ابنتي تعاني من الديدان وحرقان البول

[rinat]

السلام عليكم
ابنتي عندها ثلاث سنوات عندها الديدان وهبلتها البولة مسكينة ديتها لقداش طبيب بلا فايدة عملتلها التحاليل خرجو ملاح
قالولي اللي عندو الدود تحرقو البولة بصح انا خفت توليلها حاجة اخرى
مادابيكم دبرو عليا:sdf::sdf::sdf:

[تيماء الله]

سلامي اختي الكريمة ربي يشفيهالك ان شاء الله انا نعرف فكرة ومجربا والله اعلم تاخدي فص ثوم صغير تثقبيه بالابرة وديريهالها كي شميعات وزيد لازم تبعد علا السكريات شوي وان شاء الله ترتاح يا ربي

[ام مريم الجزائرية]

راه كاين دواء رخيس تاع الدود وهايل مرة وحدة يروح
بالنسبة للحرقة ديريلها الزعتر وغسليلها بيه
ان شاء الله تريح

[بنت الحاج]

وعليكم السلام ورحمة الله وبركاته

أعطها يوميا بذور اليقطين الطازجة تتناولها على الريق
فعالة جدا ضد الديدان
وإن كان ولا بد ناوليها ربع ملعقة صغيرة من زيت البابونج على الريق أضيفي له بعض العسل لأنه مر وغير مستساغ ولكن نتائجه جيدة,
بالشفاء إن شاء الله.

[ام يمينة]

ربي يشفيها ان شاء الله
لازمك اختي تقصي لها اظافرها لان يسموه هدا المرض بايدي الوسخة او ينتقل من الخضار الغير مشلة جيدا
وطاهرة الفراش والحوايج كل يوم التغير لانها في الليل تخرج الديدان
هدا من حيث الطاهرة المكان وفراشها لان البيوض ترجع
و العدوة من الاطفال في دور الحضانة والمدارس لدلك الطاهرة لازمة وغسل الايدي في كل مرة
اما فيما يخص خرقة البول اعملي قارورة ماء 1 ل ووصغي فيها البكاربونات الصودا قيس مغرفة صغيرة وهزها لكي يخلط وكل مرة شلي بيها لابنتك
نشفي المكان وجوايجها اعمليه بعد الغسيل في الخل ثم شليهم ولاتستعملي لجافيل
والثوم كل يوم حبة ثوم تاكلها مثل كاشي

[رزان.]

وعليكم السلام ورحمة الله وبركاته

الشّيح مفيد للديدان

أتمنى لها الشّفاء

[ام امجد14]

يا اختى الحليب المطبوخ صباحا مع حبة ثوم مفيد للديدان و اغسليلها دايما بالماء السخون لحرقان البول

[~ حراير ~]

السلام عليكم و رحمة الله تعالى و بركاته

أختي ربي يشفيلك بنيتك و يمتعها بالصحة
شوفي الحليب و الثوم مجرباتو للديدان و نافع لحد ما
ولكن ما نفع معنا صحيح هو يوجد عند العشاب الذي يبيع أعشاب طبية دواء انسيت اسمه بالضبط و لكن فيه ""البحر"" و على ما أضن ""ملح البحر"" تديريه في الماء صدقيني ماعادش يرجعلها أبدا انت اذهبي للعشاب فقط و احكيلو المشكلة إذا كان يفهم امليح يعطيهولك
و راني بعد يومين نرجع نشوف موضوعك خبريني إذا مالقيتيهش نخرج على جالك و نسألك عليه و نوضعلك اسمه
بالمناسبة كان ولد اخي مريض بالديدان لمدة سنتين و كان ضعيف جدا جدا و كل مرة يرتاح و يعاودو يرجعولو حتان ذهبت والدتي للعشاب و اعطاها هاد الدواء منين شربو في الليل الغدوة حاشاك حطهم دودات بزاف بزاف الوحدة قد الصبع ميتين و زرق نيلة بدون أي الم او شيئ ... من هاداك الوقت و الطفل ماشاء الله استرجع صحتو و عاد لاباس

بالنسبة لحرقة البول ننصحك تروحي لطبيب مختص بالمسالك البولية هو يفهم أكثر و إذا أكدلك ماكان والو ارجعي للعشاب
و ربي يجعل الشفاء على يديه إن شاء الله

[الامل نور]

ربي يشفيلك ابنتك
لكن بالنسبة لحرقة البول شوفي مختص خير هو يطمنك
و طهور ان شاء الله

[الجزائرية المحبوبة]

اختى انا ابنتى اديتها لطبيب قالى امنعي عنها السكريات
واعطها دواء ديدان معروف لونه اصفر وقرعتة صغيرة


واعطها عشبة تفطر بها كاشاي يطيب هي عشبة شيح البحر
اما لحرقة البول اعملى لها تحاليل اولا

ممكن تكون مكروب
ربي يشفيها

[أم ياسين الزهراء]

ربي يشافيها اختي بصح انا ولادي كان عندهم الديدان والبول مايحرقش شوفي اختي اذا بنتك تشرب حليب لحظة نحيهولها هكى صرات معايا وماتخليهاش تدخل التوالات تاع الناس راهو ربما ماتحملش وربي يشافيها

[أم نور]

اختي الثوم هو احسن دواء قطعيه رقيق باش تقدر تبلعو

[ياسمين92]

السلام عليكم اختي
انا تاني كي كنت صغيرة كنت نعااااااااااااني من هاد المشكل و سييت كللللللللللش بصح بلا فايدة حتى داتني ماما وحد النهار للطبيب عطاني سيرو يدير 150 الف رووووووووووعة من تما مازادوش كامل جاوني
ان شاء الله تلقاي طبيب شاطر
ربي يشافيهالك يا رب

[رزان.]

وعليكم السلام و رحمة الله وبركاته

أوراق الخوخ أيضا مفيدة للديدان

أتمنى لها الشّفاء

[kakoucha]

ديري حب الرشاد(الثفاء) مدكور في الطب النبوي ’ ارحيه وخلطيه بالعسل ومديلها مقدار حبة قمح في الصباح و اخرى في الليل وبعد 15 يوم اعيدي الكرة وساليني بخير’ حبة قمح ما تزيديش.
اما بالنسبة لحرقة البولة نظفيلها جيدا و ادا كانت مشحطة ديري زيت sans gout مليحة للتشحاط
بالشفاء ان شاء الله