مشكلتي الزواج....حاس بلي عاكسة

[مراد الأمل]

السلام عليكم..
نتمنى يكون الكلّ بخير و على خير..معاكم خوكم متخرج من ثلاث سنوات و عامل في العقود +أعمال حرة و الحمد لله
خاوتي و الله ما عرفت منين نبدا..
المهم حاب نفرغ معاكم شوي ..راني حاس بلي راهي عاكستلي في الزواج بزااااف..هادي مدة عامين و أنا ناوي نية الزواج .بصح في كل مرة تتعوج واحدة مقبلوش دارهم على جال البعد و المسافة ..واحدة على جال القراية حابة نكمل قرايتي..و الأخيرة فاتوني ليها يعني كنت روتار شوي و قالك مدينا الطفلة بالكلمة لواحد..
المهم نتمنا تصبرو معايا شوي و متتقلقوش..
العام هذا برك درت ثلاث محاولات كلها مكتبهاش ربي و الحمد لله باش منقولش حاجة أخرى..
و منكذبوش على بعضانا الشاب الجزائري عموما كي يوصل 25 و 26 و ميكونش خاطب أو متزوج يكون عايش فراغ عاطفي و حاس بالنقص ..و رانا فيها يا شباب و منخبوش
على كل حال رغم هذا الإحباط في العام هادا لكن مزالني نحوس بصح من بعيد برك و الفكرة مزالها تدور في راسي، ساعات نقول لو كان نلقى واحدة هنا في المنتدى و يكون توافق بيناتنا نتقدملها عادي بشرط تكون من نفس الولاية...

المهم باش منطولش عليكم ..أدعولنا معاكم