحة

أختي أنصحك بالسياقة في وقت مبكر من الصباح حيث لا يكون هناك الكثير من السيارات لكن طبعا ليس وحدك ثم تدريجيا بعد التعود ابدئي بالسياقة في الازدحام لكن بسرعة منخفضة

+1.............
..

[biologie2001]

انا كدلك كان عندي الخوف من السياقة ... و لما تحصلت على رخصة السياقة بقيت 3 سنوات ماسقتش كامل و لما قررت باش نشري السيارة زدت درت ساعات اضافية لكن الصراحة المونيتور هو اللي يسوق ...و لما اشتريتها الوالد ربي يحفظه هو اللي تعب معي و كان ينهض معي باكرا على 6 صباحا و كنت نتعلم لان الطريق تكون فارغة و غير بالشوية بديت نتعلم و بدا يروحلي الخوف .. في الاول كنت نحاف نسوق وسط المدينة و ادا دخلت و وصلت للتقاطع مسكين اللي يكون مورايا على خاطر كنت نبات تم و لكن مع الوقت الحمد لله رجعت نسوق مليح و الخوف راحلي........ اخي كاين مدارس السياقة اللي تعلمك في سيارتك انت احنا هدي موجودة في جيجل

[آلاء فهد محمد]

مادامك عالاقل درتي الكوراج وقريتي وديتي بارمي منظنش عندك مشكل برك لازم تخرجي تسوقي بدايها مع واحد من اهلك يكاوراجيك وممبعد توالفي تسوقي وحدك
دعيلي ربي يعطيني كوراج ونتعلم انا من 10 سنين وحابة نتعلم السياقة بصح نخاف بزاف

[الامير-الحزين]

روحي لمكان ما فيهش حركة السير غير انت وحدك و دوري بسيارتك كيما تحبي حتى تعرفي ردت فعلك مليحة ولا مازالك خايفة جربي كل يوم حتى توالفي لانو السياقة همرها ما تتلاقا مع الخوف اذا سقتي و انت خايفة ردت فعلك راح تكون خطر عليك لانك ممكن ديري ردت فعل مضاعفة و تحدث كارثة لا قدر الله و بعيد الشر عليك اختي اتعلمي في مكان مافيهش المارة و السيارات و ان شاء الله تتنحالك الخلعة

[knives66]

عادي كلنا نعانوا من هذا المشكل في بداية هيا قضية ولف حتي انا راني مبتداء

[MEGHILA KERIA]

نعطيك نصيحة شابة اختي

بيعي السيارة واتهناي

تصرفي على الاوتو إيكول

وتصرفي على القارج باركينغ

وتصرفي على نفطال

وتصرفي على الميكانيسيان والإليكترسيان ولافاج

وتصرفي على الي علمك السوقان

وتصرفي على اللي يونسك في السيارة باش ما تخافيش

ويركبك الخوف وتصرفي على اللي رايح تدحسيه بالطونوبيل في السبيطار

تشري الدواء وتدي الفاكية وتعطي الدراهم من فوق

(نضحك برك)

بزاف عليك حنونة

واش رايك

[little smile]

المشاركة الأصلية كتبت بواسطة الفاتحة

أختي أنصحك بالسياقة في وقت مبكر من الصباح حيث لا يكون هناك الكثير من السيارات لكن طبعا ليس وحدك ثم تدريجيا بعد التعود ابدئي بالسياقة في الازدحام لكن بسرعة منخفضة

فعلاااااااااااااااااااااااااااااااا

[halla halla]

أخي أو أختي كاين un auto école في القبة (الجزائر) بزاف مليح أنا راني نتعلم عنده يخرجك للطريق و يعلمك أنا عجبني بزاف إلا حبيتي نمدلك رقم الهاتف

[optimism]

السلام عليكم
والله عندك كوراج روحت تعلمت و سقتي راكي مليحة واصلي
انا قاع مانتخيلش روحي نسوق صحباتي تاع الجامعة جابوا برمي زملاء المهنة الا انا انت راكي مليحة هذا الخوف طبيعي بعد توالفي تضحكي على هذ ه الايام

[loup blanc 34]

طريقة سهلة ومجربة ........ روحي للطرقات قليلة الحركة وسوقي فيها وبعدها ابداي بالشوي تسوقي في الطرقات اكثر قليلا من الاولى ازداحام و بعدها الى اكثر ازدحام حتى تعتادي عليها وتولي تسوقي نورمال
الخوف طبيعي الحاجة الجديدة تخوف مي لازملك ثقة في النفس