بعد ان انتهينا

[مشكلتي]

السلام عليكم اخوتي في الله ما بقيت فاهمة والو فهموني في اللي صاري معايا اذا فهمتو
انا كنت مخطوبة لقريب لينا و للعلم ما عندي حتى علباقات كان اول شخص بحياتي و كان بينا اذحترام و احساس و خوف كل منا على الاخر كان غير طبيعي

للاسف تدخل الناس في حياتنا دار فتنة الكذب و الادعاء و تهم باطلة و حتى هو كان عنيف جدا معايا في مرحلة و انا تحسست و فسخنا الخطوبة
هانفصلنا و تخطبت لغيرو بعد عام انفصال جن جنونو اقام الدنيا و صار فعلا شبه مجنون و لاسباب اخرى انفصلت على خطيبي الثاني لانو اكتشفت انو بعيد كامل البعد عن الاخلاق و الدين
خطيبي الاول ايضا ارتبط بفتاة اخرى لكن رجعلي و قالي حرفيا // انتي حاجتي و تاعي و ماراحش نخليك و ماراحش نرجعلك لانك دمرتيني و طيحت كرامتي بخطبتك لاخر ما راحش نرجعلك بصح ماراحش تكوني لغيري انا ماراحش ننساك و انتي تاني لازم تبقاي تحبيني //
اللي راح يهبلني وضعو بكل صراحة هو راه يحضر حاليا لزفافو و عادي كلشي لكن مازال يلوم و يتحسر و في فمو الا : علاه درتي هكذا علاه حطمتيني عمري ماراح نتهنى و الا نشوف راحة
و من بعد يقول : عيشي حياتك و انسايني انتي نهار تخطبتي رحت من حياتك امالا روحي عيشي بعيد عليا و ما بقيتيش تهميني - -- و اصلا انا ما رحتلوش و الا نجري من وراه ؟ --
و يرجع يقول : انتي تاعي و ما راحش ننساك و مازال نخمم فيك و حياتي حبست بلا بيك

بكل صراحة غايضني حالو و غايضتني روحي
حتى اهالينا الزوج كانو بالاول رافضين اليوم كي وصلنا لهذي المرجلة كلهم احتارو و ما لقاو ما يقولو حتى هوما غضناهم لكن فعلا وصلنا مرحلة مسدودة

واش رايكم خاوتو فيه و في كلامو و في اللي صاري ضرب من الجنون صح
فهموني يا رجال ما معنى انتي تاعي و حاجتي ؟؟ هل هو فعلا حب تملك لا اكثر لا اقل ام ارضاء كبرياؤو ام ما لا الذي يحدث ؟؟؟؟؟
هل هو حب امتلاك ام رغبة في النتقام ام جرح يتكلم
اقسم انو لحكاية و احساسنا تجاه بعض لو كان فيه شيئ من البعد على الدين و الادب كان مات منذ وقت لكن الاحترام اللي كان بينا و احساس كل واحد بالاخر هو اللي خلاني نتحسر و خلاه هو لا اعلم ما الذي يحدث معه صراحة

[yousra14]

قدّر الله وما شاء فعلا انتهى كلّ شيئ الآن حاولي بكل جهدك أن تتجنبيه ولا تسمعي لا له ولا للناس انسيه واتركيه ينسى وابدئي من جديد واتركيه يواصل حياته فأنتما لستما لبعض لقد فشلتما مع أول امتحان ألا وهو كلام الناس الوقت أحسن علاج لكما متكبروش الموضوع وانسوا الماضي رب معاك

[basma09]

واش نقلك ختي لعزيزة انا نحب ونتي تحبي و ربي يدير غير واش يحب يعني قدر الله هاذا الانفصال
ووكان هو ماراهوش مرتبط ممكن ننصحك تولو لبعض لكن المشكل هو الان مرتبط وراهو يوجد لعرسو يعني الامر شوية معقد البنت خطيبتو واش ذنبها فالمعمعة هاذي انا ننصحك اختي ماترديشض عليه كامل و حاولي ما تتواجديش في الاماكن اللي هو يروحلها يعني اجنبيه كامل و حتي لما تتلاقاو بالصدفة ما تسمعيش لكلامو لانو النية تاعو من هاذا الامر انو يحرقلك قلبك و يخليك تحسي بالذنب و تعيشي طزل حياتك متحسرة عليه فالوقت اللي هو يكون متزوج ومهني وماكاش تفسير اخر لانو واش معناها هو بحضر لمراسيم زواجو ومازال يقلك هاكذا
ربي يفرج عليك حنونة برجل يستاهلك وينسيك في كلش ان شاء الله وحالي تكملي حياتك عادي

[AMINA.Z]

لا انتي تحبيه و لا هو يحبك

كون حبيتيه ماش من اول خلاف خليتيه

و هو كون كان يحبك عمرو ما يضرك و لا يظلمك

و من بعد كل واحد فيكم راح شاف جيهة اخرى

و درك فهمتو بلي ما تقدروش تعيشو بعاد على بعضاكم !!!!!!!!

ديجا القدر راح ما تكسريش راسك

خلي السيد يهدر وحدو

و يكمل واش بدا و انتي ربي يعوضك في جهة اخرى

[بيت النّسيم]

و عليكم السّلام و رحمة الله و بركاته
كل هذه المشاكل بسبب الكلام في فترة الخطوبة
لذلك إعلمي ان الإحترام منعدم بينكما
إستغفري الله و ادعيه أن يرزقك زوجا صالحا
فالحب الحقيقي ياتي بعد الزّواج و ليس في فترة الخطوبة
إذ أنه يُعدّ أجنيا عنك الّا إذا كان بينكما عقد شرعي
و مع ذلك فحتّى في فترة العقد أنا لا أحبّذ أن تكون طويلة
أسال الله ان يرزقك زوجا صالحا

[لمعة السيف]

وعليكم السلام ورحمة الله وبركاته
كيف عاد لك وبعث لك هذا الكلام وكلمك اصلا هل انت واعية ؟ وكيف تسمحين لنفسك ان تفقدي اخلاقك فكيف تكوني متناقضة تركت خطيبك لانه بعيد عن الاخلاق والدين ؟
بينما انت عادي تتلقين رسائل غرامية من خطيبك الاول وتتلذذين بطرحها دون خجل ..
دعك من هذا الفيلم الرومانسي ...وافطني لنفسك خطيبك يريد استمرار زواجه بالمقابل لا يريد ان يخسرك ....عشيقة والعياذ بالله ؟
هل فهمت ربما هو الانتقام احيانا المرؤ ينسى كل شئ لكن الا كلمة جرحته وبقيت في قلبه توجعه ولن يرضى الا برد اعتباره لكي يشفى..
افطني وتداركي نفسك ولا تستمري في سماعه او تلقي رسائله او نقل لك احدهم هذا انسيه
لا اعرف بهذه ففترات الخطوبة والتي احيانا محرمة يعني لا يوجد عقد شرعي توقع فيها بلاوي ..
لا اعرف لماذا تحشرون اسم الدين والاخلاق هنا لان كل هذا هو طعن في الدين وباطل ..

[سوسو07]

انا في راي اختى غيري رقم الهاتف انتاعك وانسياه خاصة انو راهو يحضر للعرس انتاعو ربي يرزقك من الخير منو كون جاء يحبك صح مروحش يخطب راهو رجع ليك مي هذا يسموه رغبة في الانتقام

[الغبية المغرورة]

اذا لقيتي وليد لحلال غير تزوجيه وخليك منو هذا واحد مريض ونتيى تضيعي في وقتك معاه

[محمد جديدي التبسي]

انتهى كل شيء ارمي وراك ولا داعي لشغل بالك بشخص يقول كلاما تافها
أنت مسلمة مكرّمة وعصر تملك النساء والجواري انتهى.

[نايفز55]

مريض نفسيا حل انك تبعده عليك بالقوة وخبري اهل هذي حياتك وما تخليش دمرها حتي على حساب علاقتك بأقرابك حياتك خير من اقاربك وإذا كثر كاين محكم

والله ما يليق معهم غير عنف وسلام

[billel84]

قال الشاعر وما الحب الا للحبيب الاولي ان شاء الله ينسى وربي يعوضكم خير

[رمزي 1989]

بسم الله و السلام عليكم
عندي مشكلة مع الطفلة الي خاطبها
في الحقيقة هي بنت عمتي و هي آية في الجمال و الاخلاق ،كذلك خريجة جامعة
المشكل هو هدية البنت باباها و عمامها و جدودها الي تابعين لباباها عندهم مرض وراثي يجيبو بعض ولاد بيض
الشعر ابيض و الحاجب ابيض و البشرة شديدة البياض
انا صراحة قبل كنت مانيش مهتم غير اني نديها زوجة في لحلال مفكرتش كرجل في العواقب بصح ضوركة كبرت و ليت نخمم قلت كون نديها اكيد راح تكون حاملة المرض و راح تجيب ولاد ميتحملوش الشمس و يبكيو عليا و عليها و يقولولنا و علاش نحنا بيض و ماناش زي الآخرين منقدرش نتحمل هكذا وزيد انا نقربلها يعني احتمال ضعيف متجيبهومش بيض
البنت فارحة و ملقيت حتى سبة باش نقلها راح نفسخو الخطوبة
قولواليا واش ندير ؟

[تذكار]

تقدرون وتضحك الاقدار

نصيحة اختي حاولي تجنبه ما استطعت غيري رقم هاتفك اذا كان قريبك تجنبي لقائه حتى لو التقيتم لا تكلميه

لان هذا الانسان غريب لا تخافي من تهديداته او تفرحي لكلامه المدهون

الرجل بطبعه يحب التملك وليس كل الرجال طبعا

لذا اختي هو لن يضرك باي شيئ لم يكتبه الله لك

اطوي الصفحة وامضي قدما فيما يرضي الله وتاكدي ان الله سيعوضك خيرا

تقبلي مروري

[تذكار]

المشاركة الأصلية كتبت بواسطة رمزي 1989

بسم الله و السلام عليكم
عندي مشكلة مع الطفلة الي خاطبها
في الحقيقة هي بنت عمتي و هي آية في الجمال و الاخلاق ،كذلك خريجة جامعة
المشكل هو هدية البنت باباها و عمامها و جدودها الي تابعين لباباها عندهم مرض وراثي يجيبو بعض ولاد بيض
الشعر ابيض و الحاجب ابيض و البشرة شديدة البياض
انا صراحة قبل كنت مانيش مهتم غير اني نديها زوجة في لحلال مفكرتش كرجل في العواقب بصح ضوركة كبرت و ليت نخمم قلت كون نديها اكيد راح تكون حاملة المرض و راح تجيب ولاد ميتحملوش الشمس و يبكيو عليا و عليها و يقولولنا و علاش نحنا بيض و ماناش زي الآخرين منقدرش نتحمل هكذا وزيد انا نقربلها يعني احتمال ضعيف متجيبهومش بيض
البنت فارحة و ملقيت حتى سبة باش نقلها راح نفسخو الخطوبة
قولواليا واش ندير ؟

هذا خطا الخطوبة في سن مبكر يبدا بالاحلام وينتهي بالاحزان غالبا

كان يجب عليك التفكير قبل هذا الوقت بعد ان اهديت خطيبتك كل الوعود اتاتي الان لتحطم قلبها وتريدنا ان نبحث معك عن سبب

قلوبكم قاسية جدا

لكن لن الومك اكثر لان الخطا وقع وانتهينا

اخي صلي صلاة الاستخارة واطلب من الله ان كان فيها خير ان يتمم لكم او يبعدكما عن بعض

فلن تجد الخير الا فيما كتبه الله لك

حتى وان فسختما الخطوبة فلا تجرحها بسبب ليس بيدها حيلة فيه

وفقك الله اخي

[zalamite]

على حساب رايي الانسان هدا مزال تحت الصدمة لدلك تجدينه يتمسك بك عندما يكون في مزاج سيئ.. و يتركك في حالك عندما يهدء باله ويكون في مزاج حسن هده الحالة يمكن ان تقل او تدهب تدريجيا مع الوقت خاصة ادا تم زواجه وسكنت نفسه مع زوجته الجديدة و الله اعلم اما انت فحاولي الابتعاد عنه قدر المستطاع فالضاهر ان هدا الانسان احب بصدق وكان صادقا في مشاعره و نيته لكن اصطدم بالواقع المر و اكتوى بنار الفراق و الغيرة على من احب و للاسف هدا مصير اغلب من يحبون بصدق .