الخوف من زوجي المستقبلي

مشكلتي · 2013-08-21, 20:49

السلام عليكم احبتي

تعيشو عاونوني و طمنوني ربي يطمنكم ان شاء الله

انا فتاة مخطوبة مند 3 اشهر السيد جاء شافني و شفتو خطرة وحدة مهدرناش كامل مع بعض نهار الشوفة ومع العلم ان امه قالت انه ميحبش يهدر في التليفون بصح انا حشمت نسقسيها ادا تاني بعد العقد الشرعي ميهدرش في التيليفون ؟

ودوكا قرب العقد الشرعي و راني خايفة منهدرش معاه في التيليفون و معرفتش كيفاش نفهم اد يهدر معايا في التيليفون و لا لالا

وعلابالي بلي دارنا ميساعدونيش لازم انا نفريها لروحي دبرو عليا كيفاش نهدر مع يماه على الهدرة في التيليفون و قولولي ادا عيب و لا لالا ( راني نقصد بعد العقد الشرعي طبعا)

و قولولي ادا كاين احتمال هدا السيد يرفض يهدر معيا بعد الفاتحة و ادا نورمال لوكان ميهدرش

(انا حبيت نهدر معاه في اطار الحلال و بعد العقد الشرعي باش نتعرف عليه و نفهمو قبل العرس و للاتفاق على امور المنزل و القش)

ما وراء الطبيعة ؟؟؟؟ · 2013-08-21, 20:57

يا اختي من حقك أن تتكلمي مع زوجك المستقبلي بعد الخطوبة مباشرة

لتعرفيه جيدا وتحددي مصيرك .............

وأنا لا أنصحك بالبقاء هكذا حدثيه

لربما تجدين فيه عيبا

فهناك المجانين وغيرهم وعائلاتهم تتتسر على ذلك

kamel76 · 2013-08-21, 21:01

الحديث في الهاتف بعد العقد الشرعي ليس عيبا بل مباح لأنه زوجك ، و انصحك أن تتركي هذا الأمر له ، أما التعرف عليه في الهاتف حسب نظري غير ممكن و السبب بسيط جدا و هو أنك ستسمعين منه إلا الكلام الجميل و المعسول ، فالتعرف يأتي مع العشرة . و هذه هي طبيعة الأمور . فأنصحك بأن تسألي عن دينه و أخلاقه جيدا قبل العقد.
أسأل الله تعالى أن يرزقك الزوج الصالح

ولد حمد الباتني · 2013-08-21, 21:23

عندك يكون مريض ولا عقون ولا معقد ويخدعوك
اهدري وشوفي واوزني مليح
طبعا بعد العقد الشرعي
وماتخلي حتى واحد يقلك الزواج والبركة واتوكلي على ربي والهدرة الفارغة هاذي
اتوكلي على ربي مع المومنين مايش الخباثة هاذو

leila ben · 2013-08-21, 21:50

عندهم الحق الإخوة لازم تحكي معاه كاين عايلات ولادها موسوسين ولا مرضى ولا عندهم عيوب يتحاشاو الكلام في الهاتف باش متفيقش البنت ردي بالك يدرحوك

سهام1 · 2013-08-21, 22:00

هاد شئ من حقك يا اختي الا قدرتي تحكي مع اخته الا عنده خير ليك ولا معندهش حكي مع امه

بلسم غرام2018 · 2013-08-21, 22:01

يا اختي من حقك أن تتكلمي مع زوجك المستقبلي بعد الخطوبة مباشرة

لتعرفيه جيدا وتحددي مصيرك .............

وأنا لا أنصحك بالبقاء هكذا حدثيه

لربما تجدين فيه عيبا

فهناك المجانين وغيرهم وعائلاتهم تتتسر على ذلك
كما قال الاخوة واستخيري الله عز وجل
وتاكدي مراكيش راح تدي قط في شكارة

Hicham Ahmed · 2013-08-21, 22:12

السلام عليكم ورحمة الله وبركاته
اختي الكريمة ..
لا يهمك اذا كلمك بعد العقدأم لا .. بقدر ما يهمك أن تسألي عن دينه وخلقه قبل العقد ..قبل العقد .. قبل العقد.. لأنه أذا جرى بينكما عقد .. فقد أصبحت في زمرة المتزوجات .. ولقدر الله واختلفتما على أمور .. فصعب عليك أن تتراجعي وأن تتكلمي بكل حرية .. لأنك وللآسف لا تملكين ورقة ضغط .. ولست في موضع قوة .. ففي الأول والآخر أنت الخاسر الوحيد.. لهذا أعيد عليك نفس كلام الأخ كمال 76 : أنصحك بأن تسألي عن دينه و أخلاقه جيدا قبل العقد...
أختي الكريمة هذا ما اقوله لك الآن عن تجربة.
الله الموفق.

رحيق القلوب · 2013-08-21, 22:31

اختي انصحك كأخت و الله اقول لك سقسي عليه قبل العقد مليح و اتكلمي مع امك و تتكلم مع الوالد
شوفي اختي يما سمعت بنات في حالتك ومن بعد عملوا العقد ومن بعد اكتشفوا شى غير جيد في العريس و صار بينهم الطلاق اختي
فتصبح البنت مطلقة بدون دخوووول احذري اختي و اياكي العقد قبل ما يتأكد ابوك و اخوتك والله انت الوحيدة الخاسرة و تعرفي معني البنت مطلة بدون دخول
وربي يكون معاك ويفرج عليك و لا تتسرعي

عذراء الجبل18 · 2013-08-21, 22:35

salmo 3laykom
lazem thki m3ah bah ta3rfi 3a9lytou w ida my3jbekch tsnay htan ttzaweji bih w mn BAéD TTFAE afriha doka gouli la3jouztek beli lazem thko m3ah bah ttfahmo w ta3rfou ba4dkom AKTAR hadi haja lazma !!!!!!!!!!!! ylzem ymak hya li tfath 3joztek fi lmodo3
Balaki mathkich m3ah w mn ba3d ttchokay fih
rabi ykamlk

Hicham Ahmed · 2013-08-21, 22:46

السلام عليكم..

كم أكره وأبغض هذه الكلمة .. باش تعرفي عقليتو .. باش تعرف عقليتها..

يا أخواني .. يا أخواتي ..

قسما بالله العظيم .. تريحي معاه 10 سنين في التيلفون ما تعرفيش عقليتو ..كذلك أنت أخي تريح معاها سنوات ما تعرفش عقليتها..
بارك الله فيكم بركاونا من هذا .. الرجل يعرف زوجته .. أو هي تعرف زوجها بالمخالطة والمعاشرة .. ماشي بموبيليس.. ونجمة.. والميلينيوم..

على كل ستعرفون ذلك لما تتزوجون .. وتصطدمون بالواقع ..

سما888 · 2013-08-21, 22:48

اختي انتبهي كاين بزاف تخدعو

jemi king · 2013-08-21, 22:48

أنصحك بأن تسألي عن دينه و أخلاقه جيدا قبل العقد.
أسأل الله تعالى أن يرزقك الزوج الصالح

صالح القسنطيني · 2013-08-23, 07:41

شوفي نصيحتي لك لا تكثري الكلام بعد العقد لانه ( اجيب بلاء و مصايب) يعني كلميه بقدر الحاجة و يكفيكم السؤال عنه قبل العقد و صدقا لو كان كذابا فلن تكتشفيه في الهاتف بل حديث الهاتف يجر للفتن

بل الرجل يكشفه السؤال عنه و عن دينه و خلقه في مجتمعه

صح كله في سؤلكم عليه قبل العقد

و أما اذا عقد عليك و فرضا وجدت فيه عيبا بحديثك معه في الهاتف
فأنت قد صرت زوجة له أي يصعب عليك فراقه خاصة اذا رفض الطلاق

و انا قبل العقد فيسهل تركه

لهذا اسالوا قبل العقد جيدا و هذا هو الصح

khawlita.dz · 2013-08-23, 15:04

اعتقد من حقك التعرف عليه و معرفة اخلاقه و عقليته و تستحضرنى قضية زواج فى حينا اد زوج رجل مجنون لفتاة عاقلة و لم تكتشف و اهلها الموضوع الا يوم دخولها عروس
فاسالى عنه و اطلبى من اخته او امه ان يحادثك لتتفقا على العرس
واكيد قبل العقد لما تعقدى من بعد تولى مرتو و ادا فسخت راح تولى مطلقة بدون دخول
فلما هدا كله من حقك التعرف عليه طبعا فى اطار و فى حدود
ولا تتركى الموضوع فى الظلام
بالتوفيق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري