رايحة نهبل

[مشكلتي]

يا خوتي راني رايحة نهبل عاونوني انصحوني و اذا يوجد مفتي هنا غير يقلي الصح

صديقة ماما فيها حاجة ماشي نورمال نحكيلكم

كل مرة منين نهدر معاها ولا تجينا تقللنا حوايج و يصراو صح مع العلم ماما ماتحكيلها والو

الاسبوع الماضي قاتلي اخطيك من الشاب الاسمر اللي راكي تحكي معاه و اليوم عرفت بلي راه يخدع فيا
قاتلنا بابا رايح يخسر مشروع و و الله العظيم البارح خسر بابا مشروع قيمة 870مليون كيما قالت هي

جدي مريض اليوم صباح عيطت لماما قاتلها راه رايح يموت و والله العظيم جدي راه في الانعاش مافطنش و الاطباء فاقدين الامل فيه

اختي شرات ذهب قاتلها راه مايكملش عندك و الله الشهر الماضي سرقولها في عرس نص ذهبها


قلت ليما هاذي المراة ساحرة مشعوذة (مع العلم انها تصلي و الله تصلي)

قاتلي يما هادي ساكنينها صلاَح

مع العلم انها تقرا الفنجان و اليدين و هذه الاشهر لم تاتي الينا لكن تقل لنا عبر الهاتف فقط

ساجن كيف لها ان تعرف كل هذا حتى انها كيف نفكر

بزاف حكايات حابة نحكيلكم لكن افكاري مشتة



حابة نعرف
ربي قال انا بررك نعلم الغيب و ما تخفي الصدور
اذا هاذ المراة كيف تعرف

بدات اشك حتى في دين الاسلام
لان مااعرفه ليس صحيح

اردت كتابة استفساري في موقع اسلام ويب ولكن لم اعرف




و اطلب من المشرفين عرض هذا الموضوع بلاك رانا نديرو في حاجة حرام و مشعوذة راهي بيناتنا وحنا لاخبر
مع العلم عائلتنا مسلمة محافظة


يا ربي رايحة نهبل من التخمام