الغيرة الزائدة عند الزوج

[mimi30]

البسملة1


جبتلكم موضوع الغيرة عند الرجل او الزوج
لي هو يخصني قبل مانزوج بغيت
يكون زوجي غيور بصح بحدود
بعد الزواج كرهت الغيرة لي فيه لدرجة وليت
مانخرجش معاه لبرة غير فالسيارة
وكي يخرج من الدار الباب يغلقو من فوق
للتحت نبان في حبس
مع العلم هو حنون بزاف ومتفهم
وش رايكم فل الغيرة الزايدة نورمال

[لبيبة1]

انا نتمنا يكون غيوووور بصح مش لدرجة الشك لانو الشك يترجم استنقاصو لعقلي و عدم ثقة لكن لازم تفرحي بغيرتو يعني تصوري روحك معا واحد مايغيرش ففف تكرهي حياتك الغيرة دليل الحب حبيبتي لكن لازمك تحاولي تنقصيلو هاذ الغيرة و الحل انك تكسبي الثقة تاعو تثبثيلو بلي راكي حرة صح و اهل للثقة المهم ربي يهنيكم

[كلمات مبعثرة]

المشاركة الأصلية كتبت بواسطة mimi30

البسملة1


جبتلكم موضوع الغيرة عند الرجل او الزوج
لي هو يخصني قبل مانزوج بغيت
يكون زوجي غيور بصح بحدود
بعد الزواج كرهت الغيرة لي فيه لدرجة وليت
مانخرجش معاه لبرة غير فالسيارة
وكي يخرج من الدار الباب يغلقو من فوق
للتحت نبان في حبس
مع العلم هو حنون بزاف ومتفهم
وش رايكم فل الغيرة الزايدة نورمال

اسمحيلي ماشي نورمال ربي معاك اختي هدا سركاجي ..الغيرة مطلوبة لكن ليس لدرجة المرض وفقدان الثقة في الزوجة

من حقك تتنفسي تحسي نفسك حرة حتى لو بقيتي في الدار ..تخيلي تضرب زلزلة ولا تمرضي لا قدر الله ولا واحد من اولادك يمرض لاقدر الله تموتو ؟؟؟؟؟؟ وش نقولك اصبري واحتسبي الاجر ربي يهديه. سبحان الله كاين لي يحسبو نساهم ماشي مربيات كانو يستناو فيه يجي يربيهم ...غير هو لي عندو اهل رباوه..