لي يحب النكت الجزائرية ...يدخل

[أبو خالد سيف الدين]

واحد الراجل راح يتعشى في ريستورن, دخل أقرا الموني دوموندا دوارة ..جابهالو السيرفور وراح
الراجل بدا يقلب في الدوارة سابها معمرة بالعظام ....عيط للسيرفور وقالو
خويا أنا دومونديت دوارة
قالوا السيرفور : أييه علابالي و انا جبتلك دوارة
قالوا الراجل : لا يا حبيبي هذا قــبــر

:d:d:d

واحد الراجل شرا تيليفيزيون أونكولور أول مرة في حياتو
من الفرحة عرض صحابوا و قالهم راني مزردهالكم اليوم قاع عشاكم عندي
كي جاو للعشاء شعلهم التيليفيزيون و حطلهم العشاء الزيتون و اللبن
واحد فيهم قال لصاحبو : شفت ....!!! التيليفزيون كولور و العشاء نواريبلون


:d:d:d


واحد الراجل مدابز مع مرتو شحال من يوم, حلف ما يهدر معاها, وهي ثاني دارت النيف و قالت و الله ماني هادرة حتان يهدر هو
واحد النهار خسرلو الرافاي و خاف يغدروا الرقاد على الخدمة
كتب ورقة لمرتو وحطها ليها في بلاصتها: نوضيني على الستة و نص
ناض الصباح على العشرة و شي حاجة لقى ورقة في يدو مكتوب فيها: نوض راهي الستة و نص


:d:d:d

هاذي قصة واقعية صرات في بشار

واحد الخطرة حبوا يعاودو يبنو الجامع وقالو للناس باش يتبرعو وهاداك الجامع يصلو فيه التجار بزاف
نهار ....زوج .....سمانة.....شهر.... كي يحلوا صندوق التبرعات يلقاو غير الصرف ..ألف.. ميادورو .. العشرينات
سمع واحد المقاول كبيييير بهذه القضية وكان سكارجي صاحب قرعة, جاء للجامع و في يدو ساشي فيه 500 مليون
قال للأمام: هاك سي الطالب باش تبنوا الجامع و إيلا خصتكم أي حاجة راني هنا, واشنهو أطلب لي ربي يهديني و أنتوب
قالوا الطالب: إيلا باش تولي كيما هادو الناس أتمد بالعشرادورو ....الله لا يهديك غير ريح كيما راك

:d:d:d


إن شاء الله يعجبوكم

قولوا رايكم

[isba2007]

السلام عليكم
موضوع رائع مشكوور