حائرة ارشدوني

[مشكلتي]

السلام عليكم



حبيت نهدر هنا بعدمالقيتش شكون يسمعلي انا فتاة بسن18 من عائلة محافظة جدا جدا بحيث انهم ماعندهمش الطفلة تقرا في الجامعة الخرجة مكانش اللا للضرورة لا صديقات تروحلهم لا اقاراب نطول عندهم في لقعاد كااخوالي واعمامي (صلة الرحم) وغيرها

انا الحمد لله مقتنعة بجل الامور لكن مايزعجني ماعندي صديقات ماني قريبة جدا من بنات اخوالي واعمامي وحيدة وهاهي السنة تكاد تنتهي فينتهي معاها خروجي الى الشارع مشكلتي اني كنت ادهب الي جدتي كنت التقي ببنات خالتي في هدا مكان نجلس مع بعض نتكلم وعندي ابنة خالي قريبة شويا على ارخين كنت نحب نحكي معها وكنت ساعات التقي باخوها هنا قصدي عند دار جدي وكانت دائما تحكيلي عليه بانه مليح معاها ومع دارهم نقلكم الصراحة عجبني من هدا اكل عاد يجيني شعور كي يدكرو اسمو او حاجة تخصه لكن كل هدا شي خليتو في قلبي ماقلت حتا لواحد عليه لواحد نهار قاتلي اختو راكي تعجيه عاقلة ومنا وراهو حاب يجي يخطبك واش تقولي سكت انا ومبعدا كي حكيتلها ليما صرختلي في وجهي وبدات تقول حنا وهوما ماشي كيفكيف هوما عندهم كل شي حلال....... وغيرها من الهدرة وقاتلي كنتي تبيني فير وحك المهم كلام يجرح وعمريمادرتو قاتلي براسك ماتقبليهش روحت قلتلها قولو لالا راني حابة نكمل قرايتي لانو هو ماشي حاب تكون زوجتو قرات في الجامعة وانا والله ليا نفس الفكرة مانيش حابة نخدم حابة نستقر في دار درت السبة بقرايتي ماعندوش شهرين ن اللي خطب وحدة جاتني يما قاتلي يخي انتيا اللي ماقبلتيهش ماشي انا قتلك قلتلها انا ماقبلتش لانك شفتك انتيا رافضة وبدات تعيط عليا قاتلي بسيف تقولي بلي انتي ماحبيتش ولا انا نكلمو ونقولو ارواح الا حبيت تخطبها قلتلها انا ماقبلتش وتهني برك
وانا في قلبي والله كنت نشوف فيه هو ومكانشواحد اخر رايحة نعيش معاه من غيرو قاتلي اختو اخر مرة بلي كان حاب يدي رايي مع اول باسك خاف لايروح ليما وترغمني عليه باسك بن اخوها وهو صرا العكس

دوكا راهو قرب عرسو قاتلي يما بسيف عليك تحضري وانا مانيش حابة جامي يما تديني لعرس اولاد اعمامي واخوالي غير هدا مانعرف علاه اسمحلولي طولتلكم بالهدرة وماعرفتش نحكيلكوم واش راهو في قلبي ارشدوني يااخوتي ربي يخليكم

[Napia]

كيما يقولو اللي فات مات

[المتيقنة بالله سارة]

ما ديريش فقلبك حنونة..........ماهوش مكتوبك كون جا ليك كون ديتيه أرمي موراك ولعرس عادي أحضري وانتي مقتنعة بقضاء الله وقدرو....وإذا مقدرتيش ماشي بالسيف تروحي....................ربي يرزقك بالزوج الصالح لي يعرف قيمتك ويصونك...........زواج هذا الشخص ليست نهاية العالم

[نارينا]

يا اختى ربي يكون في عونك الله غالب تجي بزاف فرص ملاح للعبد وتروح قدام عينيه وهو يشوف الله غالب ابتلاء من عند ربي اصبري واحتسبي نشالله على قد ما تالمت وانحرمت يرزقك ربي ومزالكي صغيرة حنونة كون تسمعي حكايات البنات اللي فوق العشرين والثلاثين تحيري وحكايات مش حكاية وحدة ربي وحكمته ندعوه يرزقنا الصبر وامك ماتلوميهاش خطرات التربية تخلي العبد يظهر قاسي ويجرح الاخرين وهو يحسب انه في مصلحتهم نشالله ربي يلين طباع عائلتك وترجعو تحتكو بالاقارب بشل طبيعي صلة الرحم من اسم الله الرحمان الرحيم

[نورسين.داية]

السلام عليكم

لكن الآن أين هو المشكل .............؟؟؟

مسألة الإرغام على الدهاب الى الزفاف ......أم زواج من تمنيتي ........أم الخلاف مع الوالدة حول الموضوع نفسه .....؟؟؟

مسألة الإرغام .....هذه مسألة عادية ...........مانروحش ...
مسألة زواجه ....عادي ماش مكتوبك ......ربي هنيه ...
مسألة الخلاف مع الوالدة ....لا تناقشي الموضوع .....يعني ضعي للموضوع نقطة النهاية و السلام .
وفقكي الله عزيزتي

[الماسة النادرة]

شوفي لوكان جاء هذا المكتوب ديالك تديه

[سهيلة1996]

ربي يكون في العون

[عطور المعاني]

اعانك الله اختي

[samara lara]

اختي ماهوش من نصيبك و ربي يبعثلك خير منو و ربي يوفقك و يعينك

[أم الحسين 24]

هادا كامل و عندك انترنيت في الدار ؟؟؟ صراحة تناقض
في كل الأحوال مازالك صغيرة يجيك لي أحسن منو ان شاء الله

[الفاتحة]

أختي مازالك صغيرة بزاف كملي قرايتك وربي يقدملك اللي فيه الخير أما العرس ما تحضريش وا تضغطيش على روحك ديري روحك في هاذاك النهار مريضة ومش قادرة تنوضي من الفراش

[الملآذ]

خليك اختي وانساي الماضي هادي هيا حال دنيا ,,,,,,,خيرها في غيرها

[الملآذ]

ربي يكون في لعون حيرها في غيرها

[الملآذ]

عفوا اقصد غيرها حبيبتي انساي لفات لحاطر الماضي يعيي

[doba]

يا اختى ربي يكون في عونك الله غالب تجي بزاف فرص ملاح للعبد وتروح قدام عينيه