طرطة بريزونتابل من عند لينا

[لينا11]

بالنسبة للكيكة المقادير كالتالي :
03بيضات
ونزيد عليهم علبة ياغورت فارغة سكر ونخلطهم مليح مليح


نزيد عليها علبة زيت ونخلط

وعلبة ياغورت درت ذوق مشماش



وكيس ونص خميرة خلطتو مع 03علب فرينة




ومغرف كبيرة كاكاو تاع ميزان (من الافضل)


وعلبة قهوة طايبة مع مغرف نسكافي ونخلطهم مليح


ونوجد بلا للفور ونديرو يطيب (حتى هنا ممكن تديري فوقها شكولا كي تطيب ولا سكر قلاص وتاكليها على اساس كيكة

نأتي للاختراع الان ممممممم

نفتتو الكيكة مليح

ونوجد قالب (شكل حسب الرغبة (
نغلفوه بفيلم اليمونتار وندير طبقة كبيرة من الكيكة ونضغط عليها مليح بيدينا مهم جدا تضغطو مليح
وفالجوانب حطيت كيوي (يمكنكم استعمال اي فاكهة تعجبكم )

مرحلة تجهيز كريمة :

ناخذو عصير الموجود عندكم لايهم انا استعملت علب نقاوس (ذوق ليمون ونعناع جاء مممممم يهبل يهبل)
نزيديو عليه نشاء نخطلهم بارد في بارد ونزيد سكر حسب رغبة ونخلطهم مليح ونحطهم على نار ونبقى نحرك حتى يوليو شكل كريمة

ونصبها على كيكة تاعنا بحذر
ونصبر قيس مايبرد شوية نحط بحذر جزء ثاني من الكيكة ونغلفوه من الفوق بفيلم المونتار وندخلوه للثلاجة يرتاح ويحكم روحو


كل مابرد كل ماجاء احسن

ونحاول نقلبه برفق على صحن التقديم يعني الجزء التحتاني يولي من الفوق لهذا قلت لكم كثرو من كيكة واضغطو عليها مليح
والتزيين حسب الرغبة
انا استعملت من الفوق دراجي شكولا وبرشت شكولا ايضا من الفوق ممممممم





تمتعو معي مليح بالاختراع خخخخخخ


























.


.


.


.




يالله على بالي سيلت لك ريوقك خخخخ
حلي فمك وتفضلي بسم الله
.




الى هنا انتهت وصفة اليوم وماتنساونيش معاكم بالدعاء