معجبتنيش حاجة

[اسعى لرضى الله]

السلام علــــــيكم ورحمــة الله وبركاته


اللي خلاني نكتب الموضوع هدا انو شت حاجة معجبتنيش في بعض الاعضاء

والحاجة هدي انو كاينين شي ناس تتذمر وتجرح في بعض الاعضاء اللي قدر ربي عليهم اانهم يفقدو احبتهم وهدي سنة الحياة , وملقاوش وين يحكيو ويفرغو قلوبهم غير هنا واكيد لو انهم ملقاوش راحتهم في المنتدى فمستحيل انهم يفضفضو هنا... واحد يقول صمتولنا المنتدى بحكاياتكم واحد يقول مكش راضيين بقدر الله والناس كامل تموت وخلي وخلي

هدا اللي راه يحكي نورمالمون قبل ميحكي يحط روحو في بلاصتهم هل يرضى يردو عليه بالاسلوب هدا كي يكون بامس الحاجة لكلمة تجبر بخاطرو ؟؟؟؟
وهل زعما هو مش قادر تصرالو ؟ ؟؟؟

ويجي نهار ميلقا حتى واحد يوقف معاه


والله انا في رايي انو كل واحد يقدر ظروف خوه ويوقف معاه وميجرحوش كيعاد هو ثاني تقدر تصرالو وميلقاش شكون يوقف معاه ,

وزيد وين رانا من قول الرسول عليه الصلاة والسلام مثل المؤمنين في توادهم و تراحمهم و تعاطفهم مثل الجسد؛ إذا اشتكى منه عضو تداعى له سائر الجسد بالسّهر والحمّىّّ)رواه مسلم.



[color="red"][h]

المهم نتمنى توصلكم رسالتي والسلام عليكم ورحمة الله وبركاته