دبروا عليا واش ندير

[ned1992-05]

لسلام عليكم

[zineb.alg.ziani]

الله يجيب ل فيها لخير يا ختي ...بصح لوكان خير مقولتيلهاش عروبية عاا شي لغيضو .....ان شاا ءالله تتحسن احواالك يا ختي
متزعفيش من والديك سور راهم حابين خوك يخلي مرتو وميديروش لمشاكل....الله يكون في عونك

[فارس الجزائري]

السلام غليكم
خيرا إن شاء الله
أختي الكريمة لبد أن تكوني ذكية في تعاملك مع زوجة أخيك فبحركات بسيطة تستطعين كسب من هم حولك
قد يكون الأمر صعب ولكن لو تتقربين من زوجة أخيك وتعاملينها كصديقة لا إستطعي أن تكسبيها لصالحك
فمثلا عندما كنت تغلين في البطاطا كان الأجدر أن تمدحينها وتشكرينها على معاونتها بل وتقبلين رأسها وتدعين الله أن يحفظها لك
كذلك بالنسبة لقفل الضوء كان الأجدر أن تقولين لها يا زوجة أخي بارك الله فيك الله يحفظك أختي صحة أختي اشعلي الضو وانتهى المشكل حتى وإن لم تشعله لا يهم ليست مشكلة
أختي الكريمة إن الشيطان أعوذ بالله منه يكره أن يجد إثنان متفاهمين فيجعل الأسباب من أجل التفرقة بينهما وقد إستغلك من أجل ذلك وأكيد إستغلها هي أيضا وإستغل أخوك
فكوني أنت من تحافظي على بيت زوجك وأنت المدافع الأول عن زوجة أخيك وسترين كيف ستصبح كالخاتم في يدك
بشرط أن تفعلي ذلك حبا فيها
بالتوفيق إن شاء الله

[الأستاذة حياة]

انا من راي اخي فارس وكوني ذكية وحاولي تكسبيهم ليك من جديد ورانا في رمضان ادعي ربي ليل ونهار يفرج عليك

[~ أســـرآر ~]

كسب قلوب الناس يكون بالرفق ..... وإذا حبيتي نحكيلك تجربة عشتها أنا شخصيآ
كانت وحدة تقرا معايا تكرهني لأنها كانت تنافسني فالقراية ووصلت تقولي بالحرف الواحد نكرهههههك
وأنا محسيت اتجاهها لا بحب ولا بكره .....
عداو الأيام والسنوات وتلاقينا في دار وحدة صاحبتنا وبدينا نحكيو ونحكيو وجبنا السوايع ومفقنا مع رواحينا حتى لقينا رواحينا نضحكو مع بعض ...
وفاتت ليام وولينا صحابات ومرة طلبت مني السماح قالتلي على قد ما كنت نكرهك وليت نحبك وأنا تاني وليت نحبهااااا خلاص ...

يعني المفيد يا أختي انتي حاولي تقعدي مع لافامي تاعك ومع مرت خوك وادخلي معاهم فالحكايات واضحكي والله العقدة اللي بيناتكم رايحة تزول تدريجيا .... وقادرة تولي تحبيها خير على خاوتك هههههههه

لازم تكسري الحواجز اللي بيناتكم وتكون العبارات بيناتكم لطيفة مش استفزازية ....

مثلا كما جيتي تغسلي الماعن كون قلتيلها تعيشي اشعليلي الضو ...... وكي جات تقليلك البطاطا كون جبتيهالها ضحكة وقلتيلها خلي عليك والله أنا نديرها وإذا أصرت قوليلها صحيتي ومالا كي تجي نغسل المااعن عيطيلي نشلل معاك مالا ...

والله بأشياء بسيطة قادرة تكسبيها , انت برك حاولي تكوني المبادرة باه تكسبي الأجر وإن شاء الله رمضان الجاي تقوليلنا راني مليحة وعايشة آلاز مع حبيبة قلبي وصديقتي ومرت خويآآآ ربي يخليهالي ....


وربي يهدي ويصلح القلوب بيناتكم

[it's me]

ربي يهدي النفوس و يصلح مابينكم