دلّلي كوزينتك ...العيد قرّب : - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم التفصيل و الخياطة

قسم التفصيل و الخياطة ورشات - مجلات - ازياء

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

دلّلي كوزينتك ...العيد قرّب :

إضافة رد
 
أدوات الموضوع انواع عرض الموضوع
قديم 2013-05-10, 21:31   رقم المشاركة : 1
معلومات العضو
ابداع جزائرية
عضو مميّز
 
الصورة الرمزية ابداع جزائرية
 

 

 
الأوسمة
المواضيع المميزة 2014 الموضوع المميز لسنة 2013 
إحصائية العضو










Mh04 دلّّلي كوزينتك وزهّيها ... قرّب العييييييييييييييد






اللهم صل على سيدنا محمد صلاة ترضيك وترضيه وترضى بها عنا يا رب العالمين
وعلى اله وصحبه اجمعين والتابعين باحسان الى يوم الدين:


وش احوالكم يا بنات نتمنى تكونو كامل بخير
اليوم جيت ضيفة جديدة في قسم الخياطة نتمنى نكون ضيفة خفيفة الظل

حبيت نحط موضوع نتاع طقم الكوزينة
اولا في خاطر احتي الغالية ام راضية لانها طلباته
وثانيا للعرايس اللي توجّد حوايجها للدار الجديدة ربي يهنيهم ولعقوبة للي مازالو
وثالثا لكل من تحب تجدد في كوزينتها او كوزينة ماماها
فقط للي استفادت ماتنسانيش من دعائها
ربي يرضى علينا ويقدرنا نعملو صالحا يرضاه ويبعد علينا كل سوء

الكوزيييييييييييييييينة...
حبيبتنا الكوزينة...ورفيقة الدرب في االليالي الحالكات..ههههه
طقت في دماغي في عيد من الاعياد ندرلها قش العيد وندللها على تعبها معايا
تستاهل...لا؟
وحتى حنا لبنات نستاهلو نكونو مرتاحين فيها واغلب وقتنا لثمّا
كنت شريت قماش خاص بالمطبخ وكاين انواع ماشاء الله
حوالي 4 مترات
شوفو وش درت بيه:


اولا حكمت الطابلية القديمة نتاع الطقم القديم المشري جاهز
وحطيتها فوق القماش وفصلت قدها
ودرت التور بالبيي موف...
بَنَشْنَنِي كيما تقول بنتي مريومة ...زعمة بنفسجي
وخيطت جيب على شكل تفاحة
مانعرف بانت تفاحة ولاّ برج دلاّع؟


وعاودت فوق الكاري القديم القماش وحوطتلو بالبيي

ونفس الشي للقفاز القديم لأنه كان قدام لكن كان مبطّن ويشد الحرارة كي نهز بيه

وخيطتو بالبيي كيما في الصورة ودرتلو منين يتعلق

وفصلت مستطيل وخيطتله البيي على الجناب ودرتلو لاستيك على بعد حوالي 4 صباع من الحافتين
ودرتلو حتى هو منين يتعلق
لأكياس البلاستيك عملية
ندخلوهم من فوق ونجبدو بالواحد من تحت



وحتى الفريجيدار خيطتله مستطيل كبير عرضه عرض الثلاجة وطوله حسب ماتحبي
يعني المهم يكون نازل على الجناب



الجيب نفس اللي درتو في الطابلية


ونفس الشي للميكرووند...لكن بلا جيب

والطابلة درت دائرة كبيرة وكففتها بالبيي

كانت الخياطة لازم تكون في النص لان القماش عرضه قليل بالنسبة لعرض الطابلة


وهذا نحطو غير في المناسبات
لكن للدوم شريت توالسيري يتماشى مع اللون


بالنسبة للريدو كنت معولة نخيطه من نفس القماش
باش يكون مع بعض
لكن ماكفانيش الوقت
وكنت كي خرجت لقيت هاد الريدو سامبل ويتماشى مع اللون اللي شريت
شريته لان ثمنه كان معقول يعني


وشريتلو اكسسوار صغير على شكل تفاحة باه يتحكم او يتطلق

بهاذ الشكل لاختراه ماعنديش لا أوت فمضطرة نحل الطاقة بزاف

هذا بالنسبة للخياطة نتمنى تكونو استفدتم من الفكرة
وفي المشاركة التالية باذن الله نحط بعض الاكسسوارات اللي شريتها
باه تتماشى مع اللون وتكمل بهاه في الكوزينة










 


رد مع اقتباس
قديم 2013-05-10, 21:32   رقم المشاركة : 2
معلومات العضو
ابداع جزائرية
عضو مميّز
 
الصورة الرمزية ابداع جزائرية
 

 

 
الأوسمة
المواضيع المميزة 2014 الموضوع المميز لسنة 2013 
إحصائية العضو










افتراضي

نكملو يا بنيت

للباب شريت الشراشب هاذو على شكل قلوب

وللأمانة ماطولتش ونحيتهم وحطيتهم في باب البالكونة
لانه اللي يجي يدخل يتخبل في خيوطه ماحبوهمش خلااااص
فشريت نتاع الكريستال اللي يجيو قصار حوالي شبرين فقط
وللاسف ماصورتهمش لكنهم باهيين حتى هوما
وكنت كل مانحرج نشري حاجة في نفس اللون
حتى ماحسيتش بثمنهم يعني

طاقم التوابل


حامل الورق النشاف ...خلص

وطبق فواكه


وطاجييييييين


وملاحة وقارورات الزيت


و...خلااااااااص
طبعا تقدر كل واحدة تنوع اكثر بحسب امكانياتها
كاين بزاف افكار

نتمنى يعجبكم الموضوع
ان شاء الله ربي يبلغنا رمضان ويباركلنا في العيد
ويعمر بيوتنا وكوزيناتنا بالذكر
مش بالاغاني لبنااااااااااااااات العمر قصير
ويوفقنا نعملو صالحا يرضاه ونشكرو نعمه علينا
يااااااااااارب

الى لقاء جدييييييييييد

في امان الله











رد مع اقتباس
قديم 2013-06-15, 12:24   رقم المشاركة : 3
معلومات العضو
souheila dz
عضو مميّز
 
الصورة الرمزية souheila dz
 

 

 
إحصائية العضو










افتراضي

أفكار رائعة وفي غاية الابداع شكراااااااااا يا ابداع










رد مع اقتباس
قديم 2014-05-02, 17:22   رقم المشاركة : 4
معلومات العضو
ميساء ميساء
عضو متألق
 
إحصائية العضو










افتراضي

بارك الله فيك ماشاء الله ربي يهنيك










رد مع اقتباس
قديم 2014-05-03, 14:20   رقم المشاركة : 5
معلومات العضو
نوال البرج
عضو مشارك
 
إحصائية العضو










افتراضي

هايلة يعطيك الصحة










رد مع اقتباس
قديم 2014-05-07, 07:17   رقم المشاركة : 6
معلومات العضو
chafia82
عضو مجتهـد
 
إحصائية العضو










افتراضي

يعطيك الصحة










رد مع اقتباس
قديم 2013-05-10, 21:54   رقم المشاركة : 7
معلومات العضو
crystale49
عضو ماسي
 
الصورة الرمزية crystale49
 

 

 
إحصائية العضو










افتراضي

بارك الله فيك اختي فما علينا الا ان نشمر على سواعدنا من اجل ذلك لان شهر رمضان على الابواب و يليه العيد فشكراااااااااا لك










رد مع اقتباس
قديم 2013-05-10, 22:51   رقم المشاركة : 8
معلومات العضو
ابداع جزائرية
عضو مميّز
 
الصورة الرمزية ابداع جزائرية
 

 

 
الأوسمة
المواضيع المميزة 2014 الموضوع المميز لسنة 2013 
إحصائية العضو










افتراضي

اقتباس:
المشاركة الأصلية كتبت بواسطة crystale49 مشاهدة المشاركة
بارك الله فيك اختي فما علينا الا ان نشمر على سواعدنا من اجل ذلك لان شهر رمضان على الابواب و يليه العيد فشكراااااااااا لك
العفو وفيكي اختي ربي يهنيك ان شاء الله اختي ربي يباركلنافي رمضان ويرضى علينا









رد مع اقتباس
قديم 2013-06-12, 09:29   رقم المشاركة : 9
معلومات العضو
douniadiab4
عضو فعّال
 
إحصائية العضو










افتراضي

بارك الله فيك اختي ربي يجعلها في ميزان حسناتك










رد مع اقتباس
قديم 2013-05-10, 22:01   رقم المشاركة : 10
معلومات العضو
OM RITA
عضو مميّز
 
الصورة الرمزية OM RITA
 

 

 
إحصائية العضو










افتراضي

يسلموااااا يعطيك الصحه










رد مع اقتباس
قديم 2013-05-10, 22:53   رقم المشاركة : 11
معلومات العضو
ابداع جزائرية
عضو مميّز
 
الصورة الرمزية ابداع جزائرية
 

 

 
الأوسمة
المواضيع المميزة 2014 الموضوع المميز لسنة 2013 
إحصائية العضو










افتراضي

اقتباس:
المشاركة الأصلية كتبت بواسطة om rita مشاهدة المشاركة
يسلموااااا يعطيك الصحه
يسلمك حنونة ربي يبارك فيك









رد مع اقتباس
قديم 2013-05-10, 22:03   رقم المشاركة : 12
معلومات العضو
ام مريم اسراء
عضو محترف
 
الصورة الرمزية ام مريم اسراء
 

 

 
الأوسمة
وسام أفضل الردود ثالث أفضل تصديرة 
إحصائية العضو









افتراضي

روعة أختي ابداااااع يعطيك الصحة أن شاء الله راح نخدمهم










رد مع اقتباس
قديم 2013-05-10, 22:54   رقم المشاركة : 13
معلومات العضو
ابداع جزائرية
عضو مميّز
 
الصورة الرمزية ابداع جزائرية
 

 

 
الأوسمة
المواضيع المميزة 2014 الموضوع المميز لسنة 2013 
إحصائية العضو










افتراضي

اقتباس:
المشاركة الأصلية كتبت بواسطة ام مريم اسراء مشاهدة المشاركة
روعة أختي ابداااااع يعطيك الصحة أن شاء الله راح نخدمهم
يسلمك اختي نتمنى تجربيهم وتدعيلي معاك









رد مع اقتباس
قديم 2013-05-10, 22:41   رقم المشاركة : 14
معلومات العضو
farachati
عضو مجتهـد
 
الصورة الرمزية farachati
 

 

 
إحصائية العضو










افتراضي

شطورة شطورة الله يبارك










رد مع اقتباس
قديم 2013-05-10, 22:55   رقم المشاركة : 15
معلومات العضو
ابداع جزائرية
عضو مميّز
 
الصورة الرمزية ابداع جزائرية
 

 

 
الأوسمة
المواضيع المميزة 2014 الموضوع المميز لسنة 2013 
إحصائية العضو










افتراضي

اقتباس:
المشاركة الأصلية كتبت بواسطة farachati مشاهدة المشاركة
شطورة شطورة الله يبارك
وفيك اختي ربي يبارك فيك
نورتيني









رد مع اقتباس
إضافة رد

الكلمات الدلالية (Tags)
...العيد, دلّلي, قرّب, كوزينتك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 21:57

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc