مشكلتي ... احتقار امي لخطيبي

[مشكلتي]

السلام عليكم

اخوتي في الله اود ان تعطوني رايكم في مشكلتي

انا مخطوبة منذ سنة و بسبب ظروف خطيبي الصعبه التي جعلتنا ناجل العرس حتى السنه المقبلة ان شاء الله

خطيبي كان طالبا معي منذ الثانوي احببنا بعضنا في صمت و بعدها تخرجنا في نفس السنة

كنت اتمناه زوجا و كنت اتجنب الذهاب للاعراس و الاختلاط حتى لا يخطبني احد و هو بادلني نفس الشعور في تلك الفتره كانت تحتقره امي كلما تكلمت عنه لانه كان بطالا ووالديه فقيران .

بعدها جاء لخطبتي و حط عليا الكلمة عام ( خاتم الكلمة شراه من اول ما خلص من الحانوت) كان يخدم في حانوت نتاع ملابس يعطيه مليون برك و من هذاك المليون كان مسكيت يشريلي حقي تاع العيد و تجي امه في كل المناسبات

بعدها توظف في منصب رائع فيها ستاج سنة ....- انا فرحت بزاااف في تلك الفتره لانو ماما قالت لازم تكون الشهرية و لاروترات-

كي ربح درنا العقد الشرعي و هو مسكين دفع فيا 05 ملايين و خاتم العرس ب 3 ملايين و الله حتى دراهم منحة الدراسة الجامعية داخلا فيهم بقا يلم باه يدفع فيا


-----------------------------

المهم بينتلكم وضعية خطيبي

------------------------------

اول امس تعاركت مع خطيبي على اشياء تافهة و نحن متوالفين نتخاصمو و نتصالحو ... كي رحت للعمل امي اتصلت بخطيبي اللي كان راقد قالتله واش صاري بينكم قال لها ماكان والو خالتي و سقساها على حالها و حال ابي


-------

بعدها عيطتلي امي ف الخدمه قالتلي عيطتله و حكا معايا بالتشناف و ما قيمنيش

انا بقيت كيما الماريونات بيناتهم قلتله صح ما حكيتش معاها مليح قالي لالا كنت بجانب اخي الكبير و انا ما نحبش مشاكلي يسمعو بيهم دارنا و قالي كنت راقد و حكيت نورمال

---------

كي قلتله انا هك راح فليكسا و بقا يعيطلها ما حبتش تهز عليه و طفات هاتفها بعدها جا لعندي لمكان العمل قالي راني نعيط و ما حبتش تهز عليا قلتله انا لالا بلاك راقده (حشمت ما لقيت ما نهدر)

و بعدها غير باه يراضيها قالي قوليلها تهدر معايا الا حبت نجيها للدار نراضيها

كي رحت للدار دارت فيا حاله و هو بقا يعيط لها هزت عليه قالت له انت تديرلنا غير المشاكل و هو بقا ساكت ما قالي والو

و بابا زاد عيطلي لانو يتبع امي بزااف تاني هو قالي كي نجي نقوله 05 اشهر و يدير العرس

و انا خطيبي ما عندوش ضرك رح يكمل الستاج هذا الشهر و يبدا يخلص

درك مارانيش نحكي مع حتى واحد ف الدار غير قافلا باب بيتي علاخاطر كرهت الظلم

انا نبغي الانساب بالقدر لانو هادي عشرة عمر


***********

للعلم خطيبي هاد المرة سحبو لابي رخصة سياقه راح جابهاله ف نفس اليوم

ازمة السيولة تاع الدراهم كان يجيبله دراهمه بلا ما يتعب

رحنا مره عطلة بقا يعس ف دارنا ف الليل يبات فيها

درنا حادث مره لقيناه غير هو




ادعولي الله يحفظكم ربي يكملي و نتزوج و يهنيني

[lilou f lilou a]

والله يا اختي كون جيت مكانك من تخلى عليه ولو بكنووووز الدنيا
ربي يهنيك نتي وياه باين عليه سيد الرجال
ربي يفرحكم ويكمل

[اسعى لرضى الله]

معليش اختي واش راح ديري

انا نقولك راجل كما هدا اياك اياك تودريه حاولي تربحي داركم وتربحيه واحكي مع مك بلعقل بالاك يهديها ربي وربي يخليهولك ويحفظهولك ان شاء الله ويكمل بيناتكم

[yasmina31]

ربي يهدي والديك و يكملك مع خطيبك و يسرلكم اموركم ان شاء الله مي حاولي ما تبينيلوش راي والديك فيه لانو يجي يوم و يرضاو عليه ان شاء الله

[loulou02]

ربي يفرج عليك أختي و يهدي والديك و يكملك مع خطيبك بالخير ، إصبري وأكثري من الدعاء .

[دموع24]

يا اختي هذا خطيبك ما شاء الله ايك اتفرطي فيه
ووالديك بالحسنى يرضاو
الله اخليكم للبعض

[Hichem_The_Big_Boss]

ختي ان شاء الله سحابة و تفوت و الله يوفقكم ديرو العرس و تجيبوا ذرية صالحة

[ورثان الجنان]

بسم الله الرحمـن الرحيم

السلام عليكم

لاحظي أختي كلّ الردود التي كانت قبلــي هي ردود نسااء إلا ردّ واحد لرجل

وكلّ النساء نصحوك بالتشبّت به

يعني أنّ هؤلاء النساء رأو فيه صفات الرجل الذّي يستحقّ إمرأة

لا تحسبي الزواج كما يظنّه البعض ( إلتقاء الذكر بالأنثى )

بل هو إلتقاء الرجل بالمرأة

وأما نظرة الرجال لهذا الرجل ، فأقول لك هنيئا بمثل هذا

لأنّه صراااحة يحمل صفات الرجل التي هي قليلة للاسف في مثل هذا الوقت

+++في مايخصّ مشكلتك أنصحك بالتعااامل بحكمة مع الأمر

أرضي والديك وانصحيهم بكلّ حنان ، في نفس الوقت لا تفقدي خطيبك

مثلا كأن تغتنمي فرصة تكون فيها أمّك أو أبوك لوحده في الغرفة

وتكلّمـي معه وذكّريه بحسنات خطيبك تجاه العائلة

ولا تنسي أنّ الدعاااء في الثلث الأخير من الليل مستجاااب

أدعو الله بأن يهدي والديك وأن ييسّر زوااجك ويعجّله

فلا تدري كيف ومن اين سيرزق زوجك بالمال

ونصيحتي إليك كي تعيشي حياة سعيدة قبل وبعد زواجك

هو الإستقامة على دين الله والبحث عن كلّ مايرضيه

وصدّقيني ستعيشين حياة لا مثيل لها

والله لا يوجد شيء مثل أن تعيش وتحسّ أن الله راض عنك

لا نعبده ليعطي ، بل نعبده ليرضى ، فإذا رضي أدهشنا بالعطاء

[aminahassiba]

الله يهدي يماك

[faty05]

اصبري و تمسكي بيه

[smile39]

الحل الوحيد ديري اضراب عن الطعام ردي بالك تخليه كون ماجاش ايحبك ما يديرش عليك هكا .

[meriem hanin]

ربي يكمللكم ان شاء الله
انصحك بكثرة الاستغفار و بالدعاء في جوف الليل
اما صمتك و عزلتك فهي ليست بالحل المناسب
حاولي تحكي مع يماك غير بالعقل و ذكريها بالي الرجال كيفو قلاااال بزاف في هاذ الوقت
و ان شاء الله ربي يفرج عليك اختي الكريمة ياااااارب

[*عاشقة الجنة*]

اختي هدو هما الرجال اللي ضرك عدنا نحوسو عليهم ومنلقاوهمش

والله راجل كيما خطيبك نادرا وين نلقاوه........ومالgري tous وواش دارت في أمك

مزالو متمسك بيك ويحاول يصالحها

انت حاولي كيفاه تبدلي شوي من طبايع أمك وباه تقعدي في شامبرتك وتقفلي

الباب مش حل...........لحل المشاكل يا أختي يجب مواجهتها لا الهروب منها

أنا حاسة بيك وعلى بالي ملقيتي وش اديري

mais غير خطيبك متفرطيش فيه

اقراي سورة البقرة وسورة يوسف كل يوم أكيد بادن الله يفرج عليك ربي

ويهنيك مع خطيبك وييسر أموركم ويجمعكم في أقرب وقت


تحياتي أختي

[achwak.1993]

خطيبك ولد فاميليا ما تخليهومش يبعدوك عليه
ووقفي في وجه باباك وقوليلي أنا تاني ما زال محتاجة الوقت عندي حوايج نشريهم
أو ديري حجة بان الخياطة ما زال ما خلصتش المهم حاولي تساعفي الحالة حتى يبدا خطيبك الخدمة
وربي يهنيكم إن شاء الله

[zalamite]

ربي يكمل لكم بالخير..و انا من جهتى نقوللك ما عليك الى مساندته و الوقوف معه بدون اغضاب اهلك ربما ضغطو عليه ليبدل مزيد من الجهد في ايجاد عمل ...لكن من حيث الجوهر فهم موافقون عليه و هدا هو الاهم
اما التعجيل في الزواج ارفضى انت باش تتلقاو على راي واحد انت وهو.