عاونوني بالنصيحة

مسلمة وافتخر17 · 2013-01-02, 17:24

السلام عليكم
والله ماعلبالى منين نبدا ومش فاهما قصتى كيفاش كانت وكي ولات
مشكلتى انى مخطوبة مند عامين وخطيبى هدا واجهت معاه مشاكل كثيرة منها خاينة ومع كل هدا تفاديت الامر وصلحت الامور المعقدة صبرت على كل سلبياتو وحاولت نصلحلو كل اخطائو ونرجعو لطريق المستقيم
والحمد لله مشات الامور كيما حسبتلها ورجعت ثيقتى فيه وبديت معاه من جديد مشات الامور من حسن للجيد وكنت نحسب انو شيء لى درتو معاه رايحا نكبر في عينو ومش راح ينسى فضلى عليه وعلى الاقل يشوفنى غير لبنات
صدقونى هو انسان بسيط يعنى معندوش وميخصوش لكن عمري ماطلبت منو شيء ديما نبسطلو الامور ومخلياتو على راحتو لدرجة انى مندخلش كامل في ترتيبات العرس ومشرطتلو على والو حتى كيجى فالمناسبات يشوفنى يعطينى دراهم والله مانديهم بالعكس نرجعهم في جيبو كل هدا الشيء يفاجئنى يقولي انت مكان حتى شيء يعجبنى في عقليتك وانا كرهت من عقليتك زعما فهمونى كيفاش حبنى نكون ندير صاكى في يدى ونزنق ونعيطلو اعطينى واعطينى باش عقليتى تعجبو مافهمت والو
عندو مدة 3 اشهر عقليتو تبدلت وصار يجرحنى بالكلام مافهمتش علاش من نهار راح يخدم بعيد على دارهم قاعد عند صحابو صارو صحابو هوما عايلتو مايفارقهمش خلاص لدرجة انو امو مرضت ماسقساش عليها درك مش حابة نظلمو ونتوسوس ديما نقول يمكن صحابو اثروا عليه ويمكن صدمة صراتلو توفاة اختو مقتولة يمكن صدمة بدات تاثر فيه صار عصبي لسانو جارح بصج كي نخمم انا جامى غلطت معاه بالعكس مساعفاتو ودايرتلو غير وش يحب شيء ليقهرنى منو كي يتفكر مساوئي واخطانى وينسي قع وش دار فيا
قولولي الحل وين فالحق قصتى طويلة هدا الملخص قلبي معمر بصح مش قادرا نحكى اكثر من هاك

هدى الجيجلية · 2013-01-02, 17:40

السلام عليكم
خيتي لعزيزة
فعلا الله ايعينك
يمكن ايكون
من ظغط
العمل والتفكير
في المستقبل
يمكن عنده اعذار
وما اقدر يتصل
باهله
يمكن المنطقة إلي
بيعمل فيها
ما في خط للهاتف
أختي
لا تحطي في بالك
شيء
والله امورك راح تتيسر
اطبلي الدعاء له
أن يهديها
ويسرلو أموره
وإن شاء الله
نسمع منك
اخبارك سارة
تحياتي لك
خيتي

مسلمة وافتخر17 · 2013-01-02, 17:44

صح المنطقة لي فيها ناقصة فيها تغطية بصح ياختى شوية هو زودها بزيادة خايفا صحابو يدوروه اكثر من هاك
ادعيلي بالثبات اختى
شكرا ليك

samar89 · 2013-01-03, 12:50

ربي معاك اختي...............اكثري من الدعاء في جوف الليل...نشالله مايكون غير الخير

مسلمة وافتخر17 · 2013-01-03, 12:57

ان شاء الله رانى نحاول نتجنب المشاكل ونكبر عقلى وبالي

منهاج · 2013-01-03, 17:56

السلام عليكم

الله يصلح الحال

مريم الصابرة · 2013-01-03, 18:02

السلام عليكم اختي
ربي يكون معاك معليش كبري قلبك وزيدي تحمليه شويا هطي هي بنت الأصل هي باه يسبك انا ضد هذي تماما وإنو ما يقدرش واش درت على جالو هذو الرجال هاكا دايرين ما يبينوش لكن اكيد بينو وبين نفسو مستعرف باللي راكي واقفة معاه ختي النسا فالزنقة راهم بزاف وراكي تشوفي العجب عليها يحسن عونو المخطوبين رجعو في مشاكل كبار من هذي وصح كاين رفقة سوء يدبرو ويغسلو المخ انا نقولك حاولي تجبدي روحك عليه شويا ما تعيطي ما تحوسي ولما يحكي معاك نعاملي ببرو معاه خليه يحس رايح يخسؤك وشوفي اكيد ما يحبش يخسرك وزيدي إدعيلو ربي يهديه راه في ازمة وتمر إن شاء الله موفقة

مسلمة وافتخر17 · 2013-01-04, 10:39

اقتباس:

المشاركة الأصلية كتبت بواسطة مريم الصابرة

السلام عليكم اختي
ربي يكون معاك معليش كبري قلبك وزيدي تحمليه شويا هطي هي بنت الأصل هي باه يسبك انا ضد هذي تماما وإنو ما يقدرش واش درت على جالو هذو الرجال هاكا دايرين ما يبينوش لكن اكيد بينو وبين نفسو مستعرف باللي راكي واقفة معاه ختي النسا فالزنقة راهم بزاف وراكي تشوفي العجب عليها يحسن عونو المخطوبين رجعو في مشاكل كبار من هذي وصح كاين رفقة سوء يدبرو ويغسلو المخ انا نقولك حاولي تجبدي روحك عليه شويا ما تعيطي ما تحوسي ولما يحكي معاك نعاملي ببرو معاه خليه يحس رايح يخسؤك وشوفي اكيد ما يحبش يخسرك وزيدي إدعيلو ربي يهديه راه في ازمة وتمر إن شاء الله موفقة

فالحق حاولت نجبد روحي عليه بصح خفت لنزيد نخسروا ويبعد عليا اكثر ياختى صحابو مش مخلينو دقيقة وحدة وحدو تخليلي عندها 4 ايام راح لدارهم انا فرحت قلت مزيا هكدا كي بعد على صحابو نقدر نتفاهم معاه بالعقل بصح للاسف صحابو تبعوه حتى لدار باتو معاه يومين ورجعو معاه رايحا نهبل على هدا الوضع عييت خايفا يزيدو يأثروا عليه اكثر من هاك صدقينى هدرتو معايا تبدلت وكلامو كلو جارح وقد مانكون معاه مليحة ولانديرلو جاست مليحة ونحسن عونو يقولي راكي تبينلي فالملاحة ومن بعد دوري مانعرف وش راه جاي منك ويحكيلي على صحابو انا صاحبي خاطب موري لعين لحمرة لمرتو يقولي هدو هوما رجال ههههههههه فالحق حكيت مع يماه وفهمتها قالتلي متخافيش رانا قع معاك وراي لي راه تالفلو احنا نردوه *******مانعرف دخت

شرايط عاشور · 2013-01-04, 10:46

ربي يفرج عليك

ام محمّد · 2013-01-06, 12:18

راح نعطيك رايي وما تزعفيش مني صح
احنا الراجل في بلادنا ما يبغيش المرا اللي تحسن عونو تبان له راه ميتة عليه وما لاقياش غيره ، وانتي غالطة كي تنازلت عن حقوقك حتى قبل ما تديه ديري في بالك بللي الراجل مهما كانت صفته مايعقلش على خير المرا ، اذن ديريها في بالك وزيري روحك معاه دوك يبان المخبي ،
وممكن يكون هو فهم من تنازلاتك عن حقوقك المادية اللي من وجهة نظرك ان حاسنة عونه هو شاف بللي ماراهش مقنعك عليها بقا يقولك مش عاجبتني عقليتك ممكن هو باغي مرا تقبله على ما هو عليه مش تحسسه بالنقص وتردله دراهمه اللي يعطيهملها كادو، وامور العرس والشروط لازم تكوني واضحة وتحددي شروطك نيشان ماشي مبعد تتزوجيه تبقي تدابزيه وتقوليله حتى شرطي وماقمتهش واش باغي تقوم من بعد شرطي وسمحتلك فيه، كونك عاقلة انا ما نيش نقولك انتي غالطة او راني نفول عليك بالشر بصح راني نحكي لك الواقع
ممكن ماكيش غالطة بصح الغلط بدا من عندك لانك بغيت تصلحي كل شي وحدك ومن وجهة نظرك انتي برك بصح يد واحدة ماتصفق والتنازلات ما يبنوش الدار ، راني طولت عليك بنتي متقلقيش مني بصح قلبي كلاني عليك خاصة انكم عاد مخطوبين فلازم تبدو حياتكم على يد الشرع وعرضيني لعرسك ما تقوليش راني زعفانة منك صح بنتي ربي يوفقك

مسلمة وافتخر17 · 2013-01-06, 12:37

اقتباس:

المشاركة الأصلية كتبت بواسطة ام محمّد

راح نعطيك رايي وما تزعفيش مني صح
احنا الراجل في بلادنا ما يبغيش المرا اللي تحسن عونو تبان له راه ميتة عليه وما لاقياش غيره ، وانتي غالطة كي تنازلت عن حقوقك حتى قبل ما تديه ديري في بالك بللي الراجل مهما كانت صفته مايعقلش على خير المرا ، اذن ديريها في بالك وزيري روحك معاه دوك يبان المخبي ،
وممكن يكون هو فهم من تنازلاتك عن حقوقك المادية اللي من وجهة نظرك ان حاسنة عونه هو شاف بللي ماراهش مقنعك عليها بقا يقولك مش عاجبتني عقليتك ممكن هو باغي مرا تقبله على ما هو عليه مش تحسسه بالنقص وتردله دراهمه اللي يعطيهملها كادو، وامور العرس والشروط لازم تكوني واضحة وتحددي شروطك نيشان ماشي مبعد تتزوجيه تبقي تدابزيه وتقوليله حتى شرطي وماقمتهش واش باغي تقوم من بعد شرطي وسمحتلك فيه، كونك عاقلة انا ما نيش نقولك انتي غالطة او راني نفول عليك بالشر بصح راني نحكي لك الواقع
ممكن ماكيش غالطة بصح الغلط بدا من عندك لانك بغيت تصلحي كل شي وحدك ومن وجهة نظرك انتي برك بصح يد واحدة ماتصفق والتنازلات ما يبنوش الدار ، راني طولت عليك بنتي متقلقيش مني بصح قلبي كلاني عليك خاصة انكم عاد مخطوبين فلازم تبدو حياتكم على يد الشرع وعرضيني لعرسك ما تقوليش راني زعفانة منك صح بنتي ربي يوفقك

رايك يهمنى فوق راسي الله يجازيك كل الخير
هي صح وش قلتي فالحق انا من نوع لي يمايحكيش همو لغيروا اي شيء يضرنى نخبيه في قلبي على هديك مانصيبش لي ينصحنى انا فالحق منحبش نحكى على علاقتى خاصة لدار ..
هو صح استغل طيبتى وقلة حيلتى تصدقي عوض لانا نقولو ماتستغلش طيبتى عاد هو لي يقولى ماتستغليش حبي ليك وقد ماندير فيه خير مايبانش فيه
صح انا غلطت في امور بزااااااااااااااف منها ماعطيتش حق لعمري وتقدري تقولى انا لي خليتو يستهين بيا

راكى معروضة من ضرك خالتى يشرفنى حضورك
ممكن طلب تنصحينى درك كيفاش نبدل عقليتى معاه وش ندير

ام محمّد · 2013-01-07, 09:30

بارك الله فيك
حساب مافهمت من كلامك بعدما ما كانت المشكلة في عقليتك كيما يقول هو صبحت في اصحابو
ما دامت الامور متوترة بيناتكم حاولي تبتعدي عنو قليلا خليه يفكر مع نفسه يحس باهميتك في حياتو
ومادام فيها اصحابو تخافي يدورو له عقله وينساك حتى انتي اذا قطعتي الاتصال بيه راح تجيه مزية
قلتي هو يخدم بعيد على دارهم وربما بعيد عليك حتى انتي يتسمى كل اللي بيناتكم التليفون
خلي اتصالك بيه عادي وما تضغطيش عليه وكانك ناسية الخلاف اللي بيناتكم لما يرجع انشاءالله حطو النقاط على الحروف لانه ماتدريش يكون حاط عينه على وحدة اخرى وهذو غير اسبايب انتي ما تتقلقيش وصبري اذا كانت ساعة شيطان ذوك يرجع لك وحده
وربي يدير الخير بيناتكم

aroua · 2013-01-07, 10:29

sametih chewiya wamatbayniche ihtiyajek lih bazeeeef wali habek mayatekhalach a3lik walokane konti komcha men elakhetae (les fauts) wali mayhabekche raho yakhelak mochekele fik aou khatee hata walo at3amede ano mayfahmekch wi dir fik alff 3ib
mala hebibti men gualebi matwassewssiche roheke wa matkhamemiche bazeeef wa matal3iche wathabti wahdek khalih wahdo houa li 9arare elmohim anti abkaye thabta wa rabi m3ak anchalah

مسلمة وافتخر17 · 2013-01-07, 14:28

اقتباس:

المشاركة الأصلية كتبت بواسطة ام محمّد

بارك الله فيك
حساب مافهمت من كلامك بعدما ما كانت المشكلة في عقليتك كيما يقول هو صبحت في اصحابو
ما دامت الامور متوترة بيناتكم حاولي تبتعدي عنو قليلا خليه يفكر مع نفسه يحس باهميتك في حياتو
ومادام فيها اصحابو تخافي يدورو له عقله وينساك حتى انتي اذا قطعتي الاتصال بيه راح تجيه مزية
قلتي هو يخدم بعيد على دارهم وربما بعيد عليك حتى انتي يتسمى كل اللي بيناتكم التليفون
خلي اتصالك بيه عادي وما تضغطيش عليه وكانك ناسية الخلاف اللي بيناتكم لما يرجع انشاءالله حطو النقاط على الحروف لانه ماتدريش يكون حاط عينه على وحدة اخرى وهذو غير اسبايب انتي ما تتقلقيش وصبري اذا كانت ساعة شيطان ذوك يرجع لك وحده
وربي يدير الخير بيناتكم

شكرا ليك جزاك الله خيرا
صح حاولت نجبد روحي عليه بصح خفت نزيد نبعدو اكثر عليا ونخلي طريق لغيري على هديك انا زدت ضغطت عليه وزدت وترت الامور لدرجة انى سالتو ادا كانت وحدة في حياتو هي سبب البرودة لي راه يعاملنى بيها حلفلى بلي مكاش والله اعلم
والله حرت الله يجنبنا وسواس الشيطان رايحا نخرج من عقلي

مسلمة وافتخر17 · 2013-01-07, 14:30

اقتباس:

المشاركة الأصلية كتبت بواسطة aroua

sametih chewiya wamatbayniche ihtiyajek lih bazeeeef wali habek mayatekhalach a3lik walokane konti komcha men elakhetae (les fauts) wali mayhabekche raho yakhelak mochekele fik aou khatee hata walo at3amede ano mayfahmekch wi dir fik alff 3ib
mala hebibti men gualebi matwassewssiche roheke wa matkhamemiche bazeeef wa matal3iche wathabti wahdek khalih wahdo houa li 9arare elmohim anti abkaye thabta wa rabi m3ak anchalah

شكرا اخيتى الله يجازيك بكل خير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري